ലളിതമായ ഭാഷയാണ് പത്രങ്ങളുടെ മുഖ മുദ്രയാവേണ്ടത്: പ്രഫ. പിഎ വാസുദേവൻ
പാലക്കാട്: ലളിതമായ ഭാഷയാണ് പത്രങ്ങളുടെ മുഖ മുദ്രയാവേണ്ടത് എന്ന് പ്രഫ. പി.എ. വാസുദേവൻ. കേരളാ മീഡിയ അക്കാദമിയും പാലക്കാട് പ്രസ്സ് ക്ലബും സംയുക്തമായി സംഘടിപ്പിച്ച മാധ്യമ ശിൽപശാല ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം. പ്രസ്സ് ക്ലബ് പ്രസിഡന്റ് സി. കെ. ശിവാനന്ദൻ അധ്യക്ഷനായി. സെക്രട്ടറി എൻ.എ.എം ജാഫർ, കേരളാ മീഡിയ അക്കാദമി സീനിയർ ഫാക്കൽറ്റി ഹേമലത, എഎസ്എപി സംസ്ഥാനതല കോ ഓഡിനേറ്റർ ശ്രീജ, ക്യാംപ് കോർഡിനേറ്റർ ഷാരിക്ക് നവാസ് എന്നിവർ പ്രസംഗിച്ചു.
പത്ര ഫോട്ടോഗ്രാഫിയെ കുറിച്ച് മുതിർന്ന പത്ര ഫോട്ടോഗ്രാഫർ മുസ്തഫ, റിപ്പോർട്ടിങ് ആൻഡ് എഡിറ്റിംഗ് എന്ന വിഷയത്തിൽ മലയാള മനോരമ സീനിയർ സബ് എഡിറ്റർ ജയൻ ശിവപുരം എന്നിവർ ക്ലാസ് നയിച്ചു. കാർട്ടൂണിസ്റ്റ് ഉണ്ണികൃഷ്ണൻ, കെ. അജിത്, ജോർജ്ജ് പുളിക്കൻ, രതീഷ് കുമാർ തുടങ്ങിയവർ ഇന്ന് ക്ലാസ് നയിക്കും. രണ്ട് ദിവസമായി നടക്കുന്ന ക്യാമ്പ് ഇന്ന് വൈകീട്ടോടെ സമാപിക്കും.