എസ്എസ്എല്സി ഫലം; മലപ്പുറവും കുട്ടനാടും പത്തനംതിട്ടയും തിളങ്ങി
തിരുവനന്തപുരം: സംസ്ഥാനത്ത് എസ്എസ്എല്സി പരീക്ഷയില് ഏറ്റവും കൂടുതല് വിദ്യാര്ഥികള് എ പ്ലസ് നേടിയത് മലപ്പുറം വിദ്യാഭ്യാസ ജില്ലയില്. ഏറ്റവും കൂടുതല് വിജയശതമാനം പത്തനംതിട്ട ജില്ലയിലാണ്. ഇവിടെ 99.71 ശതമാനം വിദ്യാര്ഥികള് ജയിച്ചു. കുറഞ്ഞ വിജയ ശതമാനം വയനാട് ജില്ലയിലാണ്. ഇവിടെ 95.04 ശതമാനമാണ് വിജയം. കുട്ടനാട് വിദ്യാഭ്യാസ ജില്ല നൂറ് ശതമാനം വിജയം നേടി മികച്ച പ്രകടനം കാഴ്ചവച്ചു.
Recommended Video
സേ പരീക്ഷയുടെ വിവരം പിന്നീട് അറിയിക്കുമെന്ന് മന്ത്രി സി രവീന്ദ്രനാഥ് വാര്ത്താസമ്മേളനത്തില് പറഞ്ഞു. അതുപോലെ പ്ലസ് വണ് പ്രവേശന തിയ്യതി പിന്നീട് അറിയിക്കും. പുനര് മൂല്യനിര്ണയത്തിന് വ്യാഴാഴ്ച മുതല് അപേക്ഷ നല്കാം. മാര്ച്ച് 10നാണ് എസ്എസ്എല്സി പരീക്ഷ ആരംഭിച്ചത്. കൊറോണയും ലോക്ക് ഡൗണും കാരണം മാറ്റിവച്ച ചില പരീക്ഷകള് മെയ് 26 മുതല് 30 വരെ നടത്തി. ഒരു മാസത്തിനകം ഫലം പ്രഖ്യാപിക്കുകയും ചെയ്തു.
ഗല്വാനില് രണ്ടും കല്പ്പിച്ച് ഇന്ത്യ; ടി90 ഭീഷ്മ ടാങ്കുകള് ഇറക്കി, ചൈനീസ് ചതിക്കുഴി പരസ്യമായി
ഏറ്റവും കൂടുതല് വിദ്യാര്ഥികള് പരീക്ഷ എഴുതിയത് മലപ്പുറം എടരിക്കോട് പികെഎം ഹയര് സെക്കണ്ടറി സ്കൂളിലാണ്. 2327 പേരാണ് ഇവിടെ പരീക്ഷ എഴുതിയത്. ഏറ്റവും കുറവ് പരീക്ഷ എഴുതിയത് ആലപ്പുഴയിലെ തെക്കേക്കര സ്കൂളിലാണ്. രണ്ടു പേര് മാത്രമാണ് ഇവിടെ പരീക്ഷ എഴുതിയത്.
ട്രംപിനെ ഇറാന് എങ്ങനെ 'തൂക്കിലേറ്റും'? ഇന്റര്പോള് കൈവിട്ടു, ഇലക്ഷനില് തോറ്റാലും വിടില്ലെന്ന്