ഗവര്‍ണറുടെ ഷാളിന് തീപിടിച്ചു; സംഭവം ഗാന്ധിജിയുടെ ചിത്രത്തിന് മുന്നിലെ നിലവിളക്ക് കൊളുത്തുന്നതിനിടെ

പാലക്കാട്: പാലക്കാട് ശബരി ആശ്രമത്തിലെ ചടങ്ങിനിടെ ​ഗവർണർ ആരിഫ് മുഹമ്മദ് ഖാന്റെ ഷാളിന് തീപിടിച്ചു. നിലവിളക്കിൽ നിന്നുമാണ് തീ പടർന്നത്. പാലക്കാട് അകത്തേത്തറയിലുള്ള ശബരി ആശ്രമത്തിലെ ശതാബ്ദി ആഘോഷങ്ങളുടെ സമാപന ചടങ്ങിലേക്ക് ​ഗവർണർ എത്തിയപ്പോഴായിരുന്നു സംഭവം. ​ഗാന്ധിജിയുടെ ചിത്രത്തിന് മുന്നിൽ കൊളുത്തി വെച്ച നിവവിളക്കിൽ നിന്നാണ് തീ പടർന്നത്. കഴുത്തിൽ ഇട്ട ഷാളിലേക്കാണ് തീ പടർന്നത്.

സുരക്ഷാ ഉദ്യോ​ഗസ്ഥർ ഉടൻ തീണയച്ചതിനാൽ അപകടം ഒഴിവായി. ​ഗവർണർക്ക് പരിക്കുകളൊന്നുമില്ല. ഷാൾ കത്തുന്നത് കണ്ടയുടൻ തന്നെ സംഘാടകർ ഇക്കാര്യം ​ഗവർണയറുടെ ശ്രദ്ധയിൽ പെടുത്തുകയും ​ഗവർണർ ഷാൾ ഊരി മാറ്റുകയും ചെയ്തു. ഷാളിൽ തീ പടർന്ന കാര്യം ​ഗവർണറുടെ ശ്രദ്ധയിൽപ്പെട്ടിരുന്നില്ലന്ന് ദൃശ്യങ്ങളിൽ വ്യക്തമാകുന്നുണ്ട്.