കോണ്ഗ്രസ് അധ്യക്ഷ സോണിയ ഗാന്ധിയെ ആശുപത്രിയില് പ്രവേശിപ്പിച്ചു
ദില്ലി: കോൺഗ്രസ് ദേശീയ അധ്യക്ഷ സോണിയ ഗാന്ധിയെ ദില്ലിയിലെ സർ ഗംഗാ റാം ആശുപത്രിയിൽ പ്രവേശിപ്പിച്ചു. പതിവ് ആരോഗ്യ പരിശോധനകള്ക്കായാണ് സോണിയ ഗാന്ധിയെ ആശുപത്രിയില് പ്രവേശിപ്പിച്ചതെന്നാണ് ആശുപത്രിയുടെ ആരോഗ്യ ബുള്ളറ്റിൻ വ്യക്തമാക്കുന്നത്.
'കോൺഗ്രസ് പ്രസിഡന്റ് സോണിയ ഗാന്ധിയെ ഇന്ന് വൈകുന്നേരം 7 മണിക്ക് സർ ഗംഗാ റാം ആശുപത്രിയിൽ പ്രവേശിപ്പിച്ചു. പതിവ് പരിശോധനകൾക്ക് അവരെ വിധേയമാക്കയിട്ടുണ്ട്. ഇപ്പോൾ അവരുടെ ആരോഗ്യനില തൃപ്തികരണ്' -ഡോ. ഡി എസ് റാണ (ബോർഡ് ഓഫ് മാനേജ്മെന്റ് ചെയർമാൻ , സർ ഗംഗാ റാം) പുറത്തിറക്കിയ ആരോഗ്യ ബുള്ളറ്റിനില് വ്യക്തമാക്കുന്നു.
ചെസ്റ്റ്-ശ്വസനരോഗ വിദഗ്ധനുമായ ഡോ. അരൂപ് കുമാർ ബസുവിന്റെ കീഴിലാണ് സോണിയ ഗാന്ധിയെ പ്രവേശിപ്പിച്ചതെന്നും ആരോഗ്യ ബുള്ളറ്റിൻ വ്യക്തമാക്കുന്നു. നിലവില് കോണ്ഗ്രസ് പാര്ട്ടിയുടെ താല്ക്കാലിക അധ്യക്ഷയാണ് സോണിയ ഗാന്ധി. അസുഖബാധയെ തുടർന്ന് 2017 ൽ പാർട്ടി പ്രസിഡന്റ് സ്ഥാനത്ത് നിന്ന് രാജിവച്ചിരുന്നുവെങ്കിലും 2019 മെയ് മാസത്തിൽ നടന്ന ലോക്സഭാ തെരഞ്ഞെടുപ്പ് തോൽവിക്ക് ശേഷംരാഹുൽ ഗാന്ധി അധ്യക്ഷ സ്ഥാനം ഒഴിഞ്ഞതിനെ തുടര്ന്ന് അവര്ക്ക് വീണ്ടും പദവി ഏറ്റെടുക്കേണ്ടി വരികയായിരുന്നു.
Click it and Unblock the Notifications
Sign in with Google