കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

കെജ്രിവാള്‍ വാക്കുമാറി; ജാമ്യത്തുക കെട്ടിവെക്കാം

Google Oneindia Malayalam News

ദില്ലി: ബിജെപി നേതാവ് നിതിന്‍ ഗഡ്കരി നല്‍കിയ മാനനഷ്ട കേസില്‍ ജാമ്യത്തുക കെട്ടിവെക്കാന്‍ ദില്ലി മുന്‍ മുഖ്യമന്ത്രി അരവിന്ദ് കെജ്രിവാള്‍ സമ്മതിച്ചു. നേരത്തെ ജാമ്യത്തുക അടക്കമുള്ള കോടതിയുടെ വ്യവസ്ഥകള്‍ അംഗീകരിക്കാതിരുന്ന കെജ്രിവാളിനെ മെട്രോപൊളിറ്റന്‍ മജിസ്‌ട്രേറ്റ് കോടതി ജൂഡിഷ്യല്‍ കസ്റ്റഡിയില്‍ വിട്ടിരുന്നു. രാജ്യത്ത് അഴിമതികള്‍ നടത്തിയ രാഷ്ട്രീയ നേതാക്കളുടെ പട്ടിക കെജ്രിവാള്‍ പുറത്തിറക്കിയതുമായി ബന്ധപ്പെട്ടാണ് നിതിന്‍ ഗഡ്കരി കേസ് കൊടുത്തത്.

ജാമ്യത്തുക കെട്ടിവക്കാന്‍ വിസമ്മതിച്ചതിനെ തുടര്‍ന്ന് കെജ്രിവാളിനെ മെയ് 21 ന് കോടതി തീഹാര്‍ ജയിലില്‍ അയച്ചു. മൂന്ന് ദിവസത്തെ ജുഡീഷ്യല്‍ കസ്റ്റഡിക്ക് ശേഷം വീണ്ടും അദ്ദേഹത്തെ കോടതിയില്‍ ഹാജരാക്കിയിരുന്നു. എന്നാല്‍ ജാമ്യത്തുക കെട്ടിവെക്കാന്‍ വിസമ്മതിച്ചതിനെ തുടര്‍ന്ന് അന്നും കോടതി കെജ്രിവാളിനെ ജുഡിഷ്യല്‍ കസ്റ്റഡിയില്‍ വിടുകയായിരുന്നു.

kejriwal

താന്‍ ഒരു ആം ആദ്മിയാണെന്നും അഴിമതിക്കെതിരെ പോരാടുന്ന ആളാണെന്നും അതുകൊണ്ട് ജാമ്യമെടുക്കുന്നില്ല എന്നുമാണ് കെജ്രിവാള്‍ കോടതിയില്‍ വാദിച്ചത്. കോടതി ആവശ്യപ്പെടുന്ന ഏത് സമയത്തും ഹാജരാകാന്‍ തയ്യാറാണെന്നും കെജ്രിവാള്‍ അറിയിച്ചെങ്കിലും ജാമ്യത്തുകയായ 10000 രൂപ കെട്ടിവെക്കാതെ ജാമ്യം അനുവദിക്കില്ലെന്ന് കോടതി തീര്‍ത്തുപറഞ്ഞു.

ജൂണ്‍ ആറ് വരെയാണ് കെജ്രിവാളിനെ കസ്റ്റഡിയില്‍ വിട്ടിരിക്കുന്നത്. ജുഡിഷ്യല്‍ കസ്റ്റഡി കാലാവധി തീരാന്‍ പത്ത് ദിവസത്തോളം ബാക്കിനില്‍ക്കേയാണ് കെജ്രിവാള്‍ ജാമ്യവ്യവസ്ഥകള്‍ അംഗീകരിക്കാന്‍ തയ്യാറായത്. 10000 രൂപയുടെ ബോണ്ട് ഒപ്പിട്ടുകഴിഞ്ഞു എന്നും ഇന്ന് തന്നെ കോടതിയില്‍ കെട്ടിവെക്കുമെന്നും കെജ്രിവാളിന്റെ അഭിഭാഷകന്‍ പറഞ്ഞു.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X