Click it and Unblock the Notifications
Just In
Don't Miss
-
T20 World Cup 2024: റിഷഭല്ല, ടീമില് വേണ്ടത് സഞ്ജു തന്നെ! കാരണം പറഞ്ഞ് മഞ്ജരേക്കര് -
അമ്മൂമ്മ ഒരുപാട് സ്ട്രഗിൾ ചെയ്തു; അമ്മ ഇന്ന് അതേ ലൈഫ് സ്റ്റെെലിലാണ്; എന്റെ ആവശ്യം വരാറില്ല; സൗഭാഗ്യ -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
ദില്ലിക്ക് വേണ്ടി ഇരക്കാനും ആം ആദ്മി പാര്‍ട്ടി തയ്യാര്‍
ദില്ലി: തലസ്ഥാന നഗരത്തില്‍ അമ്പരപ്പിക്കുന്ന വിജയം നേടിയ ആം ആദ്മി പാര്‍ട്ടി ദില്ലിക്ക് വേണ്ടി എന്ത് ചെയ്യും? എന്തും ചെയ്യും. ദില്ലിയുടെ വികസനത്തിന് വേണ്ടി തങ്ങള്‍ ഇരക്കാന്‍ വരെ തയ്യാറാണ് എന്നാണ് ആം ആദ്മി പാര്‍ട്ടി നേതാവ് മനീഷ് സിസോദിയ പറയുന്നത്. മന്ത്രിമാരുടെ ശമ്പളം വെട്ടിക്കുറക്കുന്നതടക്കമുള്ള പരിപാടികള്‍ വേറെയുമുണ്ട്.
ദില്ലിയുടെ സൗകര്യങ്ങള്‍ കൂട്ടാന്‍ ഫണ്ട് തികയാതെ വന്നാല്‍ പൊതുജനങ്ങള്‍ക്ക് മുമ്പില്‍ തെണ്ടാന്‍ വരെ ഞാനും അരവിന്ദ് കെജ്രിവാളും തയ്യാറാണ് - സിസോദിയ പറഞ്ഞു. ആവശ്യം വന്നാല്‍ ഫണ്ടുണ്ടാക്കാന്‍ വേണ്ടി ഞാനും കെജ്രിവാളും ആളുകള്‍ക്ക് മുന്നില്‍ ഇരക്കും. മന്ത്രിമാരുടെ ശമ്പളം വെട്ടിക്കുറക്കും. നല്‍കിയ വാഗ്ദാനങ്ങളെല്ലാം പാലിക്കുക തന്നെ ചെയ്യും.
ദില്ലിയില്‍ ജനങ്ങള്‍ നല്‍കിയ വിജയം വിശ്വസിക്കാന്‍ കഴിയുന്നില്ല എന്നും മനീഷ് സിസോദിയ പറഞ്ഞു. ജനങ്ങള്‍ ഞങ്ങളില്‍ പൂര്‍ണ വിശ്വാസം അര്‍പ്പിച്ചു. ഞങ്ങള്‍ നല്‍കിയ വാഗ്ദാനങ്ങള്‍ പാലിക്കുമോ എന്ന് ജനങ്ങള്‍ക്ക് സംശയം ഉണ്ടാകും. എന്നാല്‍ പറഞ്ഞ വാക്ക് പാലിക്കുക തന്നെ ചെയ്യും. അരവിന്ദ് കെജ്രിവാളിന്റെ ഡെപ്യൂട്ടിയായി സിസോദിയായിരിക്കും ദില്ലിയില്‍ ഉപമുഖ്യമന്ത്രിയാകുക.
ഉടന്‍ തന്നെ ഞങ്ങള്‍ നഗരത്തില്‍ സി സി ടി വി ക്യാമറകള്‍ സ്ഥാപിക്കും. അടുത്ത അഞ്ച് വര്‍ഷത്തിനകം 15 ലക്ഷം ക്യാമറകളാണ് സ്ഥാപിക്കാന്‍ പോകുന്നത്. സി സി ടി വി ക്യാമറകള്‍ സ്ഥാപിക്കുന്ന കാര്യത്തില്‍ ബെംഗളൂരു പോലുള്ള നഗരങ്ങളെ ഞങ്ങള്‍ മാതൃകയാക്കും. സൗജന്യമായി വൈഫൈ നല്‍കാനും ആം ആദ്മി പാര്‍ട്ടിക്ക് പദ്ധതിയുണ്ട് എന്നാണ് അറിയുന്നത്.
