കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

ദേഷ്യം കൊണ്ട് 'ചുവന്നു'; സച്ചിന്‍ ഹോട്ടലില്‍ പൊട്ടിത്തെറിച്ചു!

Google Oneindia Malayalam News

മുംബൈ: കളിക്കളത്തിലും പൊതുവേ ശാന്തനാണ് സച്ചിന്‍ തെണ്ടുല്‍ക്കര്‍. മാന്യന്മാരുടെ കളിയിലെ ശരിക്കുള്ള ഒരു മാന്യന്‍. തന്നെ ചീത്ത പറഞ്ഞ് നടന്നുപോകുന്ന ബൗളര്‍മാരോട് പോലും സച്ചിന്‍ കയര്‍ത്തു സംസാരിക്കുന്നത് ആരും കണ്ടിട്ടില്ല. സച്ചിന്‍ തെണ്ടുല്‍ക്കര്‍ എന്ന് എഴുതി ഒപ്പിട്ട ഒരു ജോഡി ഷോട്ടുകളില്‍ തീര്‍ക്കും സച്ചിന്‍ തനിക്ക് പറയാനുള്ള മറുപടി. എന്നാല്‍ നിയന്ത്രണം വിട്ട് സച്ചിന്‍ ഒരിക്കല്‍ പൊട്ടിത്തെറിച്ചു, അതും ഒരു ഹോട്ടലില്‍ വെച്ച്.

തന്റെ ആത്മകഥയായ പ്ലെയിംഗ് ഇറ്റ് മൈ വേയിലാണ് സച്ചിന്‍ ഈ സംഭവം വിവരിക്കുന്നത്. 2007 - 2008 ല്‍ ഇന്ത്യന്‍ ടീമിന്റെ ഓസ്‌ട്രേലിയന്‍ പര്യടനത്തിനിടെയാണ്. മെല്‍ബണ്‍ ടെസ്റ്റിനിടെ സച്ചിന് അലര്‍ജിയുടെ ഉപദ്രവം ഉണ്ടായി. സിംഗപ്പൂരില്‍ വെച്ച് ഹര്‍ഭജനും സച്ചിനും ഒരു ക്രീം വാങ്ങിയിരുന്നു, ഹര്‍ഭജന് പ്രശ്‌നമൊന്നും ഉണ്ടായില്ല. അതുകൊണ്ട്, ഹോട്ടലില്‍ ഉപയോഗിച്ചിരുന്ന തോര്‍ത്തില്‍ നിന്നാകും അലര്‍ജി ഉണ്ടായതെന്നാണ് സച്ചിന്‍ കരുതിയത്.

sachin

മെല്‍ബണ്‍ ടെസ്റ്റില്‍ സച്ചിന് ഈ അലര്‍ജി പ്രശ്‌നവും വെച്ചുകൊണ്ട് തന്നെ ഫീല്‍ഡ് ചെയ്യേണ്ടി വന്നു. കണ്ണട വെച്ചാണ് സച്ചിന്‍ ഫീല്‍ഡ് ചെയ്യാനെത്തിയത്. പിറ്റേ ദിവസമാണെങ്കില്‍ സച്ചിന്റെ ഭാര്യ അഞ്ജലിലും മക്കളായ അര്‍ജുനും സാറയും ഓസ്‌ട്രേലിയയിലേക്ക് വരുന്നുണ്ട്. അലര്‍ജി കൊണ്ട് ചുവന്ന മുഖത്ത് നോക്കി മക്കള്‍ ഞെട്ടിപ്പോയി, മുഖമാകെ ചുവന്നിരുന്നു. ആരോ ബാര്‍ബിക്യുവില്‍ പിടിച്ച് തള്ളിയിട്ട പോലെ തോന്നി.

ട്രാഫിക്കില്‍ കുടുങ്ങി മുക്കാല്‍ മണിക്കൂറോളം കാറിലിരുന്നാണ് ഹോട്ടലില്‍ എത്തിയത്. ഹോട്ടലില്‍ എത്തിയപ്പോഴോ അവിടെ റൂം ശരിയായിട്ടില്ല. കുറേനേരെ കാത്തിരുന്ന ശേഷമാണ് ഹോട്ടല്‍ ജീവനക്കാര്‍ മുറി ശരിയാക്കിത്തന്നത്. ഒടുവില്‍ എനിക്ക് ഹോട്ടല്‍ മാനേജുടെ നേരെ പൊട്ടിത്തെറിക്കേണ്ടി വന്നു- ആത്മകഥയില്‍ സച്ചിന്‍ എഴുതുന്നു.

English summary
A few days before and during the controversial Sydney Test in 2008, Sachin Tendulkar had to battle a severe allergic reaction to his face that put him in lot of agony. The Master Blaster was so troubled by it and in pain, he ended up shouting at a hotel manager.
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X