ജെസ്ന കേസില് തുറന്നുപറയാന് പറ്റാത്ത കാര്യങ്ങളുണ്ട്; വിരമിക്കാനിരിക്കെ എസ്പി സൈമണ് പറയുന്നു
പത്തനംതിട്ട: കോളജ് വിദ്യാര്ഥി ജെസ്ന മരിയ ജെയിംസിന്റെ തിരോധാനത്തെ കുറിച്ച് പ്രതികരണവുമായി എസ്പി കെജി സൈമണ്. വ്യാഴാഴ്ച അദ്ദേഹം വിരമിക്കുകയാണ്. കേസ് അന്വേഷണത്തില് പ്രത്യേക മിടുക്ക് കാണിക്കാറുള്ള സൈമണിന്റെ മേല്നോട്ടം ജെസ്ന കേസില് ഉണ്ടായതോടെ തുമ്പുണ്ടാകുമെന്ന് പ്രതീക്ഷിച്ചിരുന്നു. എന്നാല് ഇതുവരെ വ്യക്തമായ വിവരങ്ങള് പുറത്തുവന്നിട്ടില്ല. അന്വേഷണത്തില് ശുഭ പ്രതീക്ഷയുണ്ട് എന്നാണ് സൈമണ് മനോരമയോട് ഇന്ന് പറഞ്ഞത്. തുറന്നുപറയാന് സാധിക്കാത്ത ചില കാര്യങ്ങള് ഈ കേസിലുണ്ട് എന്നും വൈകാതെ തീരുമാനമുണ്ടാകുമെന്നും സൈമണ് പറയുന്നു.
2018 മാര്ച്ചിലാണ് കൊല്ലമുള സന്തോഷ് കവലയിലെ ജെസ്നയെ കാണാതായത്. മുണ്ടക്കയത്തെ ബന്ധുവീട്ടിലേക്ക് എന്ന് പറഞ്ഞാണ് പോയത്. എരുമേലി വരെ എത്തിയതിന് തെളിവ് ലഭിച്ചിരുന്നു. തമിഴ്നാട്ടിലും കര്ണാടകത്തിലും അന്വേഷണ സംഘം തിരച്ചില് നടത്തിയെങ്കിലും ഫലമുണ്ടായില്ല. എരുമേലി, വെച്ചൂച്ചിറ പോലീസില് ജെസ്നയുടെ കുടുംബം പരാതി നല്കിയിരുന്നു. ആദ്യം ലോക്കല് പോലീസും പിന്നീട് ക്രൈംബ്രാഞ്ചും അന്വേഷിച്ചു. മൊബൈല് ഫോണ് എടുക്കാതെയാണ് ജെസ്ന പോയത്. ഈ ഫോണിലെ വിവരങ്ങള് പോലീസ് പരിശോധിച്ചിരുന്നു. അന്വേഷണത്തിന്റെ ഭാഗമായി രണ്ട് ലക്ഷത്തിലധികം മൊബൈല് ഫോണ് കോളുകള് നിരീക്ഷിച്ചു. ജെസ്നയെ അവസാനമായി വിളിച്ച സുഹൃത്തിനെ കേന്ദ്രീകരിച്ചും അന്വേഷണം നടത്തിയെങ്കിലും തുമ്പ് ലഭിച്ചില്ല.
കാഞ്ഞിരപ്പള്ളി കോളജിലെ ഡിഗ്രി വിദ്യാര്ഥിയായിരുന്നു ജെസ്ന. കെജി സൈമണ് അന്വേഷണം ഏറ്റെടുത്ത വേളയില് വലിയ പുരോഗതിയുണ്ടായി എന്നാണ് മുന് ക്രൈംബ്രാഞ്ച് മേധാവി ടോമിന് തച്ചങ്കരി പറയുന്നത്. എന്നാല് കൊറോണ കാരണം ഇതര സംസ്ഥാനങ്ങളിലേക്കുള്ള അന്വേഷണം മുടങ്ങുകയായിരുന്നുവെന്നും തച്ചങ്കരി പറഞ്ഞു. മൊബൈല് ഫോണ് കോളുകളുടെ അടിസ്ഥാനത്തിലാണ് അന്വേഷണം നടന്നത്. ജെസ്ന പോയ വാഹനത്തെ കുറിച്ച് ധാരണയുണ്ടായി. ജീവിച്ചിരിപ്പുണ്ടോ മരിച്ചോ എന്ന് തീരുമാനമായി. തമിഴ്നാട്ടിലേക്ക് അന്വേഷണ സംഘം പോകാനിരിക്കെയാണ് കൊറോണ വ്യാപനമുണ്ടായതും അന്വേഷണം മന്ദഗതിയിലാതും. കുടുംബത്തിന് പ്രതീക്ഷയ്ക്ക് വകയുണ്ട് എന്നും തച്ചങ്കരി പറയുന്നു.
സമീപ സംസ്ഥാനങ്ങളിലേക്ക് ജസ്നയുടെ ചിത്രം കൈമാറിയിരുന്നു. ചിലയിടങ്ങളില് കണ്ടു എന്ന വിവരം വന്നു. തുടര്ന്ന് പോലീസ് ഉദ്യോഗസ്ഥര് അവിടെയെത്തി സിസിടിവി പരിശോധിച്ചു. ചില സൂചനകള് ലഭിക്കുമെങ്കിലും കൂടുതല് വിവരങ്ങള് കിട്ടിയില്ല.
-
മുസ്ലീം യുവാവുമായി പ്രണയം, നാട് വിട്ടോടി കേരളത്തിലെത്തി വൈറൽ താരം മോണാലിസ, ഇന്ന് വിവാഹം -
യുദ്ധം കൂടിയാലും സ്വര്ണവില കൂടില്ല.. കാരണം ദുബായ്! യഥാര്ത്ഥത്തില് സംഭവിച്ചത് ഇത്... -
വിജയ് സംഗീത വിവാഹ മോചനത്തിനിടെ ജയം രവിയുടെ വേറിട്ട പ്രതികരണം; സോഷ്യല് മീഡിയയില് ചര്ച്ച -
അവസാന ശ്രമമായി പിണറായിയുടെ വിളി, സുധാകരനെ അനുനയിപ്പിക്കാൻ സിപിഎം നേതാക്കൾ വീണ്ടും വീട്ടിലെത്തി -
സൗദി അറേബ്യ നിര്ത്തിയാലും പ്രശ്നമില്ല; എണ്ണ ഒഴുക്കാന് പാശ്ചാത്യ രാജ്യങ്ങള്, സുപ്രധാന നീക്കം ഇങ്ങനെ -
മോദി ഭക്തയല്ല, നമ്മുടെ പ്രധാനമന്ത്രിയല്ലേ, സ്നേഹമാണ് എന്ന് പ്രിയങ്ക, വര്ക്കലയില് മല്സരിക്കാന് റോബിന് -
നരേന്ദ്ര മോദി ക്ഷണിച്ച പരിപാടിക്ക് ചെന്നപ്പോള് ആധാര് കാര്ഡ് ചോദിച്ചു; തര്ക്കം, അപമാനം എന്ന് മന്ത്രി രാജേഷ് -
മൊണാലിസയുടെ വിവാഹത്തിനെതിരെ ബിജെപി;'ക്ഷേത്രങ്ങൾ നിരീശ്വരവാദികൾക്ക് തോന്നിയവാസം കാട്ടാനുള്ളതല്ല' -
'മരുമകൻ അല്ലെടോ.. അത് കേരളത്തിന്റെ പൊതുമരാമത്ത് വകുപ്പ് മന്ത്രിയാണ്'; മറുപടിയുമായി തോമസ് ഐസക് -
വ്യാഴം മാറുമ്പോൾ എട്ടിന്റെ പണി; ഈ രാശിക്കാർക്ക് ധന നഷ്ടം, കുടുംബ ജീവിതത്തിൽ താളപ്പിഴ, മാർച്ച് 11 മുതൽ -
'അഡ്രസ് പോലും വ്യാജം; ചെയ്തത് ക്രിമിനല് കുറ്റം' ശ്രീനാദേവി കുഞ്ഞമ്മക്കെതിരേ ആരോപണങ്ങളുമായി ഷഹനാസ് -
മുഖ്യമന്ത്രിയെ ക്ഷണിച്ചിട്ടുണ്ട്, മരുമകനേയും ക്ഷണിക്കണോ? വിവാദത്തിൽ പ്രതികരിച്ച് രാജീവ് ചന്ദ്രശേഖർ
Click it and Unblock the Notifications
Sign in with Google