പാലക്കാടും കൂടത്തായി മോഡൽ; ഭർതൃപിതാവിന് വിഷം നൽകിയത് 2 വർഷത്തോളം.. ഒടുവിൽ
പാലക്കാട്; ഭക്ഷണത്തിൽ വിഷം കലർത്തി ഭർതൃപിതാവിനെ കൊലപ്പെടുത്താൻ ശ്രമിച്ച കേസിൽ യുവതിക്ക് തടവും പിഴയും വിധിച്ച് കോടതി. പാലക്കാട് കരിമ്പുഴ സ്വദേശിനി ഫസീലയ്ക്കാണ് അഞ്ച് വര്ഷം കഠിന തടവും അര ലക്ഷം രൂപ പിഴയും വിധിച്ചത്. ഒറ്റപ്പാലം അഡീഷനല് െസഷന്സ് കോടതിയുടേതാണ് വിധി.
2013 മുതൽ 2015 വരെയുള്ള കാലയളവിൽ ഭർതൃപിതാവായ മുഹമ്മദിനെ (59) കൊലപ്പെടുത്താൻ ശ്രമിച്ചുവെന്ന കേസിലാണ് ഫസീലയെ കോടതി ശിക്ഷിച്ചത്. രണ്ട് വർഷത്തോളം മുഹമ്മദിനെ ഭക്ഷണത്തിൽ വിഷപദാർത്ഥം നൽകി ഫസീല കൊലപ്പെടുത്താൻ ശ്രമിച്ചുവെന്നാണ് കേസ്.നിരന്തരം വയറിളക്കവും ഛര്ദിയും അനുഭവപ്പെടാറുള്ള മുഹമ്മദ് ചികില്സയിലായിരുന്നു. ഇതിനിടയിൽ ഒരു ദിവസം ഫസീല ഭക്ഷണത്തിൽ വിഷം കലർത്തുന്ന കണ്ട മുഹമ്മദ് പോലീസിൽ പരാതിപ്പെടുകയായിരുന്നു.
പുത്തൻ ഗെറ്റപ്പിൽ എല്ലാരേയും ഞെട്ടിച്ച് മമ്മൂക്ക, ഏറ്റെടുത്ത് ആരാധകർ
ഇതിന്റെ അടിസ്ഥാനത്തിൽ നടത്തിയ ഫോറൻസിക് പരിശോധയിൽ വീട്ടിൽ നിന്നും വിഷ പദാർത്ഥം കണ്ടെത്തി. തുടർ അന്വേഷണത്തിൽ മുഹമ്മദിന്റെ ശരീരത്തിലും ഇതേ വിഷാംശം കണ്ടെത്തുകയായിരുന്നു. അതേസമയം ഭർത്താവിന്റെ മുത്തശിയെ കൊലപ്പെടുത്തിയെന്ന കേസിലും ഫസീല വിചാരണ നേരിടുകയാണ്. 2016 ലായിരുന്നു 71 വയസുകാരിയായ നബീസ മരണപ്പെട്ടത്. ക്ലോര്പൈറിഫോസ് എന്ന വിഷപദാര്ഥം അകത്ത് ചെന്നായിരുന്നു മരണം. മുത്തശിയോടും ഭർതൃപിതാവിനോടുമുള്ള വൈരാഗ്യമാണ് കൊലയിലേക്ക് നയിച്ചത്.
Click it and Unblock the Notifications
Sign in with Google