ഇതര സംസ്ഥാനക്കാർക്കായി പാലക്കാട് താമസ സൗകര്യമൊരുങ്ങുന്നു
പാലക്കാട്: ഇതര സംസ്ഥാനക്കാർക്കായി പാലക്കാട് താമസ സൗകര്യമൊരുങ്ങുന്നു. ഇതര സംസ്ഥാന തൊഴിലാളികൾക്ക് മാത്രമായി താമസ സൗകര്യത്തിനുള്ള ഭവന സമുച്ചയം 'അപ്നാഘർ’ ആഗസ്ത് 12ന് മുഖ്യമന്ത്രി പിണറായി വിജയൻ നാടിന് സമർപ്പിക്കും. രാജ്യത്ത് ആദ്യത്തെ സംരംഭമാണിത്. ഇതര സംസ്ഥാന തൊഴിലാളികൾക്ക് മാസവാടകയ്ക്ക് താമസിക്കാൻ സൗകര്യമുള്ള കെട്ടിടമാണ് പൂർത്തിയായത്. കഞ്ചിക്കോട് വ്യവസായമേഖലയിൽ വൈസ് പാർക്കിലാണ് നാലുനിലകളിലായി 64 മുറികളുള്ള കെട്ടിടം. തൊഴിൽ വകുപ്പിന് കീഴിലുള്ള ഭവനം ഫൗണ്ടേഷനാണ് ഇതിന്റെ നടത്തിപ്പ് ചുമതല. ഒരു മുറിയിൽ പത്ത് പേർക്ക് താമസിക്കാൻ കഴിയും. തട്ടുകളായി തിരിച്ചിരിക്കുന്ന കട്ടിലുകളാണ് ഒരുക്കിയിരിക്കുന്നത്. രണ്ട് മുറികൾ ഓഫീസ് ആവശ്യങ്ങൾക്കും ബാക്കിയുള്ള മുറിയിൽ താമസവും. 300ലധികം പേർ രജിസ്റ്റർ ചെയ്തു.
ഉദ്ഘാടനം വിപുലമാക്കാൻ 31ന് പുതുശേരി പഞ്ചായത്ത് ഓഫീസിൽ സ്വാഗതസംഘം വിളിച്ചിട്ടുണ്ടെന്ന് ഭവനം ഫൗണ്ടേഷൻ ചീഫ് ഓപ്പറേറ്റിങ് ഓഫീസർ ഇ എൽ മുരളീധരൻ പറഞ്ഞു. കഞ്ചിക്കോട് മാതൃകയിൽ കോഴിക്കോട് രാമനാട്ടുകര, എറണാകുളത്തെ കളമശേരി എന്നിവിടങ്ങളിലും 'അപ്നാഘർ’ സമുച്ചയം നിർമിക്കാൻ പദ്ധതിയായി. രണ്ടിടത്തും ഒാരോ ഏക്കർ ഭൂമി വീതം ഭവനം ഫൗണ്ടേഷനുകീഴിൽ വാങ്ങിയിട്ടുണ്ട്. വിശദമായ പദ്ധതി റിപ്പോർട്ട് തയ്യാറാക്കാൻ സമർപ്പിച്ചുവെന്നും മുരളീധരൻ പറഞ്ഞു.തൊഴിലുടമ നൽകുന്ന തിരിച്ചറിയൽ കാർഡ്, ആധാർ കാർഡ് എന്നിവയെ അടിസ്ഥാനമാക്കിയാണ് മുറികൾ അനുവദിക്കുന്നത്. എണ്ണൂറ് രൂപയാണ് ഒരാൾക്ക് മാസവാടക.
14 കോടി രൂപ ചെലവിൽ 44,000 ചതുരശ്ര അടി വിസ്തീർണത്തിൽ നിർമിച്ച കെട്ടിടത്തിൽ 32 അടുക്കള, 96 ബാത്ത് റൂം, എട്ട് ഡൈനിങ് ഹാൾ, കുളിക്കാനും വസ്ത്രം അലക്കാനും വിശാലമായ സൗകര്യം എന്നിവയും ഒരുക്കിയിട്ടുണ്ട്. സ്വകാര്യ വസ്തുക്കൾ സൂക്ഷിക്കുന്നതിന് ഓരോരുത്തർക്കുംപൂട്ടിവയ്ക്കാൻ പറ്റുന്ന പ്രത്യേകം കബോഡുകളും സജ്ജമാക്കിയിട്ടുണ്ട്. ഹോസ്റ്റലുകൾ വൃത്തിയാക്കാൻ പ്രത്യേകം ഏജൻസി, 24 മണിക്കൂറും കാവൽക്കാർ എന്നിവയും പ്രത്യേകതയാണ്.
-
സ്വർണ വില ഗ്രാമിന് 6000 വരെ ആകണമെന്ന് വ്യാപാരികൾ; വില കുറയാൻ ആഗ്രഹിക്കുന്നത് ഇക്കാര്യം കൊണ്ടെന്ന് -
അധികാരസ്ഥാനങ്ങളില് എത്തിച്ചേരും, സുഹൃത്തുക്കളുമായി അകലും, അവിചാരിതമായ ആപത്തുകള്, വാരഫലം -
സ്വർണ വില താഴേക്ക് തന്നെ; പവൻ വില കേരളത്തിൽ 17,000 രൂപയെങ്കിലും ഇടിയും..പുതിയ പ്രവചനങ്ങൾ ഇങ്ങനെ -
അച്ഛനും അമ്മയും എന്നും വഴക്ക്, എന്നെ ഷൂട്ടിംഗിന് കൊണ്ടുപോകുന്നത് ഇഷ്ടമല്ലായിരുന്നു; കിച്ചു പറയുന്നു -
സ്വർണം വിറ്റ് കൂട്ടുന്ന കേന്ദ്രബാങ്കുകൾ..ഇനിയും സ്വർണ വില താഴേക്ക് പോകുമോ? വില ഇനി ഉയരണമെങ്കിൽ.. -
സ്വർണക്കുതിപ്പ് തത്കാലത്തേക്ക് അവസാനിച്ചു; ഇനി ഇടിഞ്ഞ് താഴോട്ട്, ഗ്രാം വില 11000 ആയി കുറയും? -
സ്വര്ണം ഞെട്ടിച്ചു; ഇന്ന് സ്വര്ണവിലയില് വന് കുതിപ്പ്, രൂപ തകര്ന്നടിഞ്ഞു, ഇന്നത്തെ പവന് വില -
വൈപ്പിൻകാരുടെ ചിരകാല സ്വപ്നം; തീരദേശ പാത വൈകുന്നു, അഴിക്കോട്-മുനമ്പം പാലം വന്നാൽ ഗതാഗത കുരുക്കേറും -
സ്വര്ണവില 27000 രൂപ കുറഞ്ഞു; പിന്നീട് സംഭവിച്ചത് അപ്രതീക്ഷിതം, രാത്രി പോലും വില കുതിച്ച വാരം -
സ്വർണ വില 75000ത്തിലേക്ക് എത്തുമെന്നാണോ പ്രതീക്ഷ? ശുദ്ധ മണ്ടത്തരം..ഇപ്പോൾ വാങ്ങിയാൽ ലക്ഷപ്രഭു -
സന്തോഷ് പണ്ഡിറ്റിന്റെ 500 കോടി പടം! ഹോർമുസ് കടലിടുക്ക് നീന്തിക്കടക്കാൻ 'പണ്ഡിറ്റ് കപൂർ ഐപിഎസ്' -
ഇടവം രാശി: പദ്ധതികൾ തയ്യാറാക്കാൻ ഇന്ന് നല്ല ദിവസം, മുടങ്ങിക്കിടന്ന പല കാര്യങ്ങളും വീണ്ടും ആരംഭിക്കും
Click it and Unblock the Notifications
Sign in with Google