• search
  • Live TV
മലപ്പുറം വാർത്തകൾക്ക്
നോട്ടിഫിക്കേഷൻ അനുവദിക്കൂ  

യുഡിഎഫുമായുള്ള ചര്‍ച്ചകള്‍ തൃപ്തികരമെന്ന് വെല്‍ഫെയര്‍ പാര്‍ട്ടി, സഖ്യമില്ലെന്ന് ആവര്‍ത്തിച്ച് കെപിസിസി

മലപ്പുറം: വെല്‍ഫെയര്‍ പാര്‍ട്ടിയുമായി സഖ്യമില്ലെന്ന് കോണ്‍ഗ്രസ് ആവര്‍ത്തിക്കുമ്പോഴും കോണ്‍ഗ്രസില്‍ ആശയക്കുഴപ്പം. മലപ്പുറത്ത് സഖ്യം സംബന്ധിച്ച ചര്‍ച്ചകള്‍ തൃപ്തികരമെന്ന് വെല്‍ഫെയര്‍ പാര്‍ട്ടി നേതാക്കള്‍ പ്രതികരിച്ചു. എന്നാല്‍ മുല്ലപ്പള്ളി രാമചന്ദ്രന്‍ കഴിഞ്ഞ ദിവസം കൂടി പറഞ്ഞത് അവരുമായി സഖ്യമില്ലെന്നാണ്. മുല്ലപ്പള്ളിയുടെ യോഗത്തില്‍ വെല്‍ഫെയര്‍ പാര്‍ട്ടിയുടെ സ്ഥാനാര്‍ത്ഥി പങ്കെടുക്കുകയും ചെയ്തു. ഇതില്‍ വിശദീകരണം തേടാനും അദ്ദേഹം ആവശ്യപ്പെട്ടിട്ടുണ്ട്. ഇത്തരം പ്രശ്‌നങ്ങള്‍ ഉള്ളത് കൊണ്ട് സഖ്യം സംബന്ധിച്ച് ആശങ്കകകള്‍ നിലനില്‍ക്കുന്നുണ്ട്.

പ്രാദേശിക ധാരണകള്‍ ഇരുകക്ഷികള്‍ക്കും ഗുണം ചെയ്യുമെന്നാണ് വെല്‍ഫെയര്‍ പാര്‍ട്ടി പറയുന്നത്. നീക്കുപോക്കില്‍ സന്തോഷമുണ്ടെന്ന് വെല്‍ഫെയര്‍ പാര്‍ട്ടിയുടെ ജില്ലാ വൈസ് പ്രസിഡന്റ് നാസര്‍ കീഴ്പറമ്പ് പറഞ്ഞു. ലോക്‌സഭാ തിരഞ്ഞെടുപ്പില്‍ നേരത്തെ മതേതര മുന്നണിയായ യുഡിഎഫ് പിന്തുണ നല്‍കിയിരുന്നു. അത് വലിയ നേട്ടമുണ്ടാക്കിയെന്നും നാസര്‍ പറയുന്നു. തദ്ദേശ തിരഞ്ഞെടുപ്പില്‍ ഇത് ആവര്‍ത്തിക്കുമെന്ന് നാസര്‍ കീഴ്പറമ്പ് വ്യക്തമാക്കി.

cmsvideo
    തദ്ദേശ തിരഞ്ഞെടുപ്പ്; യുഡിഎഫുമായുള്ള നീക്കുപോക്ക്‌ ചർച്ചകൾ തൃപ്തികരമെന്ന് വെൽഫെയർ പാർട്ടി

    അതേസമയം താഴേ തട്ടില്‍ വെല്‍ഫെയര്‍ ബന്ധം ഇപ്പോഴേ യുഡിഎഫ് ശക്തമാക്കി കഴിഞ്ഞു. മലപ്പുറത്ത് മാത്രം 28 ഗ്രാമപഞ്ചായത്തുകളിലും ഏഴ് മുനിസിപ്പാലിറ്റികളിലും ഒരു ബ്ലോക്ക് പഞ്ചായത്തിലും യുഡിഎഫ് ബാനറിലാണ് വെല്‍ഫെയര്‍ പാര്‍ട്ടി സ്ഥാനാര്‍ത്ഥികള്‍ മത്സരിക്കുന്നത്. പക്ഷേ കെപിസിസി നേതാക്കള്‍ അടക്കം ഇക്കാര്യം ഒളിച്ച് കളിക്കുകയാണ്. യുഡിഎഫിന് പുറത്ത് ആരുമായും സഖ്യമോ ധാരണയോ ഇല്ലെന്ന് ഉമ്മന്‍ ചാണ്ടി പറഞ്ഞു.

    മലബാറിലെ ഒട്ടുമിക്ക ജില്ലകളിലും യുഡിഎഫും വെല്‍ഫെയര്‍ പാര്‍ട്ടിയും ഒറ്റക്കെട്ടായി തന്നെ പ്രചാരണം നടത്തുന്നുണ്ട്. ഇതിനിടെയാണ് കോണ്‍ഗ്രസ് നേതൃത്വം ഇക്കാര്യത്തില്‍ മലക്കം മറിയുന്നത്. ജമാ അത്തെ ഇസ്ലാമി നേതൃത്വം നല്‍കുന്ന വെല്‍ഫെയര്‍ പാര്‍ട്ടിയുമായി യുഡിഎഫ് നേതാക്കള്‍ നടത്തിയ സഖ്യ ചര്‍ച്ചകളായിരുന്നു തദ്ദേശ തിരഞ്ഞെടുപ്പ് പ്രഖ്യാപിക്കും മുമ്പേ വാര്‍ത്തയായത്. വെല്‍ഫെയര്‍ പാര്‍ട്ടിയുമായി സഖ്യമില്ലെന്ന് എംഎം ഹസന്‍ വ്യക്തമാക്കി. നേരത്തെ സഖ്യം വേണമെന്ന നിലപാടിലായിരുന്നു ഹസന്‍. മുല്ലപ്പള്ളി സഖ്യമില്ലെന്ന കാര്യത്തില്‍ ഉറച്ച് നില്‍ക്കുകയാണ്.

    Malappuram

    English summary
    welfare party says talks with udf going on and its satisfactory
    വാർത്തകൾ അതിവേഗം അറിയൂ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X