വൈദ്യുതി വകുപ്പ് ജീവനക്കാരൻ ഷോക്കേറ്റ് മരിച്ചു; തകരാർ പരിഹരിക്കുന്നതിനിടെ വൈദ്യുതി പോസ്റ്റിൽ നിന്നാണ് ഷോക്കേറ്റത്
പാലക്കാട്: കടമ്പുഴിപുറത്ത് വൈദ്യുതി വകുപ്പ് ജീവനക്കാരൻ വൈദ്യുതി പോസ്റ്റിൽ നിന്നും ഷോക്കേറ്റ് മരിച്ചു. പാലക്കാട് കൊടുമ്പ് സ്വദേശി എ പ്രദീപ് ആണ് മരിച്ചത്. തിങ്കളാഴ്ച വൈകിട്ട് നാലരയോടെ കൂടിയാണ് അപകടമുണ്ടായത്. വൈദ്യുതിലൈനിൽ ഉണ്ടായ തകരാറുകൾ പരിഹരിക്കുന്നതിനിടെയാണ് അപകടമുണ്ടായത്. ഷോക്ക് ഏറ്റു മരിച്ചു എന്നാണ് പ്രാഥമിക നിഗമനം.
കടമ്പഴിപ്പുറം kseb സെക്ഷൻ ഓഫീസിൽ ജോലിചെയ്യുന്ന മസ്ദൂർ എ പ്രദീപ് 36 വയസ്സ് ലൈനിൽ അറ്റകുറ്റപണിക്കിടെ ഷോക്കേറ്റു മരിച്ചു. തിങ്കളാഴ്ച വൈകിട്ട് 4:30 ഓട് കൂടിയാണ് സംഭവം. കടമ്പഴിപ്പുറം - വേട്ടേക്കര റോഡിൽ ത്രീ ഫേസ് LC ലൈനിൽ അറ്റകുറ്റപണി നടക്കുന്നതിനിടെയാണ് അപകടമുണ്ടായത്.
പാലക്കാട് കൊടുമ്പ് താകുറിശ്ശി രാരത്ത് വീട്ടിൽ പ്രദീപ് ആണ് മരിച്ചത്. അപകടം നടന്ന ഉടൻ തന്നെ സഹപ്രവർത്തകർ കടമ്പഴിപ്പുറം സാമൂഹിക ആരോഗ്യകേന്ദ്രത്തിൽ എത്തിച്ചെങ്കിലും ജീവൻ രക്ഷിക്കാനായില്ല. പാലക്കാട് കൊടുമ്പ് ആറുചമ്മിയുടെ മകനാണ് പ്രദീപ്. കവിതയാണ് ഭാര്യ ആദർശ് , അനുശ്രീ, എന്നിവർ മക്കളാണ്.
Click it and Unblock the Notifications
Sign in with Google