Click it and Unblock the Notifications
Just In
Don't Miss
-
നിങ്ങളുടെ കൂടെ 13 വര്ഷമായെന്ന് സുപ്രിയ! അന്ന് നമ്മളും കുട്ടികളെങ്കില് ഇന്നൊരു കുട്ടിയുടെ മാതാപിതാക്കളായി! -
ചാണക്യനീതി: ദൈവം സൃഷ്ടിച്ചത് വെറുതേയല്ല; പക്ഷികളില് നിന്ന് മനുഷ്യന് പഠിക്കേണ്ട 3 ഗുണങ്ങള് -
2024 ജീപ്പ് റാങ്ലർ ഫെയ്സ്ലിഫ്റ്റിൻ്റെ വീഡിയോ റിവ്യൂ കാണാം -
IPL 2024: മുംബൈ ശക്തരായ ടീം, പക്ഷെ ഇത് പേപ്പറില് മാത്രമാണ്! പരിഹസിച്ച് എബിഡി -
ഏത് വിലയിലും കിടിലൻ സ്മാർട്ട്ഫോൺ റെഡി! 11 വിലകളിൽ ഫോണുമായി ഐക്യൂ Z9 സീരീസ് ലോഞ്ച് ചെയ്തു -
260 ശതമാനം ലാഭം, നിക്ഷേപകരുടെ ഹൃദയം കവർന്ന കെമിക്കൽ ഓഹരി, നിങ്ങളുടെ കയ്യിലുണ്ടോ..? -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
പ്രസവത്തിനിടെ അമ്മയും കുഞ്ഞും മരിച്ച സംഭവം; തങ്കം ആശുപത്രിയിലെ ഡോക്ടര്‍മാര്‍ക്കെതിരെ മെഡിക്കല്‍ റിപ്പോര്‍ട്ട്
പാലക്കാട്: പാലക്കാട് തങ്കം ആശുപത്രിയില്‍ പ്രസവത്തിനിടെ അമ്മയും കുഞ്ഞും മരിച്ച സംഭവത്തില്‍ ചികിത്സിച്ച ഡോക്ടര്‍ക്കെതിരെ മെഡിക്കല്‍ റിപ്പോര്‍ട്ട്. പ്രസവത്തിനിടെ അമ്മയും കുഞ്ഞും മരിക്കാന്‍ കാരണം ഡോക്ടറുടെ ചികിത്സ പിഴവാണ് എന്നാണ് മെഡിക്കല്‍ റിപ്പോര്‍ട്ടില്‍ പറയുന്നത്. ഡോക്ടര്‍മാരെ വിളിച്ച് വരുത്തി അറസ്റ്റ് ചെയ്‌തേക്കും എന്നാണ് റിപ്പോര്‍ട്ട്.
സംഭവത്തില്‍ രണ്ട് ദിവസം മുന്‍പ് പാലക്കാട് മെഡിക്കല്‍ ബോര്‍ഡ് യോഗം ചേര്‍ന്നിരുന്നു. അമ്മയുടേയും കുഞ്ഞിന്റേയും മരണത്തിന് കാരണം ചികിത്സാ പിഴവാണ് എന്ന വിലയിരുത്തലിലാണ് ഈ മെഡിക്കല്‍ ബോര്‍ഡ് യോഗം എത്തിയത്. പാലക്കാട് തത്തമംഗലം സ്വദേശി രഞ്ജിത്തിന്റെ ഭാര്യ ഐശ്വര്യയും അവരുടെ നവജാതശിശുവും ആണ് മരിച്ചത്.
Image Credit: Facebook@Our Palakkad
ഇത് ഡോക്ടര്‍മാരുടെ പിഴവുമൂലമാണ് എന്ന് മെഡിക്കല്‍ ബോര്‍ഡും പറഞ്ഞതോടെ ഡോക്ടര്‍മാര്‍ കുറ്റക്കാരാകാനുള്ള സാധ്യത ഏറി. മെഡിക്കല്‍ ബോര്‍ഡിന്റെ റിപ്പോര്‍ട്ട് കഴിഞ്ഞ ദിവസം ആരോഗ്യവകുപ്പിന് കൈമാറിയിട്ടുണ്ട്. സംഭവത്തില്‍ നേരത്തെ തന്നെ പാലക്കാട് ടൗണ്‍ സൗത്ത് പൊലീസ് കേസ് രജിസ്റ്റര്‍ ചെയ്തിട്ടുണ്ട്. മെഡിക്കല്‍ റിപ്പോര്‍ട്ടിന്റെ പശ്ചാത്തലത്തില്‍ സംഭവത്തില്‍ ഉള്‍പ്പെട്ട മൂന്നു ഡോക്ടര്‍മാരെയും വിളിച്ചുവരുത്തിയേക്കും.
ശേഷം ഇവരുടെ മൊഴി രേഖപ്പെടുത്തിയ ശേഷം അറസ്റ്റ് ചെയ്യും എന്നാണ് റിപ്പോര്‍ട്ട്. ഇക്കഴിഞ്ഞ ജൂലൈ രണ്ടിനായിരുന്നു ഐശ്വര്യയുടെ കുഞ്ഞ് മരിച്ചത്. കുഞ്ഞ് മരിച്ചെങ്കിലും ഐശ്വര്യയ്ക്ക് കുഴപ്പമുണ്ടാകില്ല എന്ന് ഡോക്ടര്‍മാര്‍ പറഞ്ഞിരുന്നു. എന്നാല്‍ കുഞ്ഞ് മരിച്ച് രണ്ട് ദിവസം കഴിഞ്ഞപ്പോള്‍ ഐശ്വര്യയും മരിക്കുകയായിരുന്നു.
കൂടുതല്‍ രക്തം വേണ്ടി വരുമെന്ന് പറഞ്ഞതിനെ തുടര്‍ന്ന് ബന്ധുക്കള്‍ രക്തം എത്തിച്ചു നല്‍കിയിരുന്നു. എന്നാല്‍ നാലാം തീയതി രാവിലെ ഐശ്വര്യ മരിക്കുകയായിരുന്നു. ഇതോടെ ബന്ധുക്കളും നാട്ടുകാരും തങ്കം ആശുപത്രിക്കെതിരെ പ്രതിഷേധവുമായി രംഗത്തെത്തി.
ഗര്‍ഭിണിയായപ്പോള്‍ തൊട്ട് ഒമ്പത് മാസം വരെ ഐശ്വര്യയെ പരിശോധിച്ച ഗൈനക്കോളജിസ്റ്റ് ആയിരുന്നില്ല പ്രസവസമയത്ത് ഉണ്ടായിരുന്നത് എന്ന് കുടുംബം ആരോപിച്ചിരുന്നു. സംഭവത്തില്‍ ഡിഎംഒയോട് ആരോഗ്യമന്ത്രി റിപ്പോര്‍ട്ട് തേടുകയും ചെയ്തിരുന്നു.
