Click it and Unblock the Notifications
Just In
Don't Miss
-
Weekly Numerology Horoscope: മേടത്തിലെ സൂര്യന് വെറുതേ അസ്തമിക്കില്ല: സൂര്യനെപ്പോലെ തിളങ്ങും ഭാഗ്യം -
സ്വന്തമായി ബൈക്കില്ലെങ്കിലും ലോകത്തെവിടെയും ബുള്ളറ്റിൽ ചുറ്റിക്കറങ്ങാം; എങ്ങനയെന്ന് എൻഫീൽഡ് പറഞ്ഞു തരും -
സലിം കുമാര് പറ്റില്ലെന്ന് മുഖത്തടിച്ച പോലെ പറഞ്ഞു; സങ്കടമായി, പിന്നെ സംഭവിച്ചത്; കുളപ്പുള്ളി ലീല -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്! -
IPL 2024: സിക്സര്രാജ! ലഖ്നൗ ടീമിനെ ഒറ്റയ്ക്ക് പിന്നിലാക്കി രോഹിത്തിന്റെ അഴിഞ്ഞാട്ടം
കടമ്പനാട് വൈദ്യുതി മുടങ്ങാത്ത ഗ്രാമം; ഉപയോഗിച്ചത് സുരക്ഷ ക്രമീകരണമുള്ള കേബിളുകൾ... അവസാന ഒരുക്കങ്ങൾ!
അടൂര്‍: ജില്ലയില്‍ നിന്ന് വൈദ്യുതി മുടങ്ങാത്ത ആദ്യ ഗ്രാമമെന്ന പേര് സ്വന്തമാക്കാന്‍ ഒരുങ്ങി കടമ്പനാട്. ദീന്‍ ദയാല്‍ ഉപാധ്യായ ഗ്രാമ ജ്യോതി പദ്ധതി പ്രകാരമാണ് സന്‍സദ് ആദര്‍ശ് ഗ്രാമമായി തിരഞ്ഞെടുത്തിട്ടുള്ള കടമ്പനാട് പഞ്ചായത്തില്‍ ദിവസം മുഴുവനും മുടക്കം വരാത്ത തരത്തില്‍ വൈദ്യുതി വിതരണത്തിനുള്ള ജോലികള്‍ നടക്കുന്നത്. ഇതിനുള്ള പ്രവര്‍ത്തനങ്ങള്‍ അവാസനഘട്ടത്തിലാണ്. ലൈനുകളുടെ നിലവാരം ഉയര്‍ത്താന്‍ സാധാരണ കമ്പികള്‍ക്കു പകരം പ്രത്യേക സുരക്ഷിത ആവരണമുള്ള കേബിളുകളാണ് (ഏരിയല്‍ ബഞ്ച്ഡ് കേബിള്‍) വിതരണത്തിനായി സ്ഥാപിക്കുന്നത്.
ഇത്തരം കേബിളുകളില്‍ മരച്ചില്ലകളും മറ്റും പതിച്ച് വൈദ്യുതി വിതരണം തടസ്സപ്പെടാനുള്ള സാധ്യതയും കേബിളുകള്‍ പൊട്ടിയാല്‍ അപകട സാധ്യതയും വളരെ കുറവാണെന്ന നേട്ടം കൂടിയുണ്ട്. മണ്ണടി മുടിപ്പുര, കാലായില്‍, കന്നിമല എന്നീ ഭാഗങ്ങളില്‍ രണ്ടര കിലോമീറ്റര്‍ ദൂരം പുതിയ രീതിയില്‍ സുരക്ഷിതമായ കേബിള്‍ സ്ഥാപിച്ച് വൈദ്യുതി വിതരണം സാധ്യമാക്കി. ബാക്കിയുള്ള ഭാഗത്ത് പണികള്‍ പുരോഗമിക്കുന്നു. മുടിപ്പുര ഭാഗത്ത് ഏനാത്ത് സെക്ഷന്റെ പരിധിയില്‍ വരുന്ന അഞ്ചര കിലോമീറ്റര്‍ ഭാഗത്ത് ലോ ടെന്‍ഷന്‍ ലൈന്‍ വലിക്കുന്നതിനുള്ള ജോലികളും തുടരുന്നു.
പദ്ധതിയുടെ ഭാഗമായുള്ള 90% ജോലികളും പൂര്‍ത്തിയായതായി ഏനാത്ത് സെക്ഷന്‍ അസി. എന്‍ജിനീയര്‍ പറഞ്ഞു. ഇത്തരത്തില്‍ സ്ഥാപിക്കുന്ന കേബിളുകള്‍ ഏനാത്ത് നിന്ന് 14 കിലോമീറ്റര്‍ അകലെയുള്ള ശാസ്താംകോട്ട സബ് സ്റ്റേഷന്റെയും പണി പൂര്‍ത്തിയായി വരുന്ന ഏനാത്ത് ഇളംഗമങ്ങലം സബ് സ്റ്റേഷന്റെയും പരിധിയില്‍ വരുന്ന എല്ലാ ട്രാന്‍സ്‌ഫോമറിലേക്കും ബന്ധിപ്പിക്കുന്നതിനാല്‍ ഒരു ലൈനില്‍ വൈദ്യുതി വിതരണം തടസ്സപ്പെട്ടാലും അടുത്ത ലൈനില്‍ നിന്ന് വൈദ്യുതി വിതരണം സുഗമമാക്കാന്‍ കഴിയും.
ഗ്രാമീണ ഭവനങ്ങളെയും ഗ്രാമങ്ങളെയും വൈദ്യുതീകരിക്കുക, കാര്‍ഷിക കാര്‍ഷികേതര ഫീഡര്‍ വേര്‍തിരിച്ച് വൈദ്യുതി വിതരണ രംഗത്ത് അടിസ്ഥാന സൗകര്യങ്ങള്‍ മെച്ചപ്പെടുത്തുന്നതിനൊപ്പം തിരക്കുള്ള സമയങ്ങളില്‍ ലോഡ് ഷെഡിങ് ഒഴിവാക്കുക എന്നതും കേന്ദ്ര പദ്ധതിയുടെ ലക്ഷ്യമാണ്. ജനങ്ങളും ഏറെ പ്രതീക്ഷയോടെയാണ് പദ്ധതിയെ വരവേല്‍ക്കുന്നത്.
