മലപ്പുറം ജില്ലയില് രണ്ട് പേര്ക്ക് കൂടി കൊറോണ; രണ്ടു പേര്ക്ക് രോഗം ഭേദമായി
മലപ്പുറം: ജില്ലയില് രണ്ട് പേര്ക്ക് കൂടി ഇന്ന് കോവിഡ് 19 സ്ഥിരീകരിച്ചു. മെയ് 17 ന് അബുദബിയില് നിന്ന് പ്രത്യേക വിമാനത്തില് കരിപ്പൂരിലെത്തിയ ഊരകം പുത്തന്പീടിക സ്വദേശി 39 കാരന്, മെയ് 27 ന് ദുബായില് നിന്ന് പ്രത്യേക വിമാനത്തില് കരിപ്പൂര് വഴിയെത്തിയ എടയൂര് മന്നത്ത്പറമ്പ് സ്വദേശി 26 കാരന് എന്നിവര്ക്കാണ് രോഗബാധ. ഇരുവരും മഞ്ചേരി ഗവ. മെഡിക്കല് കോളജ് ആശുപത്രിയില് ഐസൊലേഷനിലാണ്. ഇവര്ക്ക് പുറമെ മലപ്പുറം സ്വദേശിയായ ഒരാള്ക്ക് പാലക്കാടും കോവിഡ് ബാധ സ്ഥിരീകരിച്ചിട്ടുണ്ട്.
രോഗം സ്ഥിരീകരിച്ചവരുമായി ഏതെങ്കിലും വിധത്തില് സമ്പര്ക്കമുണ്ടായവര് വീടുകളില് പൊതു സമ്പര്ക്കമില്ലാതെ പ്രത്യേക മുറികളില് നിരീക്ഷണത്തില് കഴിയണമെന്ന് ജില്ലാ മെഡിക്കല് ഓഫീസര് ഡോ. കെ. സക്കീന അറിയിച്ചു. ഈ വിവരം ആരോഗ്യ പ്രവര്ത്തകരെ അറിയിക്കണം. വീടുകളില് നിരീക്ഷണത്തിന് സൗകര്യമില്ലാത്തവര്ക്ക് സര്ക്കാര് ഒരുക്കിയ കോവിഡ് കെയര് സെന്ററുകള് ഉപയോഗപ്പെടുത്താം. ആരോഗ്യ പ്രശ്നങ്ങളുണ്ടായാല് ഒരു കാരണവശാലും നേരിട്ട് ആശുപത്രികളില് പോകരുത്.
യുഎസ്സില് പ്രതിഷേധാഗ്നി; 24 നഗരങ്ങള് കത്തുന്നു, നായകളെ വിടുമെന്ന് ട്രംപ്, കൂട്ട അറസ്റ്റ്, കര്ഫ്യൂ
അതേസമയം, 61 പേര്ക്കാണ് സംസ്ഥാനത്ത് ഇന്ന് കോവിഡ്-19 സ്ഥിരീകരിച്ചത്. ഇതില് 20 പേര് വിദേശത്ത് നിന്നും 37 പേര് മറ്റ് സംസ്ഥാനങ്ങളില് നിന്നും വന്നതാണ്. 4 പേര്ക്ക് സമ്പര്ക്കത്തിലൂടെയാണ് രോഗം ബാധിച്ചത്. പാലക്കാട്, കൊല്ലം ജില്ലകളിലുള്ള 2 പേര്ക്ക് വീതമാണ് സമ്പര്ക്കത്തിലൂടെ രോഗം ബാധിച്ചത്. ചികിത്സയിലായിരുന്ന 15 പേരുടെ പരിശോധനാഫലം നെഗറ്റീവ് ആയി. ഇതില് രണ്ടു പേര് മലപ്പുറത്തുകാരാണ്. 670 പേരാണ് രോഗം സ്ഥിരീകരിച്ച് ചികിത്സയിലുള്ളത്. 590 പേര് രോഗമുക്തരായി. സംസ്ഥാനത്തെ വിവിധ ജില്ലകളിലായി 1,34,654 പേര് നിരീക്ഷണത്തിലാണ്.
അജണ്ടകള് മാറ്റിവയ്ക്കൂ... നിങ്ങള് എന്തു ചെയ്തു? മോദിയോട് സുപ്രധാന ചോദ്യങ്ങളുമായി കപില് സിബല്
ഇന്ന് 10 പ്രദേശങ്ങളെ കൂടി ഹോട്ട് സ്പോട്ടുകളാക്കി. കാസര്ഗോഡ് ജില്ലയിലെ ബദിയടുക്ക, പിലിക്കോട്, പാലക്കാട് ജില്ലയിലെ പല്ലശ്ശന, പുതുനഗരം, കണ്ണൂര് ജില്ലയിലെ തലശ്ശേരി മുന്സിപ്പാലിറ്റി, കൊല്ലം ജില്ലയിലെ പന്മന, പുനലൂര് മുന്സിപ്പാലിറ്റി, കുളത്തൂപ്പുഴ, ആര്യങ്കാവ്, തെന്മല എന്നീ പ്രദേശങ്ങളാണ് പുതിയ ഹോട്ട് സ്പോട്ടുകള്. കൊല്ലം ജില്ലയിലെ കുളത്തൂപ്പുഴ, ആര്യങ്കാവ്, തെന്മല എന്നീ ഹോട്ട് സ്പോട്ടുകളില് കണ്ടൈന്മെന്റ് സോണുകളില്ല. നിലവില് ആകെ 116 ഹോട്ട് സ്പോട്ടുകളാണ് ഉള്ളത്.
എന്ആര് സന്തോഷിന്റെ നിയമനം; ബിജെപി ഭരണം മൂക്കുകുത്തി വീഴുമെന്ന് കോണ്ഗ്രസ്, യെഡ്ഡിയുടെ നിഴല്...