ജെസ്നയുടെ തിരോധാനം: യഥാർത്ഥ സത്യം പുറത്തുകൊണ്ടുവരണമെന്ന് എ പി ജയൻ
പത്തനംതിട്ട: നൂറ് ദിവസം മുമ്പ് കാണാതായ റാന്നി വെച്ചൂച്ചിറ സ്വദേശിനി ജസ്നയുടെ തിരോധാനത്തെ സംബന്ധിച്ച യഥാർത്ഥ സത്യം പുറത്തുകൊണ്ടുവരാൻ അടിയന്തിര നടപടികൾ വേണമെന്ന് സിപിഐ ജില്ലാ സെക്രട്ടറി എ പി ജയൻ ആവശ്യപ്പെട്ടു. ജസ്നയുടെ കുടുംബത്തെ സന്ദർശിച്ച ശേഷമാണ് എ പി ജയൻ ഈ ആവശ്യം ഉന്നയിച്ചത്.
ജസ്നയുടെ തിരോധാനത്തെ സംബന്ധിച്ചുള്ള ദുരൂഹതകൾ നിലനിൽക്കുകയാണ്. അന്വഷണം നീണ്ടുപോകുന്നതിൽ പൊതസമൂഹത്തിന് ആശങ്കയുണ്ട്. അത് പരിഹരിക്കാനുള്ള ബാധ്യത അന്വേഷ സംഘത്തിന്റെ മേധാവിക്കാണ്. നൂതനവും ശാസ്ത്രീയവുമായ അന്വഷണ രീതികളിലൂടെ കേസ്സ് തെളിയിക്കണം. ഇതിനാവശ്യമായ എല്ലാ മാർഗ്ഗങ്ങളും അവലംബിച്ച് യഥാർത്ഥ വസ്തുത പുറത്തുകൊണ്ടുവരാൻ പോലീസ് തയ്യാറാകണമെന്നും എ പി ജയൻ ആവശ്യപ്പെട്ടു.
എഐഎസ്എഫ് ജില്ലാ പ്രസിഡണ്ട് വിനീത് കോന്നി, സെക്രട്ടറി ബിബിൻ അടൂർ, എഐവൈഎഫ് ജില്ലാ ജോയിന്റ് സെക്രട്ടറി എം വി പ്രസന്നകുമാർ, സിപിഐ വെച്ചൂച്ചിറ ലോക്കൽ സെക്രട്ടറി സജിമോൻ കടയണിക്കാട്, റാന്നി മണ്ഡലം കമ്മറ്റിയംഗം എൻ ജി പ്രസന്നൻ, എ സി മാത്യു, സിജോ എന്നിവരും അദ്ദേഹത്തോടൊപ്പമുണ്ടായിരുന്നു.
Click it and Unblock the Notifications
Sign in with Google