23 ലക്ഷം തുക ചെലവഴിച്ച് എന്തിനാണ് ഉദ്ഘാടന മാമാങ്കം? വെറും പ്രഹസനം മാത്രം'; സർക്കാരിനെതിരെ വിടി ബൽറാം
സർക്കാരിന്റെ 'കരുതലും കൈത്താങ്ങും' അദാലത്തിനെതിരെ മുൻ എംഎൽഎ വിടി ബൽറാം. പദ്ധതിയുടെ സംസ്ഥാന തല ഉദ്ഘാടത്തിനായി 25 ലക്ഷം രൂപയാണ് ചെലവഴിക്കുന്നതെന്നും ഇത്രയും തുക ചെലവഴിച്ചുകൊണ്ടൊരു ഉദ്ഘാടന മാമാങ്കം നടത്തേണ്ട കാര്യമെന്താണെന്നും വിടിൽ ബറാം ചോദിച്ചു. സർക്കാരിന്റെ പിആർ വർക്കിനൊപ്പം ജനങ്ങൾക്ക് ഇതുകൊണ്ട് യാതൊരു കാര്യവുമില്ലെന്നും ബൽറാം ഫേസ്ബുക്കിൽ കുറിച്ചു. അദ്ദേഹത്തിന്റെ വാക്കുകളിങ്ങനെ
'പ്രതിഫലം ചോദിച്ച കലാകാരിയെ ഒരു മന്ത്രി തന്നെ നേരിട്ട് അധിക്ഷേപിച്ച സംഭവമാണല്ലോ പുതിയ ചർച്ച. വിവാദമായപ്പോൾ മന്ത്രി പരാമർശം പിൻവലിച്ചെങ്കിലും അങ്ങനെയൊക്കെ പറയാനുള്ള അദ്ദേഹത്തിന്റെ ധാർമ്മികതയേക്കുറിച്ചുള്ള ചോദ്യങ്ങൾക്ക് മറുപടി ഇനിയും കിട്ടിയിട്ടില്ല. അതിനിടയിലാണ് ഈ മന്ത്രി ഉൾപ്പെടുന്ന സർക്കാരിന്റെ പുതിയ മുഖച്ഛായ നന്നാക്കൽ പരിപാടിയുടെ ഉത്തരവ് കാണുന്നത്. മുഖ്യമന്ത്രിയും മന്ത്രിപ്പടയും കോടികൾ ചെലഴിച്ച് കേരളത്തിലുടനീളം അലഞ്ഞു തിരിഞ്ഞ് നടത്തിയ "നവകേരള സദസ്സി"ന്റെ പുതിയ എപ്പിസോഡാണെന്ന് തോന്നുന്നു ഈ "കരുതലും കൈത്താങ്ങും" അദാലത്ത്.
ഓരോ താലൂക്കിലും ഈ പരിപാടിക്കായി സർക്കാർ ഖജനാവിൽ നിന്ന് ചെലവഴിക്കുന്നത് മൂന്ന് ലക്ഷം രൂപ വീതമാണ്. അതൊരു വലിയ തുകയാണെന്ന് പറയാൻ വയ്യ. എന്നാൽ ഈ പരിപാടിയുടെ 'സംസ്ഥാന തല ഉദ്ഘാടന'ത്തിന് 25 ലക്ഷത്തി എൺപത്തയ്യായിരം രൂപ ചെലവഴിക്കുന്നുണ്ടത്രേ! അതെന്തിനാണ് അവിടെ മാത്രം ഇത്ര വലിയ തുക?
കേരളത്തിൽ 77 താലൂക്കുകളിലും പരിപാടി നടക്കുമ്പോൾ അവിടെയെല്ലാം ഒരേ തരത്തിലുള്ള പരാതിക്കാരാണ് വരാനുള്ളത്. എണ്ണവും ഏതാണ്ടൊക്കെ ഒരുപോലെ ആയിരിക്കും എന്നനുമാനിക്കാം. അവർക്കെല്ലാം പന്തലും കസേരയും കുടിവെള്ളവുമൊക്കെയായി ഒരേ സൗകര്യങ്ങളാണ് ഒരുക്കേണ്ടത്. അതിൽ ആദ്യം നടക്കുന്ന താലൂക്കിലെ പരിപാടിയെ സംസ്ഥാന തല ഉദ്ഘാടനമായി പ്രഖ്യാപിച്ചാൽ പോരേ?അതല്ലാതെ 23 ലക്ഷത്തോളം രൂപ അവിടെ അധികമായി ചെലവഴിച്ചുകൊണ്ടുള്ള ഒരു ഉദ്ഘാടന മാമാങ്കം എന്തിനാണ്. സർക്കാരിന്റെ പിആർ വർക്ക് എന്നതല്ലാതെ പരാതിക്കാരെ സംബന്ധിച്ച് എന്താണ് ഈ സംസ്ഥാന തല ഉദ്ഘാടനത്തിന് പ്രസക്തി?
എന്തൊക്കെ പരാതിക്കാണ് ഈ അദാലത്തിൽ പരിഹാരമാവുക എന്നറിയില്ല. ഏതായാലും കൈ കൊണ്ട് തൊട്ടുകൂടാത്ത ഐറ്റങ്ങളുടെ ഒരു നെഗറ്റീവ് ലിസ്റ്റ് സർക്കാർ ഉത്തരവിൽ തന്നെ ഉണ്ട്. രസകരമാണ് അതിലെ കാര്യങ്ങൾ:
1)സർക്കാരിന്റെ പ്രവർത്തനങ്ങളെക്കുറിച്ചുള്ള നിർദ്ദേശങ്ങളോ അഭിപ്രായങ്ങളോ പാടില്ല.
2)വികസന കാര്യങ്ങളെക്കുറിച്ചുള്ള പ്രൊപ്പോസൽസ് പാടില്ല.
3)വീടില്ലാത്തവരുടെ പരാതികൾ സ്വീകരിക്കില്ല.
4)ജോലിയുമായോ പിഎസ്സി റാങ്ക് ലിസ്റ്റുകളിൽ നിന്ന് നിയമനം നടത്താത്തതിന്റേയോ വിഷയം ഉന്നയിക്കാനാവില്ല.
5)കർഷകരുടെയോ ദുരിതബാധിതരുടെയോ കടങ്ങൾക്ക് ആശ്വാസം കിട്ടില്ല.
6)പോലീസിന്റെ ഗുണ്ടായിസത്തേക്കുറിച്ചോ മയക്കുമരുന്ന് പോലുള്ള സാമൂഹിക വിഷയങ്ങളേക്കുറിച്ചോ പരാതി പാടില്ല.
7)ഭൂമിക്ക് പട്ടയം കിട്ടാത്തവർക്ക് പരാതിപ്പെടാൻ അവകാശമില്ല.
8)അർഹതയുണ്ടായിട്ടും ഭൂമി തരം മാറ്റിക്കിട്ടാത്തതിനേക്കുറിച്ച് മിണ്ടാനാവില്ല.
9)മുഖ്യമന്ത്രിയുടെ ദുരിതാശ്വാസ നിധിയിൽ നിന്ന് ഒരു സഹായവും കിട്ടില്ല.
10)എത്ര ബുദ്ധിമുട്ടുണ്ടെങ്കിലും ചികിത്സക്ക് പോലും സഹായാഭ്യർത്ഥനയുമായി അദാലത്തിലേക്ക് ചെല്ലണ്ട.
11)സർക്കാർ ജീവനക്കാർ ആരും രാഷ്ട്രീയ പ്രേരിത സ്ഥലംമാറ്റങ്ങളേക്കുറിച്ചോ തൊഴിൽ പീഡനങ്ങളേക്കുറിച്ചോ പരാതിപ്പെടേണ്ട.
12)സ്വന്തം കിടപ്പാടം ജപ്തി ചെയ്യപ്പെട്ട് തെരുവിൽ ഇറങ്ങേണ്ടി വരുന്നവർ പോലും സർക്കാരിൽ നിന്ന് ഒരു സഹായവും പ്രതീക്ഷിക്കണ്ട.
പിന്നെ എന്തിനാണ് ഈ പ്രഹസനം!
-
സുനിച്ചനുമായി വേർപിരിഞ്ഞ് കഴിയുന്നതിനെ കുറിച്ച് തുറന്ന് പറഞ്ഞ് മഞ്ജു പത്രോസ്;'ഒരു രീതിയിലും ബന്ധമില്ല' -
ഉല്ലാസ് പന്തളത്തിന് 10,000 രൂപ നൽകി സഹായിച്ചു, പക്ഷെ വിളിച്ച് പറയുന്ന ആളല്ല ഞാനെന്ന് അഖിൽ മാരാർ; വൻ ട്രോൾ -
പൊതുഅവധി; വിദ്യാഭ്യാസ സ്ഥാപനങ്ങൾക്കും സർക്കാർ-സ്വകാര്യ സ്ഥാപനങ്ങൾക്കും അവധി ബാധകം -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
യുഎഇയിൽ ശക്തമായ മഴ വരുന്നു; പ്രവാസികൾ ജാഗ്രത പാലിക്കുക, സുരക്ഷാ നിർദ്ദേശങ്ങൾ ഇങ്ങനെ -
'മത്സരിക്കാന് രാഹുല് അനുവദിച്ചു.. എന്നിട്ടും അത് മുടക്കി, ആളെ എനിക്കറിയാം'; തുറന്നടിച്ച് സുധാകരന് -
'ശോഭാ സുരേന്ദ്രൻ എടിഎം പൊളിച്ച് പണമുണ്ടാക്കിയതല്ല, മകന് കോടികൾ ശമ്പളം കിട്ടുന്ന ജോലി പാടില്ലേ' -
ശമ്പളം വെട്ടിക്കുറച്ചു; ഉന്നത ഉദ്യോഗസ്ഥര്ക്കും പോലീസുകാര്ക്കും കടുംവെട്ട്, കടുത്ത പ്രതിസന്ധിയില് ഹിമാചല് -
ഇറാനെ ചുട്ടെരിക്കാൻ അമേരിക്ക; വൈദ്യുത നിലയങ്ങൾ തകർക്കും, ട്രംപിന്റെ അന്ത്യശാസനം -
മഞ്ചേശ്വരത്ത് മുസ്ലിം ലീഗ് പെട്ടു; സ്ഥാനാര്ഥിയെ പ്രഖ്യാപിച്ച് എസ്ഡിപിഐ, കെ സുരേന്ദ്രന് ഹാപ്പി -
ഇസ്രായേലില് രൂക്ഷമായ മിസൈലാക്രമണവുമായി ഇറാന്; ഡിമോണും അറാദും ആക്രമിക്കപ്പെട്ടു -
13000 രൂപയുടെ ഇടിവില് സ്വര്ണം.. വെള്ളിയ്ക്ക് കുറഞ്ഞത് 32000 രൂപ! അടുത്ത ആഴ്ചയിലും വില കുറയും?
Click it and Unblock the Notifications
Sign in with Google