കാട്ടിനുളളിൽ മനുഷ്യന്റെ തലയോട്ടി കണ്ടെത്തി; ദുരൂഹത ഏറുന്നു; അന്വേഷണം ആരംഭിച്ച് പൊലീസ്

പാലക്കാട്: ജില്ലയിൽ മനുഷ്യന്റെ തലയോട്ടി കണ്ടെത്തി. വന വിഭവം ശേഖരിക്കാൻ പോയ പ്രദേശ വാസിയാണ് തലയോട്ടി ആദ്യം കണ്ടത്. പാലക്കാട് മുതലമട ചപ്പക്കാടാണ് സംഭവം നടന്നത്. സംഭവത്തെ തുടർന്ന് പൊലീസ് അന്വേഷണം ആരംഭിച്ചു.

കഴിഞ്ഞ ഓഗസ്റ്റിൽ കാണാതായ യുവാക്കളിൽ ആരുടേതെങ്കിലുമാണോ തലയോട്ടി എന്ന് പൊലീസ് പരിശോധിക്കുകയാണ്. ഫൊറൻസിക് പരിശോധനക്കായി തലയോട്ടി തൃശൂരിലെ ലാബിലേക്ക് അയക്കും എന്നാണ് വിവരം.

അതേസമയം, ശനിയാഴ്ച്ച വൈകിട്ട് വന വിഭവം ശേഖരിക്കാൻ പോയ ചപ്പക്കാട്ട് സ്വദേശിയായ അയ്യപ്പനാണ് തലയോട്ടി ആദ്യം കണ്ടത്. ഉടൻ തന്നെ പൊലീസിനെ വിവരം അറിയിക്കുകയായിരുന്നു. തുടർന്ന് ചിറ്റൂർ ഡി വൈ എസ് പിയുടെ സുന്ദരന്റെ നേതൃത്വത്തിൽ കാട്ടിനുള്ളിൽ പരിശോധന നടത്തി. വനത്തിന് അകത്ത് തോട്ടിൽ നിന്നാണ് തലയോട്ടി കണ്ടെടുത്തത്.

അതേസമയം, പ്രദേശത്ത് രണ്ട് യുവാക്കളെ കാണാതായിരുന്നു. ലക്ഷം വീട് കോളനിയിലെ സാമുവൽ, മുരുകേശൻ എന്നിവരെയാണ് കാണാതായത്. കഴിഞ്ഞ ഓഗസ്റ്റ് മുപ്പതിനാണ് ഇവരെ കാണാതെ ആയത്. എന്നാൽ, ഇവരെ കണ്ടെത്താൻ പൊലീസ് വിപുലമായ തിരച്ചിൽ ഇവിടെ നടത്തിയിരുന്നു. എന്നാൽ കണ്ടെത്താൻ കഴിഞ്ഞില്ല. ഈ വനത്തിലേക്ക് യുവാക്കൾ കടന്നിരുന്നുവെന്നാണ് പൊലീസിന്റെ നിഗമനം.

എന്നാൽ, കണ്ടെത്തിയ തലയോട്ടി പാലക്കാട് ജില്ലാ ആശുപത്രിയിലേക്ക് മാറ്റിരിക്കുകയാണ്. പ്രദേശത്ത് കൂടുതൽ പരിശോധന നടത്താൻ ആണ് അന്വേഷണ സംഘത്തിന്റെ തീരുമാനം. ബന്ധുക്കളുടെ ഡി എൻ എ സാന്പിൾ എടുത്ത ശേഷം ഫൊറൻസിക് പരിശോധക്കായി തൃശൂരിലെ ലാബിലേക്ക് അയക്കും. അധികം കാല പ്പഴക്കം ഇല്ലാത്ത തലയോട്ടി ആണെന്നാണ് പൊലീസിന്റെ പ്രാഥമിക വിലയിരുത്തൽ.

അതേ സമയം, ബ​സി​ൽ ​വെ​ച്ച് പ്രാ​യ ​പൂ​ർ​ത്തി​യാ​കാ​ത്ത ആ​ൺ​കു​ട്ടി​യെ മാ​ന​സി​ക​മാ​യും ശാ​രീ​രി​ക​മാ​യും പീ​ഡി​പ്പി​ച്ച കേ​സി​ലെ പ്ര​തി​ക്ക് അ​ഞ്ചു ​വ​ർ​ഷം ത​ട​വ്. ഇതിന് പുറമെ, 20,000 രൂ​പ പി​ഴ​യും കോടതി വി​ധി​ച്ചു. കു​ഴ​ൽ ​മ​ന്ദം ചി​ത​ലി ആ​ലും​പെ​ട്ടി എം. ​സി​യാ​ദി​നാ​ണ് (41) പാ​ല​ക്കാ​ട് ഫാ​സ്റ്റ് സ്ട്രാ​ക്ക് സ്പെ​ഷ​ൽ പോ​ക്സോ കോ​ട​തി ജ​ഡ്ജി ജി. ​രാ​ജേ​ഷ് ശി​ക്ഷ വി​ധി​ച്ച​ത്. വ​ട​ക്ക​ഞ്ചേ​രി പൊ​ലീ​സ് ര​ജി​സ്റ്റ​ർ ചെ​യ്ത കേ​സി​ൽ പ്രോ​സി​ക്യൂ​ഷ​ന് വേ​ണ്ടി ടി. ​ശോ​ഭ​ന ഹാ​ജ​രാ​യി. എ​സ്.​ഐ​ മാ​രാ​യ എ.​ കെ. ബാ​ബു, എ​സ്. ഷ​മീ​ർ, ഓ​മ​ന​ക്കു​ട്ട​ൻ എ​ന്നി​വ​ർ ആണ് കേ​സ് അ​ന്വേ​ഷ​ണം ന​ട​ത്തി കു​റ്റ​പ​ത്രം സ​മ​ർ​പ്പി​ച്ച​ത്. 2019 മേ​യ് 15ന് ​തൃ​ശൂ​ർ​ നി​ന്ന് പാ​ല​ക്കാ​ട്ടേ​ക്ക്​ വ​രു​ക​യാ​യി​രു​ന്ന സ്വ​കാ​ര്യ ബ​സി​ൽ ആണ് കേ​സി​ന് ആസ്പ​ദ​മാ​യ സം​ഭ​വം ന​ട​ന്ന​ത്.

അതേ സമയം, മുംബൈയില്‍ 54 കാരനെ കൊലപ്പെടുത്തി ഏഴാം നിലയില്‍ നിന്ന് മൃതദേഹം താഴേക്ക് എറിഞ്ഞ സംഭവത്തില്‍ ഭാര്യയെയും മകനെയും പൊലീസ് അറസ്റ്റ് ചെയ്തു. മുംബൈ അംബോലി പ്രദേശത്താണ് സംഭവം നടന്നത്. സംഭവത്തില്‍ കൊല്ലപ്പെട്ട ആളുടെ ഭാര്യയ്ക്ക് എതിരെയും മകന് എതിരെയും പൊലീസ് കേസ് രജിസ്റ്റര്‍ ചെയ്തു. ഇരുവരെയും പൊലീസ് അറസ്റ്റ് ചെയ്‌തെന്നും പൊലീസ് അറിയിച്ചു. ശന്തനുകൃഷ്ണ ശേഷാദ്രി എന്ന് പേരുളള ആളാണ് കൊല്ലപ്പെട്ടത്. ഇയാള്‍ ആത്മഹത്യ ചെയ്തത് ആണെന്ന് ഭാര്യയും മകനും പൊലീസിനോട് പറഞ്ഞത്.

എന്നാൽ, നേരത്തെയും ഇയാള്‍ ആത്മഹത്യക്ക് ശ്രമിച്ചു എന്നും ഇവര്‍ പൊലീസിനെ വിശ്വസിപ്പിക്കാന്‍ ശ്രമിച്ചു. എന്നാല്‍ പൊലീസ് നടത്തിയ അന്വേഷണത്തില്‍ ഇവര്‍ കള്ളം പറയുകാണെന്ന് വ്യക്തമായി. തെളിവുകള്‍ നശിപ്പിക്കാന്‍ ഇവര്‍ ശ്രമിച്ചതും പൊലീസ് കണ്ടെത്തി. കുടുംബ കലഹം ആണ് കൊലപാതകത്തിന് കാരണം എന്ന് ഡി സി പി മഞ്ജു നാഥ് ഷിന്‍ഗെ മാധ്യമങ്ങളോട് പറഞ്ഞു.

English summary

Human skull found in Palakkad forest; Police have started to investigation