ഡെൽറ്റാ പ്ലസ് വകഭേദം; പാലക്കാട് ജില്ലയിലെ പറളി ,പിരിയാരി പഞ്ചായത്തുകൾ അടിച്ചിടും,നിയന്ത്രണങ്ങൾ ഇങ്ങനെ
പാലക്കാട്; ഡെല്റ്റ വൈറസ് സ്ഥിരീകരിച്ച പറളി, പിരായിരി ഗ്രാമപഞ്ചായത്തുകള് പൂർണ്ണമായി അടച്ചിടും.ബുധനാഴ്ച മുതല് ഏഴ് ദിവസത്തേക്ക് പൂര്ണ്ണമായും അടച്ചിടാൻ ജില്ലാ കലക്ടർ മൃൺമയി ജോഷി ഉത്തരവിട്ടു. ന്യൂഡല്ഹിയിലെ കൗണ്സില് ഫോര് സയന്റിഫിക് & ഇന്ഡസ്ട്രിയല് റിസേര്ച്ച് ഇന്സ്റ്റിറ്റ്യൂട്ട് ഓഫ് ജീനോമിക്സ് ആന്ഡ് ഇന്റഗ്രേറ്റീവ് ബയോളജിയില് നടത്തിയ ജനിതക (ജീനോമിക്) പഠനത്തിലാണ് ഏപ്രില്, മെയ് മാസങ്ങളില് രോഗം സ്ഥിരീകരിച്ചവരുടെ സ്രവത്തില് ഡെല്റ്റ പ്ലസ് വകഭേദം കണ്ടെത്തിയത്. രോഗികളും, ഇവരുമായി സമ്പര്ക്കത്തില് ഉണ്ടായിരുന്ന എല്ലാവരും നിലവില് രോഗമുക്തി നേടിയിട്ടുണ്ട്.
രോഗവ്യാപന ശേഷി കൂടുതലുള്ള വകഭേദം മൂലം നിലവില് ഭീതിജനകമായ അന്തരീക്ഷം ഇല്ലെങ്കിലും ജനങ്ങൾ കൂടുതല് ജാഗ്രത സ്വീകരിക്കേണ്ടതിന്റെ ഭാഗമായാണ് പഞ്ചായത്തുകൾ അടച്ചിടുന്നത്. പൊതുജനങ്ങള് ഒത്തുചേരുന്ന സാഹചര്യങ്ങള് കുറയ്ക്കുകയും സാമൂഹിക അകലം, മാസ്ക്ക് ധരിക്കല് മുതലായ സുരക്ഷാ മാനദണ്ഡങ്ങള് കർശനമായി പാലിക്കണമെന്നും അധികൃതർ അറിയിച്ചു.
ഇരു പഞ്ചായത്തുകളിലും അവശ്യവസ്തുക്കള് വില്ക്കുന്ന കടകള് (ആഹാര സാധനങ്ങള് വില്ക്കുന്ന കടകള്, റേഷന് കടകള്, പലചരക്ക് കടകള്, പാൽ പാലുല്പ്പന്നങ്ങൾ വില്ക്കുന്ന കടകള്, പഴം -പച്ചക്കറി വില്ക്കുന്ന കടകള്, മീൻ - ഇറച്ചി കടകള്, മൃഗങ്ങള്ക്കും പക്ഷികള്ക്കുമുള്ള തീറ്റ വില്ക്കുന്ന കടകള്, ബേക്കറികള്) രാവിലെ 9 മുതല് ഉച്ചയ്ക്ക് 2 വരെ മാത്രം തുറന്നു പ്രവർത്തിക്കാനാണ് അനുമതി. ഹോം ഡെലിവറി സിസ്റ്റം മാത്രമാണ് അനുവദിച്ചിട്ടുള്ളത്.
Recommended Video
കർണാടകത്തിൽ സുപ്രധാന പദ്ധതികൾ ഉദ്ഘാടനം ചെയ്ത് കേന്ദ്രമന്ത്രി ധർമേന്ദ്ര പ്രധാൻ- ചിത്രങ്ങൾ
ഹോട്ടലുകള്, റെസ്റ്റൊറെന്റുകള് എന്നിവ രാവിലെ 7 മുതല് രാത്രി 7.30 വരെ ഹോം ഡെലിവറി മാത്രം അനുവദിച്ച് തുറക്കാവുന്നതാണ്.പൊതുജനങ്ങള്ക്ക് ഭക്ഷണം, ഭക്ഷണ സാധനങ്ങള് എന്നിവ എത്തിച്ചു നൽകുന്നതിന് ആര്.ആര്.ടിമാര്, വളണ്ടിയര്മാര് എന്നിവരുടെ സേവനം ഗ്രാമപഞ്ചായത്ത് അധികൃതര് ഉറപ്പാക്കുകയും ബന്ധപ്പെട്ട സജ്ജീകരണങ്ങള് ഒരുക്കാനും ജില്ലാ കലക്ടർ നിർദേശിച്ചു.
അവശ്യ സേവനങ്ങള്ക്കും, ആശുപത്രി യാത്രകള്ക്കുമല്ലാതെ ജനങ്ങള് പുറത്തിറങ്ങുന്നത് തടയുന്നതിനു വേണ്ട നടപടികള് സ്വീകരിക്കാൻ പൊലീസിന് നിർദ്ദേശം നൽകി.ഡെൽറ്റാ പ്ലസ് വൈറസ് സ്ഥിരീകരിച്ച പത്തനംതിട്ട ജില്ലയിലും നിയന്ത്രണങ്ങൾ കടുപ്പിക്കാൻ ജില്ലാ ഭരണകുടം ഉത്തരവിട്ടിട്ടുണ്ട്.
ദളപതി വിജയിയുടെ ഇതുവരെ ആരും കാണാത്ത ചിത്രങ്ങള്, വൈറല്
Click it and Unblock the Notifications
Sign in with Google