ഭര്ത്താവിന് മുന്നിലിട്ട് വീട്ടമ്മയെ ജാരന് കൊന്നു
മുംബൈ: വികാലാംഗനായ ഭര്ത്താവിന്റെ കണ്മുന്നിലിട്ട് ഭാര്യയെ ജാരന് കുത്തിക്കൊന്നു. മുംബൈയിലെ ലോവര് പരേലിലാണ് സംഭവം നടക്കുന്നത്. പരശുറാം കാംബ്ലേ (35) എന്ന യുവാവാണ് കാമുകിയായ അല്ഖ തിര്വാദേ(50) കുത്തിക്കൊലപ്പെടുത്തിയത്. കൊലപാതകത്തിന് ശേഷം പ്രതി ഓടി രക്ഷപ്പെട്ടു.
വീടിന്റെ ഒന്നാമത്തെ നിലിയിലിട്ടാണ് സ്ത്രീയെ കൊന്നത്. അല്ഖയുടെ ഭര്ത്താവ് ശിവജി സംഭവത്തിന് ദൃക്സാക്ഷിയാണ്. രാത്രി 8.30 ഓടെയാണ് കൊലപാതകം നടക്കുന്നത്. 22കാരനായ ഇവരുടെ മകന് ജോലിസ്ഥലത്തേയ്ക്ക് പോയതിന് ശേഷമാണ് പ്രതി വീട്ടിലെത്തിയത്. ഉറങ്ങാനുള്ള തയ്യാറെടുപ്പിലായിരുന്നു ദമ്പതിമാര്.
കഴിഞ്ഞ കുറേ വര്ഷങ്ങളായി ഡ്രൈവറായ പരശുറാം അല്ഖയുടെ വീട്ടില് വാടകയ്ക്ക് താമസിയ്ക്കുകയാണ്. ഇവര് തമ്മില് അവിഹിതബന്ധം നിലനിന്നിരുന്നു. മകന് ഇക്കാര്യം അറിഞ്ഞതോടെ സ്ത്രീ കാമുകനെ ഒഴിവാക്കുകയും ഫെബ്രുവരകിയില് വീട്ടില് നിന്ന് പുറത്താക്കുകയും ചെയ്തു.
സ്ത്രീ തന്നെ കബളിപ്പിയ്ക്കയും ഒഴിവാക്കാന് ശ്രമിയ്ക്കുകയും ചെയ്യുന്നെന്ന് തോന്നിയതിനാലാണ് പ്രതി കൊലപാതകം നടത്തിയതെന്നാണ് നിഗമനം. പൊലീസിന്റെ സഹായത്തോടെയായിരുന്നു പ്രതിയെ അല്ഖയുടെ വീട്ടില് നിന്നും ഒഴിപ്പിച്ചത്. വികലാംഗനായ ഇവരുടെ ഭര്ത്താവ് വീല്ചെയറിന്റെ സഹായത്തോടെയാണ് ജീവിയ്ക്കുന്നത്. പ്രതിയ്ക്കായുള്ള തെരച്ചില് പൊലീസ് ഊര്ജിതമാക്കി.