ആറന്മുള പാർത്ഥസ്വാരതി ക്ഷേത്രത്തിൽ അഷ്ടമിരോഹിണി നാളിൽ അന്നദാനമുണ്ട് ആയിരങ്ങൾ
ആറൻമുള : പ്രളയകാലത്ത് ദുരിതാശ്വാസത്തിന്റെ തുരുത്തായിരുന്ന ആറന്മുള പാർത്ഥസാരഥി ക്ഷേത്രത്തിൽ അഷ്ടമിരോഹിണി നാളിലെ അന്നദാനത്തിന്റെ പുണ്യം തേടാൻ ആയിരങ്ങളെത്തി.
അന്നദാനത്തിന്റെ ഭാഗമായി ഭഗവാന്റെ പിടിച്ചോറുണ്ണാൻ പ്രാർത്ഥനയോടെ ഭക്തർ കാത്തുനിന്നു. 52 കരകളെയും ബാധിച്ച പ്രളയത്തിന് തടുക്കാനാവാത്ത വിശ്വാസമാണ് പാർത്ഥസാരഥിയെന്ന് തെളിയിക്കുന്ന തരത്തിൽ എല്ലാവരും ഏകമനസോടെ അന്നദാനത്തിൽ പങ്കെടുത്തു. ക്ഷേത്രത്തിന്റെ ആനക്കൊട്ടിലിൽ നിലവിളക്കും വെറ്റിലയും പുകയിലയും നിറപറയുമായി പള്ളിയോടങ്ങൾക്കും പാർത്ഥസാരഥിക്കും ആദരവ് നൽകി. ഇവിടെ തൂശനിലയിൽ ഭഗവാന് മുന്നിൽ പുത്തരിച്ചോറ് വിളമ്പി തൊഴുതു. ഗോവിന്ദാഹരി മുഴങ്ങിയതോടെ അന്നപ്രസാദം ഭക്തർക്കുമായി നൽകിത്തുടങ്ങി.ദേവസ്വം ബോർഡ് പ്രസിഡന്റ് എ.പദ്മകുമാർ അന്നദാനത്തിന് തുടക്കമിട്ടു. പള്ളിയോടസേവാസംഘം ഭാരവാഹികളായ കൃഷ്ണകുമാർ കൃഷ്ണവേണി, പി.ആർ.രാധാകൃഷ്ണൻ തുടങ്ങിയവർ നേതൃത്വം നൽകി.
പ്രളയത്തിന്റെ കെടുതികൾ അവസാനിച്ചിട്ടില്ലെങ്കിലും അഷ്ടമിരോഹിണി നാളിൽ ആചാരം പാലിക്കാൻ 25 കരക്കാർ എത്തി. അച്ചൻകോവിലാറും കുട്ടൻപേരൂരാറും പമ്പയും ബാക്കിവച്ച പ്രളയത്തിന്റെ ശേഷിപ്പുകൾ നേരിട്ട് കണ്ട് രണ്ട് ദിവസത്തെ പ്രയ്തനവുമായി ഏറ്റവും പടിഞ്ഞാറ് നിന്നെത്തുന്ന ചെന്നിത്തല പള്ളിയോടം ആറന്മുളയെത്തിയതോടെ ആഹ്ളാദം അതിജീവനത്തിന്റേതായി മാറി. കുട്ടൻപേരൂർ ആറിലും മറ്റ് പലയിടങ്ങളിലും വഴിമുടക്കിനിന്ന പോളയും പുല്ലും ഒഴുകിയെത്തിയ മരങ്ങളും നീക്കി അതി സാഹസികമായാണ് ചെന്നിത്തല പള്ളിയോടം ആറന്മുളയിലെത്തിയത്.
അതേസമയം ഇടശ്ശേരിമലക്കരയോഗത്തിനും സത്രക്കടവിനുമിടയിൽ തിട്ടയിൽ കയറിപ്പോയ മാലക്കര പള്ളിയോടം കരക്കാരുടെ നേതൃത്വത്തിൽ ചെയൻ ബ്ളോക്കിന്റെ സഹായത്തോടെ താഴെയിറക്കിയത് കരക്കാരുടെ മറ്റൊരു കൂട്ടായ്മയുടെ ഇടമായി. ചങ്ങംകരി വേണു ആചാരിയുടെ നിർദ്ദേശങ്ങൾക്കൂടി സ്വീകരിച്ചാണ് പള്ളിയോടം താഴെയിറക്കിയത്.
എന്നാൽ പ്രളയത്തിൽപ്പെട്ട റാന്നി പള്ളിയോടം വീയപുരത്ത് നിന്ന് രാവിലെ പത്ത് മണിയോടെ പാർത്ഥസാരഥി ക്ഷേത്രക്കടവിന് മുൻപിലൂടെ തുഴഞ്ഞ് പോയത് പള്ളിയോടപ്രേമികൾക്ക് നൊമ്പരക്കാഴ്ചയായി. പള്ളിയോടത്തിന്റെ അമരവും അണിയവും വേർപ്പെട്ട നിലയിലാണ് വീയപുരത്ത് നിന്ന് കണ്ടെടുത്തത്. പുതുക്കുളങ്ങര പള്ളിയോടവും ഏരാവ്, മാതാവ് പലകകൾക്ക് സാരമായ കേടുപാടുകളോടെയാണ് കരയിലെത്തിച്ചിരിക്കുന്നത്.
-
സ്വര്ണം വീണുടഞ്ഞു; ഇന്ന് ഞെട്ടിക്കുന്ന വിലക്കുറവ്, ഇത്രയും വില താഴുന്നത് ആദ്യം, പവന് വില അറിയാം -
സ്വര്ണം ദുബായ് വഴി; നടി രണ്യ ബെംഗളൂരുവില് കൊണ്ടുവന്നത് 127 കിലോ, ആഫ്രിക്കന് ഖനികളും തേടി -
സ്വർണ വിലയിൽ വൻ ഇടിവ്; പവന് കുറഞ്ഞത് 10,040 രൂപ..1 ലക്ഷത്തിന് താഴേക്ക് തന്നെ? -
സ്വര്ണം ഏതെങ്കിലും പോയി വാങ്ങല്ലേ; ഉഗ്രന് പണി കിട്ടും, കുറഞ്ഞ നിരക്കിലുള്ള സ്വര്ണം അറിയാം -
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
സുനിച്ചനുമായി വേർപിരിഞ്ഞ് കഴിയുന്നതിനെ കുറിച്ച് തുറന്ന് പറഞ്ഞ് മഞ്ജു പത്രോസ്;'ഒരു രീതിയിലും ബന്ധമില്ല' -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
പൊതുഅവധി; വിദ്യാഭ്യാസ സ്ഥാപനങ്ങൾക്കും സർക്കാർ-സ്വകാര്യ സ്ഥാപനങ്ങൾക്കും അവധി ബാധകം -
'ശോഭാ സുരേന്ദ്രൻ എടിഎം പൊളിച്ച് പണമുണ്ടാക്കിയതല്ല, മകന് കോടികൾ ശമ്പളം കിട്ടുന്ന ജോലി പാടില്ലേ' -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
മഞ്ചേശ്വരത്ത് മുസ്ലിം ലീഗ് പെട്ടു; സ്ഥാനാര്ഥിയെ പ്രഖ്യാപിച്ച് എസ്ഡിപിഐ, കെ സുരേന്ദ്രന് ഹാപ്പി -
ശമ്പളം വെട്ടിക്കുറച്ചു; ഉന്നത ഉദ്യോഗസ്ഥര്ക്കും പോലീസുകാര്ക്കും കടുംവെട്ട്, കടുത്ത പ്രതിസന്ധിയില് ഹിമാചല്
Click it and Unblock the Notifications
Sign in with Google