തദ്ദേശ തിരഞ്ഞെടുപ്പ്: തൃത്താല- പട്ടാമ്പി നിയോജ മണ്ഡലത്തിൽ സംവരണ സീറ്റുകൾ പ്രഖ്യാപിച്ചു

പാലക്കാട്: തദ്ദേശ സ്വയംഭരണ തിരഞ്ഞെടുപ്പിൽ പ്രസിഡന്റ് സ്ഥാനത്തേക്കുള്ള സംവരണ സീറ്റുകൾ പ്രഖ്യാപിച്ചു. തൃത്താല, പട്ടാമ്പി നിയോജക മണ്ഡലങ്ങളിലെ സംവരണ വിഭാഗങ്ങളാണ് പ്രഖ്യാപിച്ചിട്ടുള്ളത്. തൃത്താല നിയോജക മണ്ഡലത്തിൽ എട്ട് ഗ്രാമപഞ്ചായത്തുകളാണുള്ളത്. സംവരണ വിഭാഗത്തിലെ സീറ്റുകൾ അടിസ്ഥാനപ്പെടുത്തിയപ്പോൾ കമ്പൂർ, പരുദൂർ, ആനത്തല, പട്ടിത്തറ, നാഗലശ്ശേരി ഗ്രാമപഞ്ചായത്തുകൾ ജനറൽ വിഭാഗത്തിലും ചാലിശ്ശേരി പഞ്ചായത്തിൽ പട്ടിക ജാതി പുരുഷനും തൃത്താല ഗ്രാമപഞ്ചായത്തിൽ പട്ടിക ജാതി വനിതാ സ്ഥാനാർത്ഥിയെയുമാണ് പ്രഖ്യാപിച്ചിട്ടുള്ളത്.

മണ്ഡലത്തിൽ തിരുമുറ്റക്കോട് ഗ്രാമപഞ്ചായത്തിൽ മാത്രമാണ് ഒരു വനിതാ ജനൽ സംവരണമുള്ളത്. തൃത്താല ബ്ലോക്ക് പഞ്ചായത്തിലും വനിതാ പ്രസിഡന്റ് സംവരണമാണ് ഏർപ്പെടുത്തിയിരിക്കുന്നത്. പട്ടാമ്പി നഗരസഭയിൽ വനിതാ സംവരണവും കൊപ്പം, തിരുവേഗപ്പുറം, വല്ലപ്പുഴ എന്നിവ ജനറലും ഓങ്ങല്ലൂർ പഞ്ചായത്തിൽ എസ് സി വനിതാ സംവരണവും കുലുക്കല്ലൂർ, മുതുതല, വിളയൂർ എന്നീ പഞ്ചായത്തുകളിൽ വനിതാ സംവരണവുമാണ് ഏർപ്പെടുത്തിയിട്ടുള്ളത്.

English summary

Reservation seats declares in Pattambi, Thrithala assembly constituency