മഞ്ചേരിയിലും തിരൂരിലും പുതിയ പോക്സോ കോടതികള്; കേസുകള് വേഗത്തില് തീര്പ്പാക്കും
മലപ്പുറം: സംസ്ഥാനത്ത് വര്ധിച്ചു വരുന്ന പോക്സോ കേസുകളുടെ അതിവേഗ വിചാരണയ്ക്കായി ജില്ലയില് രണ്ട് പ്രത്യേക കോടതികള് കൂടി യാഥാര്ഥ്യമായി. മഞ്ചേരിയിലും തിരൂരിലുമാണ് പുതിയ ഫാസ്ട്രാക്ക് കോടതികള് ആരംഭിച്ചത്. ലൈംഗിക കേസുകളും പോക്സോ കേസുകളും നിരന്തരം വര്ധിച്ചു വരുന്ന സാഹചര്യത്തില് കെട്ടിക്കിടക്കുന്ന കേസുകള് പരമാവധി വേഗത്തില് തീര്പ്പാക്കുകയാണ് പുതിയ കോടതികളുടെ ലക്ഷ്യം. രണ്ട് വര്ഷത്തിനകം പരമാവധി കേസുകള്ക്ക് തീര്പ്പ് കല്പ്പിച്ച് ജനകീയ പരാതികള് പരമാവധി കുറക്കുക എന്ന ലക്ഷ്യം മുന്നിര്ത്തി ആരംഭിച്ച പ്രത്യേക കോടതികള് മുഖ്യമന്ത്രി പിണറായി വിജയന് ഉദ്ഘാടനം ചെയ്തു.
സ്ത്രീകള്ക്കും കുട്ടികള്ക്കുമെതിരായ അക്രമങ്ങള് ഒരു കാരണവശാലും അംഗീകരിക്കില്ല. ഇക്കാര്യത്തില് സര്ക്കാരും പൊതു സമൂഹവും തികഞ്ഞ ജാഗ്രതയാണ് പുലര്ത്തുന്നതെന്ന് മുഖ്യമന്ത്രി പറഞ്ഞു. കുറ്റകൃത്യങ്ങള് ആവര്ത്തിക്കാതിരിക്കാനും അതില് ഉള്പ്പെടുന്നവരെ തിരുത്താനും വിവിധ കര്മ്മ പദ്ധതികള് ആവിഷ്ക്കരിച്ചിട്ടുണ്ട്. കൂടുതല് കോടതികള് യാഥാര്ഥ്യമാകുന്നതോടെ കെട്ടികിടക്കുന്ന കേസുകള്ക്ക് തീര്പ്പാകുമെന്നത് ആശ്വാസകരമാകുമെന്നും സാധാരണ ജനതയ്ക്ക് വേഗത്തില് നീതി ഉറപ്പാക്കാനാകുമെന്നും മുഖ്യമന്ത്രി കൂട്ടിച്ചേര്ത്തു.
മഞ്ചേരിയില് നടന്ന ചടങ്ങില് ജില്ല ജഡ്ജി കെ.പി ജോണ് പ്രത്യേക കോടതി നാടിന് സമര്പ്പിച്ചു. എം.എ.സി.ടി. ജഡ്ജി അഹമ്മദ് കോയ, ഒന്നാം അഡീഷനല് കോടതി ജില്ലാ ജഡ്ജി ടി.വി. സുരേഷ് ബാബു, രണ്ടാം അഡീഷനല് ജില്ല ജഡ്ജി ടോമി വര്ഗീസ്, ചീഫ് ജുഡീഷ്യല് മജിസ്ട്രേറ്റ് ഉദയകുമാര്, സബ് ജഡ്ജി ഷൈജല്, ജില്ല ലീഗല് സര്വീസസ് അതോറിറ്റി സെക്രട്ടറി പ്രിയ, പബ്ലിക് പ്രോസിക്യൂട്ടര് പി. സുരേഷ്, മഞ്ചേരി ബാര് അസോസിയേഷന് പ്രസിഡന്റ് അഡ്വ. കെ.സി. അഷ്റഫ്, സെക്രട്ടറി അഡ്വ.ആസിഫ് ഇഖ്ബാല് എന്നിവര് സംബന്ധിച്ചു.
തിരൂരില് എം.എ.സി.ടി ജഡ്ജ് ടി. മധുസൂദനന് ഉദ്ഘാടനം ചെയ്തു. തിരൂര് ബാര് അസോസിയേഷന് പ്രസിഡന്റ് പദ്മകുമാര് അധ്യക്ഷനായി. കുടുംബ കോടതി ജഡ്ജ് എ.വി. നാരായണന്, മുതിര്ന്ന അഭിഭാഷകരായ എം.കെ മൂസക്കുട്ടി, നന്ദകുമാര്, ശിരസ്ദാര് ദനേഷ്, ബാര് അസോസിയേഷന് സെക്രട്ടറി സൈനുദ്ദീന് തുടങ്ങിയവര് പങ്കെടുത്തു.
-
സുനിച്ചനുമായി വേർപിരിഞ്ഞ് കഴിയുന്നതിനെ കുറിച്ച് തുറന്ന് പറഞ്ഞ് മഞ്ജു പത്രോസ്;'ഒരു രീതിയിലും ബന്ധമില്ല' -
ഉല്ലാസ് പന്തളത്തിന് 10,000 രൂപ നൽകി സഹായിച്ചു, പക്ഷെ വിളിച്ച് പറയുന്ന ആളല്ല ഞാനെന്ന് അഖിൽ മാരാർ; വൻ ട്രോൾ -
പൊതുഅവധി; വിദ്യാഭ്യാസ സ്ഥാപനങ്ങൾക്കും സർക്കാർ-സ്വകാര്യ സ്ഥാപനങ്ങൾക്കും അവധി ബാധകം -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
യുഎഇയിൽ ശക്തമായ മഴ വരുന്നു; പ്രവാസികൾ ജാഗ്രത പാലിക്കുക, സുരക്ഷാ നിർദ്ദേശങ്ങൾ ഇങ്ങനെ -
'മത്സരിക്കാന് രാഹുല് അനുവദിച്ചു.. എന്നിട്ടും അത് മുടക്കി, ആളെ എനിക്കറിയാം'; തുറന്നടിച്ച് സുധാകരന് -
'ശോഭാ സുരേന്ദ്രൻ എടിഎം പൊളിച്ച് പണമുണ്ടാക്കിയതല്ല, മകന് കോടികൾ ശമ്പളം കിട്ടുന്ന ജോലി പാടില്ലേ' -
ശമ്പളം വെട്ടിക്കുറച്ചു; ഉന്നത ഉദ്യോഗസ്ഥര്ക്കും പോലീസുകാര്ക്കും കടുംവെട്ട്, കടുത്ത പ്രതിസന്ധിയില് ഹിമാചല് -
ഇറാനെ ചുട്ടെരിക്കാൻ അമേരിക്ക; വൈദ്യുത നിലയങ്ങൾ തകർക്കും, ട്രംപിന്റെ അന്ത്യശാസനം -
മഞ്ചേശ്വരത്ത് മുസ്ലിം ലീഗ് പെട്ടു; സ്ഥാനാര്ഥിയെ പ്രഖ്യാപിച്ച് എസ്ഡിപിഐ, കെ സുരേന്ദ്രന് ഹാപ്പി -
ഇസ്രായേലില് രൂക്ഷമായ മിസൈലാക്രമണവുമായി ഇറാന്; ഡിമോണും അറാദും ആക്രമിക്കപ്പെട്ടു -
13000 രൂപയുടെ ഇടിവില് സ്വര്ണം.. വെള്ളിയ്ക്ക് കുറഞ്ഞത് 32000 രൂപ! അടുത്ത ആഴ്ചയിലും വില കുറയും?
Click it and Unblock the Notifications
Sign in with Google