യൂത്ത് ഒളിമ്പിക്സ് 400 മീറ്റർ ഹഡിൽസിൽ പാലക്കാട്ടുകാരിയും; വിഷ്ണുപ്രിയയ്ക്ക് ജന്മനാടിന്റെ വരവേൽപ്പ്
പാലക്കാട്: അർജന്റീനയിൽ നടക്കുന്ന യൂത്ത് ഒളിമ്പിക്സിൽ 400 മീറ്റർ ഹഡിൽസിൽ പങ്കെടുക്കാൻ യോഗ്യത നേടിയ വിഷ്ണുപ്രിയയ്ക്ക് ജില്ലയിൽ വൻ വരവേൽപ്പ്. ഒലവക്കോട് റെയിൽവേ സ്റ്റേഷനിൽ നൽകിയ സ്വീകരണത്തിൽ ജനപ്രതിനിധികളും വിഷ്ണുപ്രിയയുടെ നാട്ടുകാരും പങ്കാളികളായി.
എല്ലാ നേട്ടങ്ങൾക്കും എന്റെ നാടിനും നാട്ടുകാർക്കും നന്ദി. നേട്ടങ്ങൾ നാടിനു സമർപ്പിക്കുന്നുവെന്ന് വിഷ്ണുപ്രിയ പറഞ്ഞു. വിഷ്ണുപ്രിയ അഭിമാനനേട്ടമാണ് കരസ്ഥമാക്കിയതെന്ന് സ്വീകരണത്തിന് നേതൃത്വം നൽകിയ എംബി രാജേഷ് എംപി പറഞ്ഞു. കായികലോകത്ത് പാലക്കാടിന്റെ വസന്തമാണ് വിടർന്നത്. പാലക്കാടിന്റെ കായികതാരങ്ങൾ കായികലോകത്തിന്റെ നെറുകയിലേക്കാണ് പാലക്കാടിനെ ഉയർത്തിയതെന്നും അദ്ദേഹം പറഞ്ഞു.
സിപിഐ എമ്മിന്റെയും ഡിവൈഎഫ്ഐയുടെയും എലപ്പുള്ളി പഞ്ചായത്തിന്റെയും എലപ്പുള്ളി പൗരാവലിയുടെയും നേതൃത്വത്തിലാണ് സ്വീകരണം നൽകിയത്. ബാങ്കോക്കിൽ നടന്ന ട്രയൽസിൽ പങ്കെടുത്ത വിഷ്ണുപ്രിയ വെള്ളിമെഡൽ സ്വന്തമാക്കിയാണ് ഒക്ടോബറിൽ അർജന്റീനയിൽ നടക്കുന്ന യൂത്ത് ഒളിമ്പിക്സിലേക്ക് യോഗ്യത നേടിയത്.
'ഇന്ത്യയുടെ ജേഴ്സിയണിയുക എന്ന സ്വപ്നമാണ് യാഥാർഥ്യമായത്, ഏറെ സന്തോഷമുണ്ട്'. പിന്തുണ നൽകിയ എംപിയോട് വിഷ്ണുപ്രിയ നന്ദി പറഞ്ഞു. 56 രാജ്യങ്ങളിൽനിന്നുള്ള കായികപ്രതിഭകളെ പിന്തള്ളിയാണ് വെള്ളിമെഡൽ നേടിയത്. 400 മീറ്റർ ഹഡിൽസ് മുൻ അന്തർദേശീയതാരം സി ഹരിദാസിന്റെ കീഴിൽ പാലക്കാട് മെഡിക്കൽ കോളേജ് ഗ്രൗണ്ടിലായിരുന്നു പരിശീലനം. പരിശീലകനോടും ഏറെ കടപ്പാടുണ്ടെന്ന് വിഷ്ണുപ്രിയ കൂട്ടിച്ചേർത്തു.
പാലക്കാട് മോയൻ ഹയർ സെക്കൻഡറി സ്കൂളിൽ പ്ലസ്ടു വിദ്യാർഥിനിയാണ്. സാമ്പത്തികമായി പിന്നോക്കം നിൽക്കുന്ന കുടുംബത്തിൽ നിന്ന് ഏറെ കഷ്ടപ്പാടുകൾ മറികടന്നാണ് കളിക്കളത്തിലെ നേട്ടങ്ങൾ സ്വന്തമാക്കിയത്. വിഷ്ണുപ്രിയക്ക് ബാങ്കോക്കിലേക്ക് പോകുന്നതിന് ഡിവൈഎഫ്ഐ സഹായധനം നൽകിയിരുന്നു.
2017ൽ യൂത്ത് നാഷണലിലും 2018ൽ ജൂനിയർ ഫെഡറേഷനിലും അമച്വർ നാഷണലിലും സ്കൂൾ നാഷണലിലും 400 മീറ്റർ ഹഡിൽസിലും സംസ്ഥാന യൂത്ത് മീറ്റിലും സ്വർണമെഡൽ നേടിയിരുന്നു. 21ന് നടക്കുന്ന ദേശീയ യൂത്ത് മീറ്റിലും പങ്കെടുക്കുന്നുണ്ട് പാലക്കാടിന്റെ ഇൗ കായികതാരം.
സിപിഐ എം എലപ്പുള്ളി ഇൗസ്റ്റ് ലോക്കൽ കമ്മിറ്റിയംഗമായ ജയപ്രകാശന്റെയും ഗിരിജയുടെയും മകളാണ്. മുതിരംപള്ളത്ത് ഇൻഡ്സിൽ കമ്പനിയിൽ തൊഴിലാളിയാണ് ജയപ്രകാശൻ.
കെ വി വിജയദാസ് എംഎൽഎ, സിപിഐഎം പുതുശേരി ഏരിയ സെക്രട്ടറി എസ് സുഭാഷ്ചന്ദ്രബോസ്, എസ് സുഭാഷ്, ജെ മഹേഷ്, പി സി ബിജു, കെ ഹരിദാസ്, കെ വാസു, പഞ്ചായത്ത് പ്രസിഡന്റ് എ തങ്കമണി, വൈസ് പ്രസിഡന്റ് രാജകുമാരി, എലപ്പുള്ളി സർവീസ് സഹ. ബാങ്ക് പ്രസിഡന്റ് ചൈതന്യകൃഷ്ണൻ എന്നിവരും വിഷ്ണുപ്രിയയെ സ്വീകരിക്കാനെത്തിയിരുന്നു. ഇനി അർജന്റീനയ്ക്കുള്ള യാത്രയുടെ ഒരുക്കത്തിലാണ് ഇനിയുള്ള നാളുകളെന്ന് വിഷ്ണുപ്രിയ പറഞ്ഞു.
-
ബിസിനസ്സിൽ സാമ്പത്തികനേട്ടം ഉണ്ടാകും, മത്സരപരീക്ഷകളില് വിജയ സാധ്യത, വിദേശത്ത് നിന്നും ധനലാഭം, നാൾഫലം -
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
'സ്വർണം വാങ്ങാനിരിക്കുന്നവർക്ക് സന്തോഷം തന്നെ';പക്ഷെ നട്ടം തിരിഞ്ഞ് ജ്വല്ലറിക്കാർ..ഇനിയെന്ത്? -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
'പലതവണ ശരീരത്തിൽ കയറിപ്പിടിച്ചു, വീട്ടുകാരോട് പറഞ്ഞിട്ട് സഹായിച്ചില്ല', സംവിധായകൻ സനോജ് മിശ്രക്കെതിരെ മോണാലിസ -
സ്വര്ണവില കുത്തനെ കുറഞ്ഞു; ചാഞ്ചാട്ടത്തിനിടെ ഇടിവ്, രൂപ കയറി, ഇന്നത്തെ പവന് വില അറിയാം -
സ്വര്ണവില കേട്ടതുപോലെ അല്ല; വാങ്ങാന് ചെന്നപ്പോള് മറ്റൊന്ന്, ഇതെന്ത് മറിമായം, 4 തവണ മാറി -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
സ്വർണം പിന്നെയും പറ്റിച്ചു! രാവിലെ കുറഞ്ഞ സ്വർണവില പിന്നെയും കൂടി, ഇനിയങ്ങോട്ട് മുകളിലേക്ക് തന്നെ?
Click it and Unblock the Notifications
Sign in with Google