നടിയുടെ അശ്ലീലവീഡിയോ, സംവിധായകന്‍ പരാതി നല്‍കി

Published: Tuesday, April 28, 2015, 14:15 [IST]

മുംബൈ: രാധിക ആപ്‌തെയുടെ നഗ്ന വീഡിയോ വാട്‌സ് ആപ്പ് ഗ്രൂപ്പുകളില്‍ പ്രചരിപ്പിച്ചവര്‍ക്കെതിരെ സംവിധായകന്‍ പരാതി നല്‍കി. ഒരു ഷോര്‍ട്ട് ഫിലിമിന് വേണ്ടി രഹസ്യമായി ചിത്രീകരിച്ച രംഗങ്ങളാണ് ഇപ്പോള്‍ പ്രചരിക്കുന്നത്. ഷോര്‍ട്ട് ഫിലിമിന്റെ സംവിധാകനായ അനുരാഗ് കാശ്യപാണ് പരാതി നല്‍കിയിരിക്കുന്നത്. മുംബൈ പോലീസിന്റെ സൈബര്‍ സെല്‍ കേസെടുത്ത് അന്വേഷണം തുടങ്ങി.

ചിത്രീകരണം പൂര്‍ത്തിയാക്കിയ ശേഷം ഷോര്‍ട്ട് ഫിലിം ന്യൂയോര്‍ക്കിലേക്ക് ഒരു മാസം മുമ്പേ അയച്ചതാണ് എന്നും അനുരാഗ് കാശ്യപ് പറയുന്നു. ഷോര്‍ട്ട് ഫിലിമിന്റെ ചിത്രീകരണത്തില്‍ സ്ത്രീകള്‍ മാത്രമേ ഉണ്ടായിരുന്നുള്ളൂ. ഷോര്‍ട്ട് ഫിലിമിന് വേണ്ടി ചിത്രീകരിച്ച രംഗങ്ങളില്‍ നിന്നും എഡിറ്റ് ചെയ്ത ദൃശ്യങ്ങളാണ് ഇപ്പോള്‍ വാട്‌സ്ആപ്പ് ഗ്രൂപ്പുകളില്‍ പ്രചരിക്കുന്നത്.

ഫഹദ് ഫാസിലിന്റെ നായികയായി മലയാളത്തില്‍ ഹരം എന്ന ചിത്രത്തില്‍ അഭിനയിച്ചിട്ടുണ്ട് രാധിക ആപ്‌തെ. ഇതാദ്യമായിട്ടല്ല ഇവര്‍ വാട്‌സ്ആപ്പ് ഗ്രൂപ്പുകളുടെ ആക്രമണത്തിന് ഇരയാകുന്നത്. നേരത്തെ രാധിക ആപ്‌തെയുടേത് എന്ന പേരില്‍ നഗ്‌ന സെല്‍ഫികള്‍ വാട്‌സ്ആപ്പ് ഗ്രൂപ്പുകളില്‍ പ്രചരിച്ചിരുന്നു. എന്നാല്‍ ആ ചിത്രങ്ങള്‍ തന്റേതല്ലെന്ന് രാധിക ആപ്‌തെ തന്നെ നിഷേധിച്ചിരുന്നു.

Published On April 28, 2015