Click it and Unblock the Notifications
Just In
Don't Miss
-
തുടരൻ ഹിറ്റുകൾ; മലയാള സിനിമ മാത്രമല്ല റിയൽമിയും മാസാണ്! നാർസോ 70x 5ജിയുടെ വില അങ്ങാടിപ്പാട്ട്! -
'സാരമില്ലാ... ഒരു നല്ല കാര്യത്തിന് വേണ്ടിയാണല്ലോ'; മൂന്ന് വർഷങ്ങൾ കൊണ്ടെടുത്ത തീരുമാനത്തെ കുറിച്ച് മാളവിക! -
IPL 2024: സഞ്ജു റിസ്കെടുക്കണം! അശ്വിന് ടീമില് വേണ്ട, ഈ കാരണങ്ങള്, പകരം ഈ താരം -
അവധിക്കാലം കുട്ടികള്ക്ക് ഉഷാറാക്കാന് സ്വീറ്റ് സോഫ്റ്റ് കേക്ക് -
ടൊയോട്ട ഇനി ചന്ദ്രനിലേക്കോ, നാസയുമായി കൈകോർത്ത് ബ്രാൻഡ് -
എല്ലാ മാസവും ഉറപ്പായ വരുമാനം, റിട്ടയർമെന്റ് ജീവിതം അടിപൊളിയാക്കൂ, ഇതാണ് പദ്ധതി -
ബാംഗ്ലൂർ നഗരത്തിലെ യാത്രകൾ ഈസി; 2 കിലോമീറ്ററിന് 20 രൂപ, ജിപിഎസ് ട്രാക്കിങ്, കുട്ടികൾക്ക് സൗജന്യ യാത്ര..
ഷാസിയ ഇല്‍മി ബിജെപിയിലേക്ക്, കെജ്രിവാളിനെതിരെ മത്സരിക്കും?
ദില്ലി: ആം ആദ്മി പാര്‍ട്ടിയുടെ തീപ്പൊരി നേതാവായിരുന്ന ഷാസിയ ഇല്‍മി ബി ജെ പിയില്‍ ചേരുമെന്ന് റിപ്പോര്‍ട്ട്. ബി ജെ പി പാളയത്തിലെത്തുന്ന ഷാസിയ അരവിന്ദ് കെജ്രിവാളിനെതിരെ മത്സരിക്കുമെന്നും റിപ്പോര്‍ട്ടുകള്‍ പറയുന്നു. വ്യാഴാഴ്ചയാകും ഷാസിയ ഇല്‍മി ബി ജെ പിയില്‍ ചേരുക. കെജ്രിവാളുമായുള്ള അഭിപ്രായ വ്യത്യാസത്തെ തുടര്‍ന്നാണ് ഷാസിയ ഇല്‍മി ആപ്പ് വിട്ടത്.
ടി വി ജേര്‍ണലിസ്റ്റും അവതാരകയുമായിരുന്ന ഷാസിയ ഇല്‍മി ആം ആദ്മി പാര്‍ട്ടിക്കൊപ്പമാണ് സജീവ രാഷ്ട്രീയത്തില്‍ എത്തിയത്. അണ്ണാ ഹസാരെയുടെ അഴിമതി വിരുദ്ധ ക്യാംപെയ്ന്‍ വക്താവായിരുന്ന ഷാസിയ ഇല്‍മി എ എ പിയില്‍ എത്തിയപ്പോഴും പ്രധാന നേതാവായി തുടര്‍ന്നു. ആപ്പിന്റെ ദേശീയ എക്‌സിക്യുട്ടീവ് അംഗമായിരിക്കേയാണ് 2014 മെയ് മാസത്തില്‍ പാര്‍ട്ടി വിട്ടത്.
ആം ആദ്മി പാര്‍ട്ടി വിട്ട ഷാസിയ ഇല്‍മി ബി ജെ പിയുമായി അടുക്കുന്നതായി നേരത്തെ സൂചനകള്‍ ഉണ്ടായിരുന്നു. മോദി സര്‍ക്കാരിന്റെ അഭിമാന പദ്ധതിയായ സ്വച്ഛ് ഭാരത് ക്യാംപെയ്‌നിന്റെ ദില്ലിയിലെ ഏഴ് അംബാസിഡര്‍മാരില്‍ ഒരാളായി ബി ജെ പി നേതാവ് സതീഷ് ഉപാധ്യായ ഷാസിയ ഇല്‍മിയുടെ പേര് നേരത്തെ പ്രഖ്യാപിച്ചിരുന്നു.
2013 ലെ ദില്ലി തിരഞ്ഞെടുപ്പിലും 2014 ലോക്‌സഭ തിരഞ്ഞെടുപ്പിലും മത്സരിച്ചിരുന്നെങ്കിലും ഷാസിയ ഇല്‍മി വിജയിച്ചില്ല. ഫെബ്രുവരി ഏഴിനാണ് ദില്ലി നിയമസഭയിലേക്കുള്ള തിരഞ്ഞെടുപ്പ്. റിപ്പോര്‍ട്ടുകള്‍ ശരിയാകുകയാണെങ്കില്‍ ആം ആദ്മി പാര്‍ട്ടി കണ്‍വീനര്‍ അരവിന്ദ് കെജ്രിവാളിനെതിരെ സഹപ്രവര്‍ത്തകയായിരുന്ന ഷാസിയ ഇല്‍മി മത്സരിക്കുന്ന കാഴ്ച ദില്ലിയില്‍ കാണാം.
