പത്തനംതിട്ടയില് സിപിഐ പ്രവർത്തകർക്കെതിരെ ഡിവൈഎഫ്ഐ മർദ്ദനം: ദൃശ്യങ്ങള് പുറത്ത്
പത്തനംതിട്ട: പത്തനംതിട്ടയിലെ സി പി ഐ - ഡി വൈ എഫ് ഐ സംഘർഷത്തിന്റെ ദൃശ്യങ്ങള് പുറത്ത്. അങ്ങാടിക്കല് സര്വീസ് സഹകരണ ബാങ്ക് തിരഞ്ഞെടുപ്പിനോടനുബന്ധിച്ചുണ്ടായ ദൃശ്യങ്ങളാണ് ഇപ്പോള് പുറത്ത് വന്നിരിക്കുന്നത്. സി പി ഐ പ്രവർത്തകരെ ഡി വൈ എഫ് ഐ പ്രവർത്തർ സഘം ചേർന്ന് മർദ്ദിക്കുന്നതാണ് ദൃശ്യങ്ങളില് കാണാന് കഴിയുന്നത്. നിലത്ത് വീണുകിടന്ന പ്രവർത്തകരേും മർദ്ദിക്കുന്നുണ്ട്.
സി പി ഐ മണ്ഡലം സെക്രട്ടേറിയേറ്റ് അംഗം എന് കെ ഉദയകുമാര്, എല് സി സെക്രട്ടറി സുരേഷ് ബാബു എന്നിവരുള്പ്പടെയുള്ളവർക്കാണ് മർദ്ദനമേറ്റത്. കഴിഞ്ഞ ഞായറാഴ്ചയായിരുന്നു അങ്ങാടിക്കല് സർവീസ് സഹകരണ ബാങ്ക് തിരഞ്ഞെടുപ്പ്. നേരത്തെ തന്നെ സി പി എം - സി പി ഐ സംഘർഷം നിലനില്ക്കുന്ന പ്രദേശമാണ് അങ്ങാടിക്കല്. ബാങ്ക് തിരഞ്ഞെടുപ്പില് വോട്ടര്പട്ടികയില് പേര് ഇല്ലാത്തവര് വോട്ട് ചെയ്യാനെത്തിയത് സി പി ഐ പ്രവർത്തകർ ചോദ്യം ചെയ്യുകയായിരുന്നു. ഇതാണ് സംഘർഷത്തിന് ഇടയാക്കിയത്.
സംഘർഷത്തില് സി പി ഐ, സി പി എം പ്രവര്ത്തക്കും മൂന്ന് പൊലീസുകാർക്കും പരിക്കേല്ക്കുകയും ചെയ്തു. ഈ സംഘർഷത്തിന് പിന്നാലെയായിരുന്നു രാത്രിയോടെ സി പി ഐ നേതാക്കളുടെ വീടുകള്ക്ക് നേരേ ആക്രമണമുണ്ടായത്. അതേസമയം കേസ് അന്വേഷണത്തില് പൊലീസ് പോലീസ് രാഷ്ട്രീയ പക്ഷപാതം കാണിക്കുന്നതായി ആരോപിച്ച് സിപിഐ ജില്ലാ സെക്രട്ടറി ജയന് അടക്കമുള്ളവർ രംഗത്ത് എത്തിയിട്ടുണ്ട്.
Click it and Unblock the Notifications
Sign in with Google