കാന്തപുരം വിഭാഗം പ്രഭാഷകനെതിരേ പോക്സോകേസ്: ദര്സ് വിദ്യാര്ഥിയെ പീഡിപ്പിച്ചെന്ന്
മലപ്പുറം: കാന്തപുരം വിഭാഗം സുന്നി നേതാവായ പ്രഭാഷകനെതിരേ പീഡനാരോപണം. മമ്പാട് സ്വദേശിയായ ഇയാള് 14കാരനായ ദര്സ് വിദ്യാര്ഥിയെ പ്രകൃതി വിരുദ്ധമായി പീഡിപ്പിച്ചതായാണ് കേസ്, നിലമ്പൂര് പോലീസ് കേസ് രജിസ്റ്റര്ചെയ്തു. കാന്തപുരം എ.പി വിഭാഗം സുന്നി പ്രഭാഷകനും പള്ളി ദര്സിലെ ഉസ്താദ് കൂടിയായ വഹാബ് സഖാഫിക്കെതിരെയാണ് പീഡനകേസ്, അദ്ദേഹം ദര്സ് അധ്യാപകന് എന്ന അധികാരം ഉപയോഗിച്ചാണ് കുട്ടിയെ പ്രകൃതിവിരുദ്ധപീഡനത്തിനിരയാക്കിയതെന്നാണ് പരാതി, ദര്ദിസിലെ മറ്റൊരു ഉസ്താദിനെതിരെയും സമാനമായ പരാതി ഉയര്ന്നിട്ടുണ്ട്.
അറിയപ്പെടുന്ന പ്രഭാഷകനെതിരേയും ദര്സിലെ മറ്റൊരു അധ്യാപകനെതിരേയുമാണ് നിലമ്പൂര് പൊലിസ് പോക്സോ നിയമപ്രകാരം കേസെടുത്തത്. നിരന്തരമായി പ്രകൃതിവിരുദ്ധ പീഡനം നടക്കുന്നുണ്ടെന്ന വിവരമറിഞ്ഞ ചൈല്ഡ്ലൈന് പ്രവര്ത്തകര് കുട്ടിയെ നിലമ്പൂര് ജില്ലാ ആശുപത്രിയില് പ്രവേശിക്കുകയായിരുന്നു. തുടര്ന്നു ഡോക്ടറോടും പൊലിസിനോടും കുട്ടി മൊഴി നല്കി. ഇതോടെ കാന്തപുരം നേതാവും സഹായിയും ഒളിവില് പോയി. പൊലിസ് എഫ്.ഐ.ആര് രജിസ്റ്റര് ചെയ്ത് കുട്ടിയെ മജിസ്ട്രേറ്റിന് മുന്നില് ഹാജരാക്കി. എന്നാല്, സമ്മര്ദത്തെ തുടര്ന്നു കുട്ടിയെക്കൊണ്ട് മൊഴി തിരുത്തിച്ചതായും ആരോപണമുണ്ട്. നിരവധി കുട്ടികള് ഇത്തരത്തില് പീഡനത്തിന് ഇരയായതായാണ് വിവരം. അതേസമയം, രാഷ്ട്രീയ നേതാക്കള് ഇടപെട്ട് കേസ് ഒതുക്കാനുള്ള ശ്രമവും അണിയറയില് സജീവമാണ്.
കേസ് ഒതുക്കിത്തീര്ക്കാന് അണിയറയില് രാഷ്ട്രീയ ഇടപെടലുകളും പുരോഗമിച്ചുകൊണ്ടിരിക്കുകയാണ്, മമ്പാട് സ്വദേശിയായ വഹാബ് സഖാഫി കാന്തപുരം വിഭാഗത്തിന്റെ അറിയപ്പെടുന്ന പ്രഭാഷകനാണ്, ഇദ്ദേഹത്തിന്റെ നിരവധി പ്രസംഗങ്ങളാണ് യൂട്യൂബ് അടക്കമുള്ള നവമാധ്യമങ്ങളിലൂടെ പ്രചരിച്ചുകൊണ്ടിരിക്കുന്നത്, പ്രഭാഷകനെതിരേയും ദര്സിലെ മറ്റൊരു അധ്യാപകനെതിരേയും നിലമ്പൂര് പൊലിസ് പോക്സോ നിയമപ്രകാരം കേസെടുത്തിട്ടുണ്ട്,
Click it and Unblock the Notifications
Sign in with Google