പാലക്കാട് ഇന്ന് 83 കൊവിഡ് രോഗികൾ! 61 പേർക്ക് സമ്പർക്കം വഴി! ചികിത്സയിൽ 410 പേർ
പാലക്കാട്; ജില്ലയിൽ ഇന്ന് 83 പേർക്ക് കൊവിഡ് 19 സ്ഥിരീകരിച്ചതായി ആരോഗ്യവകുപ്പ് അധികൃതർ അറിയിച്ചു. സമ്പർക്കത്തിലൂടെ 61 പേർക്കാണ് രോഗം, ഇതര സംസ്ഥാനങ്ങളിൽ നിന്ന് വന്ന 9 പേർ, വിവിധ രാജ്യങ്ങളിൽ നിന്ന് വന്ന 10 പേർ,ഉറവിടം അറിയാത്ത രോഗബാധ ഉണ്ടായ 3പേർ എന്നിങ്ങനെയാണ് മറ്റ് കണക്കുകൾ.111 പേർക്ക് രോഗമുക്തി ഉള്ളതായും അധികൃതർ അറിയിച്ചു.
ഇതോടെ ജില്ലയിൽ ചികിത്സയിലുള്ളവരുടെ എണ്ണം 410 ആയി. ജില്ലയിൽ ചികിത്സയിൽ ഉള്ളവർക്ക് പുറമേ പാലക്കാട് ജില്ലക്കാരായ രണ്ടുപേർ വീതം മലപ്പുറം, ഇടുക്കി, കണ്ണൂർ, വയനാട് ജില്ലകളിലും മൂന്നു പേർ വീതം എറണാകുളം, കോഴിക്കോട് ജില്ലകളിലും ഒരാൾ കോട്ടയം ജില്ലയിലും ചികിത്സയിൽ ഉണ്ട്.
അതേസമയം സംസ്ഥാനത്ത് ഇന്ന് 1310 പേര്ക്ക് കൂടി കോവിഡ്-19 സ്ഥിരീകരിച്ചു. ഇന്നലത്തെ 425 പേരുടേയും ഇന്നത്തെ 885 പേരുടേയും പരിശോധനാഫലം ചേര്ന്നുള്ളതാണിത്. (ഇന്നലെ ചില സാങ്കേതിക കാരണങ്ങളാല് ഉച്ചവരെയുള്ള ഫലം മാത്രമേ റിപ്പോര്ട്ട് ചെയ്യാന് കഴിഞ്ഞിരുന്നുള്ളൂ) തിരുവനന്തപുരം, പാലക്കാട് കാസര്ഗോഡ് ജില്ലകളിലെ ഫലമായിരുന്നു ബാക്കിയായിരുന്നത്.
ഇതുകൂടി ചേര്ത്ത് തിരുവനന്തപുരം ജില്ലയിലെ 320 പേര്ക്കും, എറണാകുളം ജില്ലയിലെ 132 പേര്ക്കും, പത്തനംതിട്ട ജില്ലയിലെ 130 പേര്ക്കും, വയനാട് ജില്ലയിലെ 124 പേര്ക്കും, കോട്ടയം ജില്ലയിലെ 89 പേര്ക്കും, കോഴിക്കോട് ജില്ലയിലെ 84 പേര്ക്കും, പാലക്കാട് ജില്ലയിലെ 83 പേര്ക്കും, മലപ്പുറം ജില്ലയിലെ 75 പേര്ക്കും, തൃശൂര് ജില്ലയിലെ 60 പേര്ക്കും, ഇടുക്കി ജില്ലയിലെ 59 പേര്ക്കും, കൊല്ലം ജില്ലയിലെ 53 പേര്ക്കും, കാസര്ഗോഡ് ജില്ലയിലെ 52 പേര്ക്കും, ആലപ്പുഴ ജില്ലയിലെ 35 പേര്ക്കും, കണ്ണൂര് ജില്ലയിലെ 14 പേര്ക്കുമാണ് ഇന്ന് രോഗം സ്ഥിരീകരിച്ചത്.
Click it and Unblock the Notifications
Sign in with Google