• search
  • Live TV
മലപ്പുറം വാർത്തകൾക്ക്
നോട്ടിഫിക്കേഷൻ അനുവദിക്കൂ  

കാലുകൊണ്ട് പരീക്ഷ എഴുതി ദേവിക നേടിയത് ഫുള്‍ എപ്ലസ്: പരീക്ഷ എഴുതിയത് സ്ക്രൈബിനെ നിരസിച്ച്!!

  • By Desk

വള്ളിക്കുന്ന് : കാലുപയോഗിച്ച് എഴുതിയ എസ്എസ്എല്‍സി പരീക്ഷയില്‍ ദേവിക നേടിയത് ഫുള്‍ എ പ്ലസ് വള്ളിക്കുന്നിലെ സിബി ഹയര്‍ സെക്കന്‍ഡറി സ്‌കൂളിലെ വിദ്യാര്‍ഥിനിയാണ് ദേവിക. ദേവിക ജനിച്ചതു തന്നെ ഇരുകൈകളുമില്ലാതെയാണ്.

ശിവരാജ് സിംഗ് ചൗഹാന് രാഹുൽ ഗാന്ധിയുടെ മറുപടി; ബന്ധുക്കൾക്കും ഗുണം ഉണ്ടായി

പോരായ്മകളുടെ പേരില്‍ ഒരു സൗജന്യവും വാങ്ങാതെയാണ് ദേവിക ഈ നേട്ടം കാല്‍പ്പിടിയില്‍ ഒതുക്കിയത്. ഒലിപ്രംകടവിന് സമീപം താമസിക്കുന്ന ചോയിമഠത്തില്‍ പാതിരാട്ട് സജീവന്റെയും സുജിതയുടെയും മകളാണ് ദേവിക. അച്ഛനും അമ്മയും അവളെ കാലുകള്‍ കൊണ്ട് എഴുതാന്‍ പഠിപ്പിച്ചു . കുടുംബത്തിന്റെ കഠിനാധ്വാനം ദേവികയെ മിടുക്കിയാക്കി. പഠിച്ച സ്‌കൂളുകളിലെ അധ്യാപകരും ദേവികയെ വേണ്ടത്ര പ്രോത്സാഹിപ്പിച്ചു.

ഓരോരുത്തരും അളവറ്റ സ്‌നേഹവും കരുതലും അവള്‍ക്കു നല്‍കി . സ്‌ക്രൈബിനെ( എഴുതാന്‍ സഹായിക്കുന്നയാള്‍ ) വെച്ചു പരീക്ഷ എഴുതാന്‍ അവസരം ഉണ്ടായിട്ടും ഒറ്റ പരീക്ഷയില്‍ പോലും ഇന്നുവരെ ദേവിക മറ്റൊരാളുടെ സഹായം തേടിയില്ല . എസ്.എസ്.എല്‍.സി.യില്‍ രണ്ടു പരീക്ഷയ്ക്ക് മാത്രം അനുവദനീയമായ അധികസമയം ഉപയോഗിച്ചതല്ലാതെ ബാക്കി വിഷയങ്ങളെല്ലാം മറ്റുള്ളവര്‍ക്കൊപ്പം കൃത്യസമയത്ത് എഴുതി തീര്‍ത്തു. ഗ്രേസ് മാര്‍ക്കുപോലുമില്ലാതെയാണ് മുഴുവന്‍ വിഷയങ്ങള്‍ക്കും എ പ്ലസ് നേടിയത്. കാലുകൊണ്ട് മനോഹരമായ ചിത്രങ്ങള്‍ വരയ്ക്കാനും ദേവികക്ക് കഴിയും. സ്വപ്നചിത്ര കോഴിക്കോട് ആര്‍ട്ട് ഗ്യാലറിയില്‍ ഭിന്നശേഷിക്കാര്‍ക്കായി സംഘടിപ്പിച്ച പ്രദര്‍ശനത്തില്‍ ദേവിക വരച്ച ചിത്രങ്ങളും പ്രദര്‍ശിപ്പിച്ചിരുന്നു.

നാടന്‍പാട്ടിലും മിടുക്കിയാണ്. ജൂനിയര്‍ റെഡ് ക്രോസ് അംഗമായ ദേവികക്ക് ഈ വര്‍ഷം മികച്ച കേഡറ്റിനുള്ള പുരസ്‌കാരവും ലഭിച്ചു. പ്ലസ്ടുവിന് ഹ്യൂമാനിറ്റീസ് തെരഞ്ഞെടുക്കും. സിവില്‍ സര്‍വീസാണ് ലക്ഷ്യം . അച്ഛന്‍ സി.പി. സജീവ് തേഞ്ഞിപ്പലം പോലീസ് സേ്റ്റഷനിലെ സീനിയര്‍ സിവില്‍ പോലീസ് ഓഫീസറാണ്. സഹോദരന്‍ ഗൗതം നാലാം ക്ലാസില്‍ പഠിക്കുന്നു.

Malappuram

English summary
Specially abled Deika bags full A Plus in SSLC

Oneindia യില് നിന്നും തല്സമയ വാര്ത്തകള്ക്ക്
ഉടനടി വാര്ത്തകള് ദിവസം മുഴുവന് ലഭിക്കാന്

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more