• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

മാധുരി ദീക്ഷിതിന് വധഭീഷണി

മുംബൈ: ബോളിവുഡ് നടി മാധുരി ദീക്ഷിതിന് ഭീഷണി സന്ദേശം അയച്ചയാള്‍ അറസ്റ്റില്‍. 23 കാരനായ യുവാവാണ് നടിക്ക് മൊബൈല്‍ ഫോണിലൂടെ സന്ദേശം അയച്ചത്. മാധുരി ദീക്ഷിതിനെയും മക്കളെയും കൊല്ലും എന്നായിരുന്നു ഭീഷണി. പണം തട്ടാനുള്ള ശ്രമമായിരുന്നു ഭീഷണി നടത്തിയ ആളുടേതെന്ന് പോലീസ് പറഞ്ഞു.

പ്രവീണ്‍ കുമാര്‍ പ്രധാന്‍ എന്ന 23 കാരനാണ് പോലീസിന്റെ വലയിലായത്. മുംബൈയിലെ ഒരു ഹോട്ടലില്‍ വെയ്റ്ററാണ് ഇയാള്‍. ഇയാള്‍ക്ക് അധോലോകവുമായി ബന്ധമുള്ളതായും റിപ്പോര്‍ട്ടുണ്ട്. നടിയില്‍ നിന്നും പണം ആവശ്യപ്പെട്ട പ്രവീണിനെ പോലീസ് സമര്‍ഥമായി വലയിലാക്കുകയായിരുന്നു. നടിക്ക് ഭീഷണി സന്ദേശമയച്ച മൊബൈല്‍ ഫോണും പോലീസ് പിടിച്ചെടുത്തു.

കോടതിയില്‍ ഹാജരാക്കിയ പ്രവീണിനെ പോലീസ് കസ്റ്റഡിയില്‍ വിട്ടിരിക്കുകയാണ് എന്ന് ബാന്ദ്ര സബര്‍ബന്‍ സൈബര്‍ പോലീസ് സീനിയര്‍ ഇന്‍സ്‌പെക്ടര്‍ സുനില്‍ ഖൊസാല്‍കര്‍ പറഞ്ഞു. നവംബര്‍ 28 നാണ് ഭീഷണി സന്ദേശങ്ങള്‍ കിട്ടി എന്ന പരാതിയുമായി മാധുരി ദീക്ഷിതിന്റെ സഹായി പോലീസിനെ സമീപിച്ചത്.

മാധുരി ദീക്ഷിതിന്റെ പേരെടുത്ത് പറഞ്ഞായിരുന്നു സന്ദേശം. താരത്തിന്റെ മക്കളെയും കൊല്ലുമെന്ന് ഭീഷണിയുണ്ടായിരുന്നു. തുടര്‍ച്ചയായി മൂന്ന് ദിവസങ്ങളിലാണ് ഇയാള്‍ നടിയുടെ ഫോണിലേക്ക് ഭീഷണി സന്ദേശങ്ങള്‍ അയച്ചത്. ഇയാള്‍ ഇതിനുമുമ്പ് വേറെയും സിനിമാതാരങ്ങള്‍ക്ക് സാമനമായ സന്ദേശങ്ങള്‍ അയച്ചിട്ടുണ്ടത്രെ. അധോലോക നേതാവ് ഛോട്ടാ രാജന്റെ സംഘവുമായി തനിക്ക് ബന്ധമുണ്ട് എന്ന് ഇയാള്‍ അവകാശപ്പെടുന്നു.

English summary
23-year old waiter from Mumbai, threatens to kill Madhuri Dixit, arrested
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more