തങ്കം ആശുപത്രിയിലെ ചികിത്സാപിഴവ്: അമ്മയും നവജാതശിശുവും മരിച്ച സംഭവത്തില് ഡോക്ടര്മാര് അറസ്റ്റില്
പാലക്കാട്: ചികിത്സ പിഴവിനെ തുടര്മന്ന് അമ്മയും കുഞ്ഞും മരിച്ച സംഭവത്തില് ഡോക്ടര്മാര് അറസ്റ്റില്. പ്രസവത്തെ തുടര്ന്ന് തത്തമംഗലം സ്വദേശി ഐശ്വര്യയും നവജാത ശിശുവുമാണ് മരിച്ചത്. ഇരുവരും മരിച്ചത് ചികിത്സാപിഴവ് മൂലമാണെന്ന് മെഡിക്കല് ബോര്ഡ് റിപ്പോര്ട്ട് സമര്പ്പിച്ചിരുന്നു.
പാലക്കാട് ടൗണ് സൗത്ത് പൊലീസ് ഡോക്ടര്മാരുടെ മൊഴിയെടുത്തതിന് പിന്നാലെയാണ് അറസ്റ്റ് രേഖപ്പെടുത്തിയത്. ഡോക്ടര്മാരായ അജിത്ത് നിള എന്നിവരുടെ അറസ്റ്റാണ് രേഖപ്പെടുത്തിയത്. ഐസ്വര്യയെ ചികിത്സിച്ച ഡോക്ടര്മാര്ക്ക് പിഴവ് പറ്റിയെന്നാണ് മെഡിക്കല് ബോര്ഡിന്റെ റിപ്പോര്ട്ട്.
ഇക്കഴിഞ്ഞ ജൂലായിലായിരുന്നു സംഭവം. ജൂണ് അവസാന വാരമാണ് ഐശ്വര്യയെ പ്രവസത്തിനായി ആശുപത്രിയില് പ്രവേശിപ്പിച്ചത്. ശസ്ത്രക്രിയ വേണമെന്ന് ആദ്യം ഡോക്ടര്മാര് അറിയിച്ചെങ്കിലും പിന്നീട് പ്രസവം മതിയെന്ന് അറിയിക്കുകയായിരുന്നു. പ്രസവത്തിനിടെയില് ഐശ്വര്യയ്ക്ക് അമിത രക്തസ്രാവമുണ്ടായി. ഇതേ തുടര്ന്ന് വെന്റിലേറ്ററിലേക്ക് മാറ്റിയെങ്കിലും ജീവന് രക്ഷിക്കാനായില്ല. നവജാത ശിശു പിറ്റേദിവസം മരിക്കുകയും ചെയ്തു. പിന്നാലെ തന്നെ ചികിത്സ പിഴവ് ആരോപിച്ച് കുടുംബം രംഗത്തെത്തിയിരുന്നു.
Click it and Unblock the Notifications
Sign in with Google