Click it and Unblock the Notifications
Just In
Don't Miss
-
പിറന്നാളിന് തുണിയില്ലാതെ നടക്കണോ? സാനിയ അയ്യപ്പന്റെ ബെര്ത്ത് ഡേ ചിത്രങ്ങള്ക്ക് വിമര്ശനവുമായി സോഷ്യല് മീഡിയ -
DSLRനെ വെല്ലും ക്യാമറ മികവുമായി ഓപ്പോ; ഫൈൻഡ് X7 അൾട്ര ആള് പൊളി തന്നെ -
T20 World Cup: പന്തുള്ളപ്പോള് സഞ്ജു എന്തിന്? പഠാന്റെ ലോകകപ്പ് ടീമില് സഞ്ജുവും രാഹുലുമില്ല -
അരക്കപ്പ് വെണ്ടക്കയില് കിടിലന് പക്കവട: റെസിപ്പി വളരെ എളുപ്പം -
ഓഫ്റോഡ് പ്രേമികളേ ഇതിലെ, പുത്തൻ റാങ്ലർ ഫെയ്സ്ലിഫ്റ്റിലെ ഹൈലൈറ്റുകൾ ഇവയൊക്കെ -
ദിവസവും 7 രൂപ നിക്ഷേപിക്കാമോ, പ്രതിമാസം നേടാം 5000 രൂപ, ഇതാണ് സൂപ്പർ ഹിറ്റ് പദ്ധതി -
ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
ബാല്‍ താക്കറെയോട് മോദിക്ക് എന്ത് ബഹുമാനമാണ് ഉള്ളത്?
മുംബൈ: ശിവസേന സ്ഥാപകന്‍ ബാല്‍ താക്കറെയോട് പ്രധാനമന്ത്രി നരേന്ദ്ര മോദിക്ക് എന്ത് ബഹുമാനമാണ് ഉള്ളത്. ചോദിക്കുന്നത് മറ്റാരുമല്ല, ശിവസേന തന്നെയാണ്. തങ്ങളുടെ മുഖപത്രമായ സാമ്‌നയിലൂടെയാണ് ശിവസേന മോദിയുടെ താക്കറെ ഭക്തി ചോദ്യം ചെയ്യുന്നത്. സീറ്റ് വിഭജനത്തെ ചൊല്ലി സഖ്യം പിരിഞ്ഞ സാഹചര്യത്തില്‍ എന്താണ് ഈ ബഹുമാനത്തിന് പ്രസക്തിയെന്നും സേന ചോദിക്കുന്നു.
മഹാരാഷ്ട്രയില്‍ തിരഞ്ഞെടുപ്പ് പ്രചാരണത്തിനിടെ താന്‍ ശിവസേനയ്‌ക്കെതിരെ ഒന്നും പറയില്ല എന്ന മോദിയുടെ പ്രസ്താവനയെ ആണ് സാമ്‌ന എഡിറ്റോറിയല്‍ ചോദ്യം ചെയ്യുന്നത്. ബാല്‍ താക്കറെയോടുള്ള ബഹുമാനം കൊണ്ടാണ് താന്‍ സേനയ്‌ക്കെതിരെ ഒന്നും പറയാത്തത് എന്നായിരുന്നു മോദിയുടെ വാക്കുകള്‍. രാഷ്ട്രീയത്തിനും മീതെ ചില കാര്യങ്ങള്‍ ഉണ്ട്.
ബാല്‍ താക്കറെയോട് എനിക്കുള്ള ബഹുമാനം അത്തരത്തില്‍ ഒന്നാണ്. അദ്ദേഹത്തിന്റെ മരണത്തിന് ശേഷമുള്ള ആദ്യത്തെ നിയമസഭ തിരഞ്ഞെടുപ്പാണ് ഇത്. അദ്ദേഹത്തോടുള്ള ബഹുമാന സൂചകമായി, താന്‍ ശിവസേനയ്‌ക്കെതിരെ ഒന്നും പറയില്ല - മോദി പറഞ്ഞു. എന്നാല്‍ ബാല്‍ താക്കറെയോട് എന്തെങ്കിലും സ്‌നേഹമുണ്ടായിരുന്നെങ്കില്‍ സീറ്റ് വിഭജനെത്തെ പറ്റി ചര്‍ച്ച നടക്കുമ്പോളായിരുന്നു അത് കാണിക്കേണ്ടത് എന്നാണ് സേന തിരിച്ചടിച്ചത്.
10 ദിവസം കൊണ്ട് 20 റാലികളെയാണ് മോദി മഹാരാഷ്ട്രയില്‍ അഭിസംബോധന ചെയ്യുന്നത്. ബി ജെ പിയെ ഒറ്റയ്ക്ക് വിജയത്തിലെത്തിക്കണമെന്നാണ് റാലികളില്‍ മോദി ആളുകളോട് പറയുന്നത്. 25 വര്‍ഷത്തിന് ശേഷമാണ് മഹാരാഷ്ട്രയില്‍ ബി ജെ പി ഒറ്റയ്ക്ക് മത്സരിക്കുന്നത്. 288 അംഗ മഹാരാഷ്ട്ര നിയമസഭയിലേക്ക് ഒക്ടോബര്‍ 15 നാണ് വോട്ടെടുപ്പ്.
