തിരുവല്ല നഗരസഭാ ജീവനക്കാരുടെ റീല്സ്; പിന്തുണച്ച് എംബി രാജേഷ്, 'നടപടി വേണ്ട, പക്ഷെ...'
പത്തനംതിട്ട: തിരുവല്ല നഗരസഭയിലെ ജീവനക്കാര് ഓഫീസിനുള്ളില് റീല്സ് ചിത്രീകരിച്ച സംഭവത്തില് പ്രതികരണവുമായി തദ്ദേശവകുപ്പ് മന്ത്രി എംബി രാജേഷ്. ഓഫീസ് പ്രവര്ത്തനങ്ങളെ ബാധിക്കാതെയാണ് ജീവനക്കാര് റീല്സ് ചിത്രീകരിച്ചത് എന്നും ഞായറാഴ്ച ദിവസത്തിലാണ് റീല് തയ്യാറാക്കിയത് എന്നും മന്ത്രി വ്യക്തമാക്കി. ജീവനക്കാരുടെ എല്ലാ സര്ഗാത്മക പ്രവര്ത്തനങ്ങള്ക്കും സര്ക്കാരിന്റെ പൂര്ണപിന്തുണയുണ്ട് എന്നും അദ്ദേഹം കൂട്ടിച്ചേര്ത്തു.
ഫേസ്ബുക്ക് പോസ്റ്റിലായിരുന്നു അദ്ദേഹത്തിന്റെ പ്രതികരണം. കാലവര്ഷക്കെടുതിയുമായി ബന്ധപ്പെട്ട് അടിയന്തിര സാഹചര്യങ്ങളുണ്ടായാല് ഇടപെടാന് വേണ്ടി ജില്ലാ കളക്ടറുടെ നിര്ദേശപ്രകാരമാണ് അവധിദിനത്തിലും ജീവനക്കാര് ജോലിക്ക് എത്തിയത് എന്നും എംബി രാജേഷ് പറഞ്ഞു. റീല്സ് ചിത്രീകരിച്ചതിന്റെ പേരില് ജീവനക്കാര്ക്കെതിരെ ശിക്ഷാ നടപടി സ്വീകരിക്കരുതെന്ന് ബന്ധപ്പെട്ട ഉദ്യോഗസ്ഥര്ക്ക് നിര്ദേശം നല്കിയിട്ടുണ്ട്.
അവശ്യഘട്ടങ്ങളില് സേവനസജ്ജരായി ഞായറാഴ്ചകളില് പോലും ജോലിക്കെത്തുന്ന തദ്ദേശ സ്വയം ഭരണ സ്ഥാപനങ്ങളിലെ ജീവനക്കാരെ അഭിനന്ദിക്കുന്നു എന്നും അദ്ദേഹം കൂട്ടിച്ചേര്ത്തു. കഴിഞ്ഞ ദിവസമാണ് നഗരസഭ ഉദ്യോഗസ്ഥരുടെ റീല്സ് പുറത്ത് വന്നത്. ഇത് വലിയ വിവാദമായിരുന്നു. സോഷ്യല് മീഡിയയില് ഇതിനെ അനുകൂലിച്ചും പ്രതികൂലിച്ചും നിരവധി പേര് രംഗത്തെത്തിയിരുന്നു.
അതിനിടെ സര്ക്കാര് ഓഫീസിനുള്ളില് റീല്സ് ചിത്രീകരിച്ച റവന്യൂ വിഭാഗത്തിലെ എട്ട് ജീവനക്കാര്ക്കെതിരെ നടപടിയെടുത്തിരുന്നു. മുനിസിപ്പല് സെക്രട്ടറിയാണ് ഇവര്ക്ക് കാരണം കാണിക്കല് നോട്ടീസ് നല്കിയത്. മൂന്ന് ദിവസത്തിനകം വിശദീകരണം നല്കണമെന്നായിരുന്നു നഗരസഭ സെക്രട്ടറിയുടെ നിര്ദേശം. നഗരസഭയില് പൊതുജനങ്ങള് ഉള്ള സമയത്തും ഓഫീസ് സമയത്തുമാണ് റീല്സ് ചിത്രീകരിച്ചതെങ്കില് മുനിസിപ്പല് ചട്ടങ്ങള് പ്രകാരം നിയമലംഘനമാണ്.
എന്നാല് ഞായറാഴ്ചയാണ് വീഡിയോ ചിത്രീകരിച്ചതെന്ന് ജീവനക്കാര് മറുപടി നല്കിയിരുന്നു. ഞായറാഴ്ച ഉച്ചയ്ക്ക് ഭക്ഷണം കഴിക്കാനുള്ള ഇടവേളയിലാണ് റീല്സ് എടുത്തതെന്നും ജീവനക്കാരുടെ വിശദീകരണത്തില് പറയുന്നു. മോഹന്ലാല് നായകനായ 'ദേവദൂതന്' എന്ന സിനിമയിലെ പൂവേ പൂവേ പാലപ്പൂവേ എന്ന പാട്ടിലാണ് ജീവനക്കാര് റീല്സ് ചിത്രീകരിച്ചത്.
എംബി രാജേഷിന്റെ ഫേസ്ബുക്ക് പോസ്റ്റിന്റെ പൂര്ണരൂപം:
തിരുവല്ല നഗരസഭയില് ജീവനക്കാര് ഉള്പ്പെട്ട സോഷ്യല് മീഡിയാ റീല് സംബന്ധിച്ച് തദ്ദേശ സ്വയം ഭരണ വകുപ്പ് ജില്ലാ മേധാവിയില് നിന്നും നഗരസഭാ സെക്രട്ടറിയില് നിന്നും വിവരങ്ങള് തേടുകയുണ്ടായി. ഇവരില് നിന്നും ലഭിച്ച വിവരം അനുസരിച്ച് ഞായറാഴ്ച ദിവസത്തിലാണ് റീല് തയ്യാറാക്കിയത് എന്ന് മനസിലായി.
കാലവര്ഷക്കെടുതിയുമായി ബന്ധപ്പെട്ട് അടിയന്തിര സാഹചര്യങ്ങളുണ്ടായാല് ഇടപെടാന് വേണ്ടി, ജില്ലാ കളക്ടറുടെ നിര്ദേശപ്രകാരമാണ് അവധിദിനത്തിലും ജീവനക്കാരെത്തിയത്. ഓഫീസ് പ്രവര്ത്തനങ്ങളെ ബാധിക്കാതെയാണ് റീല് ചിത്രീകരിച്ചത് എന്ന് ലഭിച്ച വിവരങ്ങളില് നിന്ന് വ്യക്തമായിട്ടുണ്ട്. ജീവനക്കാരുടെ എല്ലാ സര്ഗാത്മക-സാംസ്കാരിക പ്രവര്ത്തനങ്ങള്ക്കും സര്ക്കാരിന്റെ പൂര്ണപിന്തുണയുണ്ട്.
പക്ഷെ ഔദ്യോഗിക കൃത്യനിര്വഹണത്തെ ബാധിക്കാതെയും പൊതുജനങ്ങള്ക്ക് ബുദ്ധിമുട്ടുണ്ടാക്കാതെയും സര്വീസ് ചട്ടങ്ങള് ലംഘിക്കാതെയും മാത്രമായിരിക്കണം ഇതെല്ലാം. പ്രവൃത്തി സമയത്ത് ജോലിക്ക് തടസം വരുന്ന രീതിയില് ആഘോഷപരിപാടികളൊന്നും ഓഫീസുകളില് സംഘടിപ്പിക്കരുതെന്ന് സര്ക്കാര് നേരത്തെ തന്നെ നിഷ്കര്ഷിച്ചിട്ടുള്ളതാണ്.
തിരുവല്ല നഗരസഭയില് അവധി ദിനമായ ഞായറാഴ്ച അധികജോലിക്കിടയില് റീല് ചിത്രീകരിച്ചതിന്റെ പേരില് ജീവനക്കാര്ക്കെതിരെ ശിക്ഷാ നടപടി സ്വീകരിക്കരുതെന്ന് ബന്ധപ്പെട്ട ഉദ്യോഗസ്ഥര്ക്ക് നിര്ദേശം നല്കി. അവശ്യഘട്ടങ്ങളില് സേവനസജ്ജരായി ഞായറാഴ്ചകളില് പോലും ജോലിക്കെത്തുന്ന തദ്ദേശ സ്വയം ഭരണ സ്ഥാപനങ്ങളിലെ ജീവനക്കാരെ അഭിനന്ദിക്കുന്നു.
-
സ്വർണം വാങ്ങുന്നത് സേഫ് അല്ല, വിൽക്കാൻ നിൽക്കുന്നവരും പെട്ട് പോകും';സാമ്പത്തിക വിദഗ്ധ മേരി ജോർജ് -
ബിസിനസ്സിൽ സാമ്പത്തികനേട്ടം ഉണ്ടാകും, മത്സരപരീക്ഷകളില് വിജയ സാധ്യത, വിദേശത്ത് നിന്നും ധനലാഭം, നാൾഫലം -
മമ്മൂട്ടി ആ സിനിമയില് അനുകരിച്ചത് ഇദ്ദേഹത്തിന്റെ ഹെയര് സ്റ്റൈല്; തിയേറ്ററുകള് കിടുങ്ങിയ സീനുകള് -
ലുലു ഗ്രൂപ്പിൽ ജോലി ഒഴിവ്; നിയമനം കോഴിക്കോടും മലപ്പുറത്തും..അഭിമുഖം 28 ന് -
'പലതവണ ശരീരത്തിൽ കയറിപ്പിടിച്ചു, വീട്ടുകാരോട് പറഞ്ഞിട്ട് സഹായിച്ചില്ല', സംവിധായകൻ സനോജ് മിശ്രക്കെതിരെ മോണാലിസ -
മീനാക്ഷിക്ക് ഇത്തവണ മഞ്ജു വാര്യരുടെ ലൈക്ക് ഇല്ല?;വൈറലായി പുതിയ ഫോട്ടോ..മകളെ ചേർത്ത് പിടിച്ച് ദിലീപ് -
സ്വര്ണവില കുത്തനെ കുറഞ്ഞു; ചാഞ്ചാട്ടത്തിനിടെ ഇടിവ്, രൂപ കയറി, ഇന്നത്തെ പവന് വില അറിയാം -
രേണു സുധിയെ ദുബായ് പൊലീസ് നാട്ടിലേക്കു കയറ്റിവിട്ടു? പ്രതികരണവുമായി രേണു: താനിപ്പോഴും ദുബായില് -
'ഭാര്യയുടെ നാഭിക്ക് ചവിട്ടിയവന് കൊടുത്ത സ്ഥാനം എന്നെക്കൊണ്ട് പറയിക്കണ്ട', പിണറായിക്ക് മറുപടിയുമായി രാഹുൽ -
സ്വർണം പിന്നെയും പറ്റിച്ചു! രാവിലെ കുറഞ്ഞ സ്വർണവില പിന്നെയും കൂടി, ഇനിയങ്ങോട്ട് മുകളിലേക്ക് തന്നെ? -
കേരളത്തിൽ വേനൽ കടുത്തു, ചൂടിന് ശമനമില്ല; പ്രതീക്ഷയായി വേനൽ മഴ, മറ്റന്നാൾ മുതൽ പെയ്യാൻ സാധ്യത -
യുഎഇയും ബഹ്റൈനും പിടിച്ചടക്കും; ഇറാന് റെഡി എന്ന് വിദഗ്ധന്, യുഎസ് ആ നീക്കം നടത്തിയാല്
Click it and Unblock the Notifications
Sign in with Google