കനത്ത മഴ തുടരുന്നു: പത്തനംതിട്ടയില് എന്ഡിആര്എഫ് സേനയെ തിരികെ വിളിച്ചു
പത്തനംതിട്ട: കനത്ത മഴയുടെ പശ്ചാത്തലത്തില് പത്തനംതിട്ടയില് ഇന്ന് മുതല് 13 വരെ ഒറഞ്ച് അലര്ട്ട് പ്രഖ്യാപിച്ചു. മഴ ശക്തമായതോടെ ദേശീയ ദുരന്ത നിവാരണ സേനയെ തിരികെ വിളിച്ചിട്ടുണ്ട്. 20 അംഗ സേന കുളനട കൈപ്പുഴയിലെ അമിനിറ്റി സെന്ററിലെത്തി. മെയ് 14 നായിരുന്നു സഘം ആദ്യം ജില്ലയില് എത്തിയത്. 4 മാസം ജില്ലയില് ക്യാംപ് ചെയ്ത സംഘത്തിന് പ്രളയ ഭീതി ഒഴിഞ്ഞതോടെ മടങ്ങാന് നിര്ദേശം ലഭിക്കുകയായിരുന്നു. എന്നാല് തുടര്ച്ചയായി പെയ്യുന്ന മഴ കണക്കിലെടുത്ത് മുന് കരുതല് എന്ന നിലയില് എന്ഡിആര്എഫ് സേനയെ തിരികെ വിളിക്കുകയായിരുന്നു.
അതേസമയം, മണിയാര് ബാരേജിലെ ജലനിരപ്പ് ഉയരുന്ന പക്ഷം, ജലനിരപ്പ് 34.62 മീറ്ററായി ക്രമീകരിക്കുന്നതിനായി മുന്നറിയിപ്പ് പിന്വലിക്കുന്നതുവരെ ഏതു സമയത്തും ഷട്ടറുകള് 150 സെ.മി എന്ന തോതില് ഉയര്ത്തി 350 കുമക്സ് ജലം പുറത്തു വിടേണ്ടി വന്നേക്കാമെന്നും ജില്ലാ ഭരണകൂടം അറിയിച്ചിട്ടുണ്ട്. ഷട്ടറുകള് ഉയര്ത്തുന്നത് മൂലം കക്കാട്ടാറില് 150 സെ.മി. വരെ ജലനിരപ്പ് ഉയര്ന്നേക്കാമെന്നുള്ള സാഹചര്യത്തില് കക്കാട്ടാറിന്റെയും, പമ്പയാറിന്റെയും തീരത്ത് താമസിക്കുന്ന ആളുകളും മണിയാര്, പെരുനാട്, വടശേരിക്കര, റാന്നി, കോഴഞ്ചേരി, ആറന്മുള നിവാസികളും ജനങ്ങളും ജാഗ്രത പുലര്ത്തേണ്ടതും, നദികളില് ഇറങ്ങുന്നത് ഏതു സാഹചര്യത്തിലും ഒഴിവാക്കേണ്ടതുമാണെന്ന് ജില്ലാ കളക്ടറും ജില്ലാ ദുരന്തനിവാരണ അതോറിറ്റി ചെയര്പേഴ്സണുമായ ഡോ. ദിവ്യ എസ് അയ്യര് അറിയിച്ചു.
കേന്ദ്ര കാലവസ്ഥാ വകുപ്പിന്റെ പുതുക്കിയ മഴ സാധ്യത പ്രവചന പ്രകാരം ഒക്ടോബര് 11, 12, 13 തീയതികളില് അതിശക്തമായ മഴക്കുള്ള ഓറഞ്ച് മുന്നറിയിപ്പ് പുറപ്പെടുവിച്ചിട്ടുണ്ട്. ജില്ലയില് ശക്തമായ മഴ പെയ്യുന്നതിനാല് ജില്ലാ ദുരന്ത നിവാരണ അതോറിറ്റി സ്ഥിതി ഗതികള് സസൂക്ഷ്മം നിരീക്ഷിച്ചു വരികയാണ്.
ശക്തമായ മഴ തുടര്ച്ചയായി പെയ്യുന്ന സാഹചര്യത്തില് പ്രാദേശികമായ ചെറിയ വെള്ളപ്പൊക്കം, മണ്ണിടിച്ചില്, ഉരുള്പൊട്ടല് തുടങ്ങിയ പ്രകൃതി ദുരന്തങ്ങള്ക്ക് സാധ്യത വര്ധിക്കും. അതിനാല് കഴിഞ്ഞ ദിവസങ്ങളില് വലിയ അളവില് മഴ ലഭിച്ച പ്രദേശങ്ങളില് മഴ തുടരുന്ന സാഹചര്യത്തില് താഴ്ന്ന പ്രദേശങ്ങള്, നദീതീരങ്ങള്, ഉരുള്പൊട്ടല്-മണ്ണിടിച്ചില് സാധ്യതയുള്ള മലയോര പ്രദേശങ്ങള് തുടങ്ങിയ ഇടങ്ങളിലുള്ളവര് അതീവ ജാഗ്രത പാലിക്കണമെന്നും ജില്ലാ ഭരണകൂടം അറിയിച്ചു.
ദുരിതാശ്വാസ ക്യാമ്പുകളിലേക്ക് മാറേണ്ടുന്ന ഘട്ടങ്ങളില് പൂര്ണ്ണമായും കോവിഡ് മാനദണ്ഡങ്ങള് പാലിക്കാന് തയ്യാറാകണം. ശക്തമായ മഴ പെയ്യുന്ന സാഹചര്യത്തില് ഒരു കാരണവശാലും നദികള് മുറിച്ചു കടക്കാനോ, നദികളിലോ മറ്റ് ജലാശയങ്ങളിലോ കുളിക്കാനോ മീന്പിടിക്കാനോ മറ്റ് ആവശ്യങ്ങള്ക്കോ ഇറങ്ങാന് പാടുള്ളതല്ല. ജലാശയങ്ങള്ക്ക് മുകളിലെ മേല്പ്പാലങ്ങളില് കയറി കാഴ്ച കാണുകയോ സെല്ഫിയെടുക്കുകയോ കൂട്ടംകൂടി നില്ക്കുകയോ ചെയ്യരുത്. കാറ്റില് മരങ്ങള് കടപുഴകി വീണും പോസ്റ്റുകള് തകര്ന്നു വീണും ഉണ്ടാകാനിടയുള്ള അപകടങ്ങളെയും ശ്രദ്ധിക്കണം.
വമ്പന് മേക്കോവറില് ബിഗ് ബോസ് താരം രമ്യ പണിക്കര്;ഒപ്പം ആര്യയും പുതിയ ഫോട്ടോഷൂട്ട് വൈറല്
അണക്കെട്ടുകളുടെ താഴെ താമസിക്കുന്നവര് അണക്കെട്ടുകളില് നിന്ന് വെള്ളം പുറത്തേക്ക് ഒഴുക്കി വിടാനുള്ള സാധ്യത മുന്കൂട്ടി കണ്ടുകൊണ്ടുള്ള തയ്യാറെടുപ്പുകള് നടത്തുകയും അധികൃതരുടെ നിര്ദേശങ്ങള്ക്ക് അനുസരിച്ച് ആവശ്യമെങ്കില് മാറിത്താമസിക്കുകയും വേണം. മലയോര മേഖലയിലേക്കുള്ള രാത്രി സഞ്ചാരം പൂര്ണ്ണമായി ഒഴിവാക്കുകയും വേണം. ജില്ലയിലെ നദീ തീരങ്ങളില് താമസിക്കുന്നവര്, നേരത്തെ ഉരുള് പൊട്ടല്, മണ്ണിടിച്ചില് എന്നിവ ഉണ്ടായിട്ടുള്ള പ്രദേശങ്ങളില് ഉള്ളവര് അതീവ ജാഗ്രതപാലിക്കണം. അണക്കെട്ടുകളില് നിന്നും ജലം തുറന്നു വിടേണ്ടുന്ന സാഹര്യം ഉണ്ടെങ്കില് അക്കാര്യം യഥാസമയം അറിയിക്കുമെന്നും ജില്ലാ ഭരണകൂടം അറിയിച്ചു.
Click it and Unblock the Notifications
Sign in with Google