കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

ലിയാന്‍ഡര്‍ പേസ് ചതിച്ചെന്ന് റിയ പിള്ള

Google Oneindia Malayalam News

മുംബൈ: ഇന്ത്യയുടെ ടെന്നീസ് ഇതിഹാസം ലിയാന്‍ഡര്‍ പേസിനെതിരെ മോഡലും നടിയുമായ റിയ പിള്ള. പരിചയപ്പെട്ട ആദ്യത്തെ ദിവസം മുതല്‍ പേസ് തന്നെ വഞ്ചിക്കുകയായിരുന്നു. മകളെ കരുതി മാത്രമാണ് പേസുമായുള്ള വിവാഹജീവിതം ഇതുവരെ തുടര്‍ന്നത്. ഇനി അതിന് കഴിയില്ല. പേസുമായി പൊരുത്തപ്പെട്ട് പോകാന്‍ കഴിയില്ലെന്നും പിരിയുകയാണെന്നും റിയ പറഞ്ഞു.

2003 ലാണ് ലിയാന്‍ഡറും റിയയും ഒത്തുചേര്‍ന്നത്. സഞ്ജയ് ദത്തുമായുള്ള വിവാഹമോചനത്തിന്റെ വക്കിലായിരുന്നു അന്ന് റിയ. പേസാകട്ടെ മഹിമ ചൗധരിയുമായുളള ബന്ധം പിരിഞ്ഞതേ ഉണ്ടായിരുന്നുള്ളൂ. പത്ത് വര്‍ഷത്തിന് ശേഷം പേസ് - റിയ ബന്ധം പിരിയുകയാണ്. ഇവര്‍ക്ക് ഒരു കുട്ടിയുണ്ട്. കഴിഞ്ഞ വര്‍ഷം മെയ് മുതലാണ് പേസും റിയയും തമ്മിലുള്ള പ്രശ്‌നങ്ങള്‍ വഷളായത്.

rhea-pillai

എന്നാല്‍ കഴിഞ്ഞ വര്‍ഷം മുതലല്ല, പരിചയപ്പെട്ട ആദ്യത്തെ ദിവസം മുതല്‍ പേസ് തന്നെ ചതിക്കുകയാണ് എന്നാണ് റിയ പറയുന്നത്. പബ്ലിസിറ്റിക്ക് വേണ്ടി തനിക്കെതിരെ ആരോപണങ്ങള്‍ ഉന്നയിക്കുകയാണ് പേസ്. പേസും അമ്മയും ചേര്‍ന്ന് എന്നെ വീട്ടില്‍ നിന്നും പുറത്താക്കാന്‍ ശ്രമിച്ചു. എന്റെ കംപ്യൂട്ടര്‍ ഹാക്ക് ചെയ്ത് ഇ മെയിലുകളും ഫോട്ടോഗ്രാഫുകളും തുറന്ന് കൈവശപ്പെടുത്തി.

പിരിഞ്ഞാലും കുട്ടിയെ ലിയാന്‍ഡറിന് കൊടുക്കില്ല എന്നാണ് മിയ പറയുന്നത്. കുഞ്ഞിനെ ശ്രദ്ധിക്കാനോ അവള്‍ എവിടെയാണെന്നോ എന്താണോ എന്ന് ശ്രദ്ധിക്കാനോ പേസിന് സമയമില്ല. അങ്ങനെ ഒരാളുടെ കൂടെ കുഞ്ഞിനെ വിടണമെന്ന് ഒരു കോടതിയും പറയില്ല. രണ്ട് വിവാഹ ബന്ധങ്ങള്‍ പിരിയേണ്ടി വന്നതോടെ തനിക്ക് വിവാഹത്തിലുള്ള വിശ്വാസം പോലും നഷ്ടപ്പെട്ടു എന്നും റിയ പറയുന്നു.

English summary
Leander cheated on me from day one - Rhea Pillai.
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X