കോലിയുടെ അമ്മ അനുഷ്കയെ കാണാനെത്തി, വിവാഹം ഉടന്?
മുംബൈ: വിരാട് കോലിക്ക് കല്യാണപ്രായമായില്ല എന്നായിരുന്നു ഇതുവരെ അമ്മ സരോജയുടെ അഭിപ്രായം. ഇപ്പോള് ആ അഭിപ്രായം മാറിയോ. ചോദിക്കാന് കാരണമുണ്ട്. കോലിയുടെ കാമുകി അനുഷ്ക ശര്മ്മയെ കാണാന് കോലിയുടെ അമ്മ കുടുംബസമേതം എത്തിയതാണ് കോലി - അനുഷ്ക പ്രണയം വീണ്ടും വാര്ത്തയിലെത്തിക്കുന്നത്.
മുംബൈയിലെത്തിയാണ് വിരാട് കോലിയുടെ അമ്മ സരോജയും സഹോദരനും അനുഷ്കയെ കണ്ടതെന്നാണ് റിപ്പോര്ട്ട്. അനുഷ്കയുടെ വീട്ടുകാരും സന്നിഹിതരായിരുന്നത്രെ. വിവാഹത്തീയതി നിശ്ചയിക്കാനാണ് ഇരു കുടുംബങ്ങളും ഒത്തു ചേര്ന്നതെന്നും അല്ല ഫോര്മലായ പെണ്ണുകാണലാണ് നടന്നതെന്നും റിപ്പോര്ട്ടുകളുണ്ട്. കൂടുതല് വിശേഷങ്ങളിതാ.
വ്യാറ്റിനോടെന്ത് വെയ്റ്റ്
കോലിയുടെ തകര്പ്പന് ബാറ്റിംഗ് കണ്ട് പ്രേമം തോന്നിയ ഇംഗ്ലീഷ് ക്രിക്കറ്റ് താരം ഡാനിയേല വ്യാറ്റ് കോലിയെ കല്യാണം കഴിച്ചാല് കൊള്ളാമെന്ന് പറഞ്ഞിരുന്നു. എന്നാല് കോലിക്ക് കല്യാണപ്രായമൊന്നും ആയില്ല എന്നാണ് കോലിയുടെ അമ്മ സരോജ കോലി അന്ന് പറഞ്ഞത്.
കോലി പക്ഷേ അങ്ങനല്ല
അമ്മയുടെ അഭിപ്രായമൊന്നും പക്ഷേ കോലിക്ക് ഇല്ല. ഇന്ത്യന് ക്രിക്കറ്റിലെ സൂപ്പര് സ്റ്റാര് ബാറ്റ്സ്മാനും ബോളിവുഡ് നായികയും തമ്മില് കുറച്ച് വര്ഷങ്ങളായി ഡേറ്റിംഗിലാണ്. ഇരുവരും പരസ്യമായി ഇക്കാര്യം സമ്മതിച്ചിട്ടില്ലെങ്കിലും പാപ്പരാസികളുടെ ഇഷ്ടവിഷയങ്ങളിലൊന്നാണ് കോലി - അനുഷ്ക പ്രണയം.
ഇംഗ്ലണ്ട് പര്യടനത്തില് പരസ്യമായി
ബാറ്റിംഗ് ഫോം നഷ്ടമായ കോലിക്ക് അനുഷ്കയെ ഒപ്പം താമസിപ്പിക്കാന് ബി സി സി ഐ അനുവാദം കൊടുത്തതോടെ കോലി - അനുഷ്ക ബന്ധം മറനീക്കി പുറത്തുവരികയായിരുന്നു. തുടര്ന്ന് കോലി - അനുഷ്ക തമാശകളുടെ പ്രവാഹമായി ഓണ്ലൈനില്
ഷാരൂഖ് ഖാന്റെ വക കുറച്ച്
ഐ പി എല് ഏഴിന്റെ ഉദ്ഘാടനചടങ്ങില് വെച്ച് ഷാരൂഖ് ഖാന് ഒരു സ്വയം വരം നടത്തി കോലിക്ക് പണി കൊടുത്തു. കഥയിലെ നായിക ബോളിവുഡില് നിന്നാണെന്ന് എടുത്തുപറയേണ്ടല്ലോ
കോലിക്ക് കല്യാണം
മുംബൈയില് വെച്ച് കോലിയുടെ കുടുംബം അനുഷ്കയുടെ കുടുംബവുമായി കൂടിക്കാഴ്ച നടത്തിയതാണ് ഇപ്പോള് കോലിയുടെ കല്യാണവാര്ത്ത പുറത്തുചാടാന് കാരണം.
പെണ്ണ് കാണലോ നിശ്ചയമോ
കോലിയുടെ അമ്മ സരോജയും സഹോദരന് കോലിയുമാണ് അനുഷ്കയുടെ കുടുംബത്തെ കാണാനെത്തിയത്. വിവാഹ നിശ്ചയം കഴിഞ്ഞു എന്നും ഇല്ലെന്നും റിപ്പോര്ട്ടുകളുണ്ട്.