മണ്ഡല വിളക്ക് സീസണില് ബേസ് കാംപ് നിലയ്ക്കല്;ഹില്ടോപ്പില് നിന്ന് ക്ഷേത്രത്തിലേക്ക് മേല്പ്പാലം
തിരുവന്തപുരം: നവംബര് 17ന് ആരംഭിക്കുന്ന ശബരിമല മണ്ഡല മകരവിളക്ക് സീസണില് നിലയ്ക്കല് ബേസ് ക്യാമ്പാക്കുമെന്ന് ദേവസ്വം മന്ത്രി കടകംപള്ളി സുരേന്ദ്രന് പറഞ്ഞു. ശബരിമല ഒരുക്കങ്ങള് വിലയിരുത്താന് മന്ത്രിയുടെ അധ്യക്ഷതയില് നടന്ന ഉന്നതതല യോഗത്തിലാണ് തീരുമാനമായത്. തീര്ത്ഥാടകരുടെ വാഹനങ്ങള് നിലയ്ക്കല് വരെ മാത്രമേ അനുവദിക്കൂ.
250 കെഎസ്ആര്ടിസി ബസ്സുകള്
ഇവിടെ നിന്ന് പമ്പയിലേക്ക് കെ. എസ്. ആര്. ടി. സി ബസില് തീര്ത്ഥാടകരെ എത്തിക്കും. ഇതിനായി 250 കെ. എസ്. ആര്. ടി. സി ബസുകള് സര്വീസ് നടത്തും. നിലയ്ക്കലില് പരമാവധി പാര്ക്കിംഗ് സ്ഥലം കണ്ടെത്താന് മന്ത്രി നിര്ദ്ദേശം നല്കി. ഇവിടെ ആവശ്യത്തിന് കുടിവെള്ളം വിതരണം ചെയ്യാന് സംവിധാനം ഒരുക്കും. നിലയ്ക്കലില് പോലീസിനും കെ. എസ്. ആര്. ടി. സി ജീവനക്കാര്ക്കും താമസത്തിനും പ്രാഥമികാവശ്യങ്ങള്ക്കുമുള്ള സൗകര്യം ഒരുക്കും. ഇവിടെ രണ്ടു മാസത്തിനകം ആയിരം ബയോ ടോയിലറ്റുകള് സ്ഥാപിക്കും.
പമ്പയില് താല്ക്കാലിക സൗകര്യങ്ങള് മാത്രം
ഇത്തവണ പമ്പയില് താത്കാലിക സംവിധാനങ്ങള് മാത്രമേ ഒരുക്കൂ. പമ്പയില് മണ്ണുമാറ്റി വീണ്ടെടുത്ത പാലത്തിന്റെ ബലം പരിശോധിക്കും. പുനര്നിര്മാണ പ്രവൃത്തികള്ക്ക് ചുമതലപ്പെടുത്തിയിരിക്കുന്ന ടാറ്റാ പ്രോജക്ട്സ് ലിമിറ്റഡിന്റെ ഉദ്യോഗസ്ഥര് ശബരിമലയിലെത്തിയിട്ടുണ്ട്. ഹില് ടോപ്പില് നിന്ന് പമ്പ ഗണപതി ക്ഷേത്രത്തിലേക്ക് പുതിയ പാലം നിര്മ്മിക്കുന്നത് പരിഗണിക്കും.
പമ്പയിലെ മണ്ണ് മാറ്റല്: കോടതിയെ സമീപിക്കും
ദക്ഷിണേന്ത്യന് സംസ്ഥാനങ്ങളിലെ മുഖ്യമന്ത്രിമാരുടെയും ദേവസ്വം മന്ത്രിമാരുടെയും യോഗം ചേരും. കുന്നാര് ഡാമിലെ ചെളിയും മാലിന്യവും നീക്കം ചെയ്യാന് ദേവസ്വം ബോര്ഡ് നടപടി സ്വീകരിക്കും. പമ്പയിലെ പ്രളയത്തെ തുടര്ന്ന് പത്തു മുതല് 24 അടി വരെ മണ്ണ് ഉയര്ന്നിട്ടുണ്ട്. ഇതു മാറ്റുന്നതിലെ നിയമ തടസം ഒഴിവാക്കാന് ഹൈക്കോടതിയെ സമീപിക്കും.
റോഡുകള്ക്ക് 200 കോടി അനുവദിച്ചു
ശബരിമലയിലേക്കുള്ള തകര്ന്ന റോഡുകള് നന്നാക്കാന് 200 കോടി രൂപ സര്ക്കാര് അനുവദിച്ചിട്ടുണ്ട്. നിലയ്ക്കല്, പമ്പ ഭാഗത്തെ റോഡുകളുടെ തകര്ച്ച പരിഹരിക്കുന്നതിനും മണ്ണിടിച്ചിലുള്ള സ്ഥലങ്ങളില് സംരക്ഷണ ഭിത്തി കെട്ടുന്നതിനും ടാറ്റാ പ്രോജക്ട്സ് ലിമിറ്റഡുമായി ചര്ച്ച നടത്തുന്നുണ്ട്.
മാസ്റ്റര്പ്ലാന് അനുസരിച്ച് ശബരിമലയുമായി ബന്ധപ്പെട്ട പ്രവൃത്തികള് നടത്തണമെന്ന് മന്ത്രി നിര്ദ്ദേശിച്ചു. ഈ മേഖലയിലെ വൈദ്യുതി പ്രശ്നം ഈ മാസം 12നകം പരിഹരിക്കും. വൈദ്യുതി പുനസ്ഥാപിച്ചാലുടന് കുടിവെള്ള വിതരണം വാട്ടര് അതോറിറ്റി പുനരാരംഭിക്കും.
കുടിവെള്ളത്തിന് 300 വാട്ടര് കിയോസ്ക്കുകള്
300 വാട്ടര് കിയോസ്കുകളാണ് ഇത്തവണ സ്ഥാപിക്കുക. പുല്മേടു വഴി കൂടുതല് തീര്ത്ഥാടകര് എത്താനുള്ള സാധ്യത പരിഗണിച്ച് സൗകര്യം ഒരുക്കും. പമ്പയില് നടപ്പന്തല് തകര്ന്ന സാഹചര്യത്തില് തീര്ത്ഥാടകരുടെ തിരക്ക് നിയന്ത്രിക്കാന് താത്കാലിക നടപ്പന്തലും ബാരിക്കേഡും ഒരുക്കും. പമ്പയിലെ ആശുപത്രിയില് അടിഞ്ഞു കൂടിയ മണ്ണ് നീക്കം ചെയ്ത് പ്രവര്ത്തന സജ്ജമാക്കാന് ആരോഗ്യ വകുപ്പ് നടപടി സ്വീകരിക്കും. വിവിധ വകുപ്പുകള് പരസ്പരസഹകരണത്തോടെ ശബരിമലയിലെ പ്രവര്ത്തനങ്ങള് സമയബന്ധിതമായി നടത്തണമെന്ന് മന്ത്രി നിര്ദ്ദേശിച്ചു.
എം. എല്. എമാരായ രാജു എബ്രഹാം, പി. സി. ജോര്ജ്, ദേവസ്വം ബോര്ഡ് പ്രസിഡന്റ് എ. പത്മകുമാര്, അംഗങ്ങളായ കെ. രാഘവന്, കെ. പി. ശങ്കര്ദാസ്, ദേവസ്വം സെക്രട്ടറി കെ. ആര്. ജ്യോതിലാല്, ദേവസ്വം കമ്മീഷണര് എന്. വാസു, പത്തനംതിട്ട ജില്ലാ പഞ്ചായത്ത് പ്രസിഡന്റ് അന്നപൂര്ണദേവി, വിവിധ വകുപ്പ്തല ഉദ്യോഗസ്ഥര് എന്നിവര് പങ്കെടുത്തു.
-
സുഖസൗകര്യം വര്ധിക്കും; സാമ്പത്തിക വഞ്ചന സൂക്ഷിക്കണം, വിദേശത്തുള്ളവര്ക്കു ഭാഗ്യാനുഭവം, നാൾഫലം -
ചൊവ്വ മാറിയാൽ ജീവിതവും മാറും; ഈ രാശിക്കാരുടെ പ്രണയം പൂവണിയും, പുതിയ ജോലി തേടിയെത്തും..! -
സര്വീസില് സ്ഥിരമാകും, വാഹനം വാങ്ങാനുള്ള ആഗ്രഹം സഫലമാകും, ഭൂമിയില് നിന്ന് കൂടുതല് വരുമാനം, നാൾഫലം -
ഖത്തര് ആണ് എട്ടിന്റെ പണി തന്നത്; ആ തീരുമാനം ഇന്ത്യ പ്രതീക്ഷിച്ചില്ല, എല്എന്ജി ബദല് നോക്കി കേന്ദ്രം -
ബെംഗളൂരു നിവാസികൾക്ക് ആശങ്ക; യെലഹങ്ക പവർ പ്ലാന്റ് അടച്ചു, നഗരത്തിലെ വൈദ്യുതി വിതരണത്തെ ബാധിച്ചേക്കും -
സ്വർണ വില ഇന്നും താഴേക്ക്; 75,000 രൂപ വരെയെങ്കിലും പവന് വരുമോ? പഴയ സ്വർണം വിൽക്കേണ്ടവർ അറിയാൻ -
മീനാക്ഷി തന്റെ ഏറ്റവും വലിയ ബലമാണെന്ന് ദിലീപ്; ''ആ പ്രശ്നങ്ങൾ ഒക്കെ നടക്കുമ്പോൾ അവർ ചെറിയ കുട്ടി -
ഭക്ഷണം ശ്വാസകോശത്തിൽ കുടുങ്ങി, പിന്നാലെ കുഴഞ്ഞു വീണു; കാർത്തിക് സൂര്യയ്ക്ക് സംഭവിച്ചത് -
അവസാന ശ്രമമായി പിണറായിയുടെ വിളി, സുധാകരനെ അനുനയിപ്പിക്കാൻ സിപിഎം നേതാക്കൾ വീണ്ടും വീട്ടിലെത്തി -
ദേശീയപാത 66; ചർക്കള-നീലേശ്വരം, നീലേശ്വരം-തളിപ്പറമ്പ് റീച്ചുകളുടെ പ്രവർത്തനം അന്തിമഘട്ടത്തിലേക്ക് -
സ്വർണ വില ഉച്ചയ്ക്കും ഇടിഞ്ഞു; മഞ്ഞലോഹത്തിൻ്റെ കുതിപ്പ് തീർന്നോ? ഇനി വിലക്കുറവിൻ്റെ നാളുകളോ? -
മോണാലിസയ്ക്ക് പ്രായം പതിനേഴോ പതിനെട്ടോ? സോഷ്യല് മീഡിയയില് ചര്ച്ച: മറുപടിയുമായി ദമ്പതികള്
Click it and Unblock the Notifications
Sign in with Google