പാലക്കാട് കൊവിഡ് രോഗികൾ 2700 കടന്നു; ഇന്ന് 400 മുകളിൽ രോഗികൾ, 279 പേരെ ആശുപത്രിയിൽ പ്രവേശിപ്പിച്ചു

പാലക്കാട്; ജില്ലയിൽ ഇന്ന് (സെപ്റ്റംബർ 25) 419 പേർക്ക് കോവിഡ് 19 സ്ഥിരീകരിച്ചതായി ആരോഗ്യവകുപ്പ് അധികൃതർ അറിയിച്ചു. സമ്പർക്കത്തിലൂടെ രോഗബാധ ഉണ്ടായ 221 പേർ, ഇതര സംസ്ഥാനങ്ങളിൽ നിന്ന് വന്ന 15 പേർ, വിദേശരാജ്യങ്ങളിൽ നിന്നും വന്ന 6 പേർ, ഉറവിടം അറിയാത്ത രോഗബാധ ഉണ്ടായ 177 പേർ എന്നിവർ ഉൾപ്പെടും.223 പേർക്ക് രോഗമുക്തി ഉള്ളതായും അധികൃതർ അറിയിച്ചു.

ജില്ലയിൽ ചികിത്സയിൽ ഉള്ളവർക്ക് പുറമെ പാലക്കാട് ജില്ലക്കാരായ ഒരാൾ വീതം കൊല്ലം, കണ്ണൂർ, കോട്ടയം, ആലപ്പുഴ, ജില്ലകളിലും, ഏഴു പേർ തൃശ്ശൂർ, 17 പേർ എറണാകുളം, 12 പേർ കോഴിക്കോട്, 33 പേർ മലപ്പുറം ജില്ലകളിലും ചികിത്സയിലുണ്ട്.

ഇന്ന് 279 പേരെ ആശുപത്രിയില്‍ പ്രവേശിപ്പിക്കുകയും ചെയ്തു.
ഇതുവരെ 60648 സാമ്പിളുകള്‍ പരിശോധനയ്ക്കായി അയച്ചതില്‍ 58196 പരിശോധനാ ഫലങ്ങളാണ് ലഭ്യമായത്. ഇന്ന് 424 പരിശോധനാ ഫലങ്ങളാണ് ലഭിച്ചത്. പുതുതായി 996 സാമ്പിളുകൾ അയച്ചു. 9419 പേർക്കാണ് ഇതുവരെ പരിശോധനാഫലം പോസിറ്റീവായത്. ഇതുവരെ 6585 പേർ രോഗമുക്തി നേടി. ഇനി 1409 സാമ്പിളുകളുടെ പരിശോധനാ ഫലം കൂടി ലഭിക്കാനുണ്ട്.

ഇതുവരെ 136001 പേരാണ് നിരീക്ഷണ കാലാവധി പൂര്‍ത്തിയാക്കിയത്. ഇതില്‍ ഇന്ന് മാത്രം 664 പേര്‍ ക്വാറന്റൈന്‍ പൂര്‍ത്തിയാക്കി. ജില്ലയിൽ 6274 പേർ വീടുകളിൽ നിരീക്ഷണത്തില്‍ തുടരുന്നുണ്ട്.

English summary

419 New Covid Cases Reported In Palakkad Today