'ദ​യാ​വാ​യ്പി​നു​ള്ള സമ്മാനം'; മലപ്പുറത്തെ വൈറൽ പാട്ടുകാരി ആതിരയ്ക്ക് വീടൊരുക്കാൻ പ്രവാസി

എ​ട​ക്ക​ര: തെരുവിൽ നിന്ന് താരാട്ട് പാട്ട് പാടി വൈറൽ ആയ മിടുക്കിയാണ് ആതിര. സോഷ്യൽമീഡിയയിൽ താരമാണ് ഇപ്പോൾ ഈ മിടുക്കി. ആതിരയിടെ മധുരാലാപനത്തിന് മാത്രമല്ല അഭിനന്ദനം ഈ കൊച്ചുമിടുക്കിയുടെ വലിയ മനസ്സിനെക്കൂടിയാണ് എല്ലാവരും അഭിനന്ദിക്കുന്നത്.

പഠനോപകരണങ്ങൾ വാങ്ങാൻ പോത്തുകൽ അങ്ങാടിയിൽ എത്തിയപ്പോഴാണ് മൈക്കിൽ പാട്ട് പാടുന്ന തെരുവ് ​ഗായികയെ കണ്ടത്. അവരിൽ നിന്ന് സ്നേഹപൂർവ്വം മൈക്ക് വാങ്ങി ആതിര പാടിയ പാട്ട് സോഷ്യൽമീഡിയയിൽ വൈറൽ ആവുകയായിരുന്നു.

പോ​ത്തു​ക​ൽ കാ​തോ​ലി​ക്കേ​റ്റ് ഹ​യ​ർ സെ​ക്ക​ൻഡ​റി സ്‌​കൂ​ളി​ലെ പ​ത്താം ക്ലാ​സ് വിദ്യാർത്ഥിയാണ് ആതിര. സ്വന്തമായി വീട് ഇല്ലാത്ത ആതിരയ്ക്ക് വീടുവെച്ച് നൽകാൻ സന്നദ്ധതയറിയിച്ച് രം​ഗത്തെത്തിയിരിക്കുകയാണ് ഒരു പ്രവാസി.

ഖത്തറിലെ ഏബിൾ ​ഗ്രൂപ്പ് മാനേജിങ് ഡയറക്ടറും വാഴക്കാട് എളമരം സ്വദേശിയുമായ മോൻസി ബഷീറാണ് ആതിരയ്ക്ക് വീട് വെച്ച് നൽകാൻ തയ്യാറായി എത്തിയത്. ആതിരയ്ക്ക് വീട് വെച്ച് നൽകാൻ‌ തയ്യാറാണെന്ന കാര്യം ആതിരയുടെ കുടുംബത്തേയും ആതിര പഠിക്കുന്ന പോ​ത്തു​ക​ൽ കാ​തോ​ലി​ക്കേ​റ്റ് ഹ​യ​ർ സെ​ക്ക​ൻഡ​റി സ്‌​കൂ​ൾ അ​ധി​കൃ​ത​രെ​യും ഇദ്ദേഹം അ​റി​യി​ച്ചിട്ടുണ്ട്.

സ്വ​ന്ത​മാ​യി വീ​ടി​ല്ലാ​ത്ത ആ​തി​ര​ക്ക് ജ​ന​കീ​യ പ​ങ്കാ​ളി​ത്ത​ത്തോ​ടെ വീട് വെച്ച് നൽകാൻ സ്‌​കൂ​ൾ അ​ധി​കൃ​ത​രുടെ ഭാ​ഗത്ത് നിന്നുള്ള ശ്രമം ശ്രദ്ധയിൽപ്പെട്ടതിന് പിന്നാലെയാണ് മോ​ൻസി ബ​ഷീ​ർ വീട് വെച്ച് നൽകാനുള്ള സന്നദ്ധത അറിയിച്ചത്.

ആ​തി​ര​യു​ടെ മ​ന​സ്സി​ന് ഇണങ്ങിയ വീ​ടാ​ണ് അ​വ​ർ നി​ർദേ​ശി​ക്കു​ന്ന സ്ഥ​ല​ത്ത് നി​ർമി​ച്ച് ന​ൽകു​കയെന്നു വി​ദ്വേ​ഷ​വും സ്വാർഥ​ത​യും കൂ​ടി വ​രു​ന്ന കാ​ല​ത്ത് ആ​തി​ര​യു​ടെ കു​ഞ്ഞ് മ​ന​സി​ൽ പ​ര​പ്രേ​ര​ണ​ ഇല്ലാതെ തന്നെ ഉ​ണ്ടാ​യ ദ​യാ​വാ​യ്പി​നു​ള്ള സ​മ്മാ​ന​മാ​ണ് താ​ൻ ന​ൽകു​ന്ന വീ​ട് എന്നും അദ്ദേഹം പറഞ്ഞു. 2019 ലെ ​പ്ര​ള​യ​ത്തി​ൽ ഒരുപാട് നാശനഷ്ടങ്ങൾ ആതിരയ്ക്കും കുടുംബത്തിനും ഉണ്ടായിട്ടുണ്ട്

ക​ഴി​ഞ്ഞ 25 വ​ർഷ​മാ​യി ഖ​ത്ത​റി​ൽ ബി​ൽഡി​ങ് മെ​റ്റീ​രി​യ​ൽ ട്രേ​ഡി​ങ് രം​ഗ​ത്ത് പ്ര​വ​ർത്തി​ക്കു​ന്ന ഏ​ബി​ൾ ഗ്രൂ​പ്പി​ന്റെ മാ​നേ​ജി​ങ് ഡ​യ​റ​ക്ട​റാ​ണ് മോ​ൻസി ബ​ഷീ​ർ. വീ​ട് നി​ർമി​ക്കാ​ൻ സ്ഥ​ലം ക​ണ്ടെ​ത്തി​യാ​ൽ ഉ​ട​ൻ തന്നെ നി​ർമാ​ണം തുടങ്ങും. ഓണത്തോട് അനുബന്ധിച്ച് ആതിരയ്ക്കും കുടുംബത്തിനും പുതിയ വീട്ടിൽ താമസമാക്കാൻ കഴിയുന്ന വിധത്തിൽ വീടിന്റെ നിർമാണം പൂർത്തിയാക്കാൻ ആണ് ഉദ്ദേശമെന്നും മോൻസി ബഷീർ പറഞ്ഞു. നിരവധിപേരാണ് ഈ മിടുക്കിയെ അഭിനന്ദിച്ച് രം​ഗത്തെത്തുന്നത്

English summary

Viral Singer Athira: Expatriate Monsi Basheer Is Ready To Build Home For Athira