ഒരാള് തെറി വിളിക്കുന്നു, മറ്റേയാള് പ്രചോദനത്തിന് വഴിയൊരുക്കുന്നു: രാജേഷിനെ പ്രശംസിച്ച് കെആര് മീര
പാലക്കാട്: തൃത്താല മണ്ഡലത്തില് നിന്നും ജനവിധി തേടുന്ന ഇടത് സ്ഥാനാര്ത്ഥി എംബി രാജേഷിനെ പ്രശംസിച്ച് സാഹിത്യകാരി കെആര് മീര. തന്റെ വായനക്കാരിയായ ഒരു കുട്ടിയെ കുറിച്ച് എംബി രാജേഷ് വിളിച്ചറിയിച്ച കാര്യങ്ങള് പറഞ്ഞുകൊണ്ടാണ് കെആര് മീര അദ്ദേഹത്തെ പ്രശംസിക്കുന്നത്. കൂട്ടത്തില് മണ്ഡലത്തിലെ സിറ്റിങ് എംഎല്എ വിടി ബല്റാം തനിക്കെതിരായി നടത്തിയ അശ്ലീല ചുവയോടെയുള്ള പരാമര്ശങ്ങളും കെആര് മീര സൂചിപ്പിക്കുന്നു. 'രണ്ടു തരം ജനാധിപത്യ ബോധ്യങ്ങള്; രണ്ടു തരം ജനപ്രതിനിധികള്. ഒരാള് തെറി വിളിക്കുന്നു; മറ്റേയാള് പുതുതലമുറയിലെ ഒരു കുട്ടിക്കു പ്രചോദനമായി രണ്ടു വാക്കു സംസാരിക്കാമോ എന്ന് അഭ്യര്ഥിക്കുന്നു'- എന്ന് കെആര് മീര ഫേസ്ബുക്കില് കുറിക്കുന്നു. അവരുടെ കുറിപ്പിന്റെ പൂര്ണ്ണ രൂപം ഇങ്ങനെ..
ഏതാനും ദിവസങ്ങള്ക്കുമുമ്പ്, ശ്രീ എം.ബി. രാജേഷ് എന്നെ വിളിച്ചു.
'' തൃത്താലയില് പ്രചാരണത്തിനിടയില് ഒരു പെണ്കുട്ടിയെ കണ്ടു. നല്ല വായനക്കാരിയാണ്. എഴുത്തുകാരിയുമാണ്. എനിക്കു വളരെ മതിപ്പു തോന്നി. ഇഷ്ടപ്പെട്ട എഴുത്തുകാരെക്കുറിച്ചു ചോദിച്ചപ്പോള് ഏറ്റവും ഇഷ്ടം കെ. ആര്. മീരയെ ആണെന്നു പറഞ്ഞു. തീര്ത്തും സാധാരണ കുടുംബത്തിലെ കുട്ടിയാണ്. പക്ഷേ, അവള് നിങ്ങളുടെ എല്ലാ പുസ്തകങ്ങളും വായിച്ചിട്ടുണ്ട്. ഞാന് ആ കുട്ടിയുടെ നമ്പര് തരട്ടെ? തിരക്കൊഴിയുമ്പോള് അവളെ ഒന്നു വിളിച്ചു സംസാരിക്കാമോ? അത് ആ കുട്ടിക്കു വലിയ പ്രചോദനമായിരിക്കും. ''
സൈബര് സെല്ലുകളെ ഉപയോഗിച്ച് എന്നെ തെറി വിളിച്ച എം.എല്.എയുടെ മണ്ഡലമാണല്ലോ, തൃത്താല. ഒരാള് തെറി വിളിക്കുന്നു; മറ്റേയാള് പുതുതലമുറയിലെ ഒരു കുട്ടിക്കു പ്രചോദനമായി രണ്ടു വാക്കു സംസാരിക്കാമോ എന്ന് അഭ്യര്ഥിക്കുന്നു. -രണ്ടു തരം ജനാധിപത്യ ബോധ്യങ്ങള്; രണ്ടു തരം ജനപ്രതിനിധികള്.
ഞാന് കയ്യോടെ ആ കുട്ടിയുടെ വിലാസം വാങ്ങി. കയ്യൊപ്പോടെ മൂന്നു പുസ്തകങ്ങള് അവള്ക്ക് അയയ്ക്കുകയും ചെയ്തു. തപാല് ഇന്നലെ അവള്ക്കു കിട്ടി. അവള് എന്നെ വിളിച്ചു. എന്റെ മകളെക്കാള് നാലോ അഞ്ചോ വയസ്സിന് ഇളയവള്. അവള് വളരെ സന്തോഷത്തിലായിരുന്നു. ഞാനും.
എഴുത്തുകാര്ക്കു കിട്ടാവുന്ന ഏറ്റവും വലിയ അവാര്ഡ് അതാണ് - വായനക്കാരുടെ ശബ്ദത്തിലെ സ്നേഹത്തിന്റെ ഇടര്ച്ച.
ആ സ്നേഹത്തിന്, ശ്രീലക്ഷ്മി സേതുമാധവനു Sree Lakshmi Sethumadhavan നന്ദി. ശ്രീലക്ഷ്മിയെ പരിചയപ്പെടുത്തിയതിന് എം.ബി. രാജേഷിനും നന്ദി പറയുന്നു. നന്ദി പറഞ്ഞില്ലെങ്കില് തെറി വിളിക്കുമോ എന്നു പേടിച്ചിട്ടല്ല.
രാജേഷ് ആയതു കൊണ്ട്, തെറി വിളിക്കുമെന്നു പേടിയില്ല.
ഉത്തരം മുട്ടിയാല് അസഭ്യം പറഞ്ഞും അപകീര്ത്തിപ്പെടുത്തിയും നിശ്ശബ്ദയാക്കുന്ന 'ആല്ഫ മെയില് അപകര്ഷത' രാജേഷിന്റെ പ്രസംഗങ്ങളിലോ ചര്ച്ചകളിലോ ഫെയ്സ് ബുക്ക് പോസ്റ്റുകളിലോ കണ്ടിട്ടില്ല.
തമിഴ്നാട്ടില് ബിജെപി നേതാവ് ഖുശ്ബു സുന്ദറിന്റെ തിരഞ്ഞെടുപ്പ് പ്രചാരണം
കടുത്ത വിയോജിപ്പോടെയും എം. ബി. രാജേഷിനോടു സംവാദം സാധ്യമാണ്.
നമ്മളെയൊക്കെ നിരീക്ഷിക്കുന്ന ശ്രീലക്ഷ്മിയുടെ തലമുറയിലെ ആണ്കുട്ടികള്ക്കും പെണ്കുട്ടികള്ക്കും ട്രാന്സ് ജെന്ഡര് വ്യക്തികള്ക്കും വേണ്ടി- അതിനു പ്രത്യേകം നന്ദി.
സയ്യാമി ഖേറിന്റെ ഏറ്റവും പുതിയ ഫോട്ടോകള്
-
സര്ക്കാരില് നിന്നും ആനുകൂല്യങ്ങള് ലഭിക്കും, ബാധ്യതകളില്നിന്നു മോചനം, ദൂരയാത്ര വേണ്ടിവരും, നാൾഫലം -
നാളെ പൊതുഅവധി;ബാങ്കുകൾ തുറക്കില്ല?കേന്ദ്രസർക്കാർ ഓഫീസുകൾക്കും അവധിയോ? വിശദമായി അറിയാം -
വരാപ്പുഴ പാലം തുറന്നതോടെ പകുതി പ്രശ്നം തീർന്നു; എന്നിട്ടും 26 കി. മീ ഇടനാഴി വൈകുന്നു, ചിലവ് 1618 കോടി..! -
തിരുവനന്തപുരം, കോഴിക്കോട്, പാലക്കാട്; നിരവധി ജോലി ഒഴിവുകൾ..24,000 രൂപ വരെ ശമ്പളം;അപേക്ഷിക്കാം -
ഗിയര് മാറ്റി സ്വര്ണം.. രണ്ടാഴ്ചത്തേക്കെങ്കിലും വില കുതിക്കുമെന്നുറപ്പ്..! സംഭവിച്ചത് എന്ത്? -
യുഎഇയില് കാലാവസ്ഥ മാറിമറിയുന്നു.. നാളെ മുതല് അഞ്ച് ദിവസത്തേക്ക് ഇനി മഴക്കാലം -
സൗദി അറേബ്യ ആ നീക്കം നടത്തും? എന്നാൽ സ്വർണം പിടിവിട്ട് പറക്കും..ചൈന വഴിയും എട്ടിൻ്റെ പണി -
സ്വർണം കുറഞ്ഞ വിലക്ക് വാങ്ങാൻ ദുബായിലൊന്നും പോകേണ്ട; ഏറ്റവും വിലക്കുറവിൽ സ്വർണം ലഭിക്കുന്ന 5 സംസ്ഥാനങ്ങൾ ഇതാ -
ഗള്ഫ് മൊത്തം ഇടഞ്ഞു, ചൈനയ്ക്കും അതൃപ്തി.. ആഗോള നേതാവാകാന് പോയ പാകിസ്ഥാന് പണികിട്ടി! -
സ്വര്ണവിലയില് വന് കുതിപ്പ്.. മൂന്നാഴ്ചത്തെ ഏറ്റവും ഉയര്ന്ന നിലയില്, വെള്ളിയ്ക്കും ജീവന്വെച്ചു!! -
നിയമസഭാ തിരഞ്ഞെടുപ്പ് LIVE: സംസ്ഥാനത്തുടനീളം മികച്ച പോളിംഗ്; നീണ്ട ക്യൂ, റെക്കോർഡ് മറികടക്കുമോ? -
വോട്ടെടുപ്പ് കഴിഞ്ഞാൽ ഉടൻ വൈകീട്ട് എക്സിറ്റ് പോൾ വരുമോ? തിരഞ്ഞെടുപ്പ് കമ്മീഷന്റെ തീരുമാനം ഇങ്ങനെ
Click it and Unblock the Notifications
Sign in with Google