പത്തനംതിട്ട ജില്ലയിലെ സർക്കാർ സ്കൂളുകളിൽ കുട്ടികൾ കൂടി: എയ്ഡഡ്- അൺഎയ്ഡഡ് സ്കൂളുകളിൽ കുറഞ്ഞു!
പത്തനംതിട്ട: ജില്ലയിലെ സർക്കാർ സ്കൂളുകളിൽ കുട്ടികളുടെ എണ്ണത്തിൽ മുൻവർഷത്തെ അപേക്ഷിച്ച് 670 കുട്ടികളുടെ വർധന. 201718 അധ്യയന വർഷത്തിൽ സർക്കാർ സ്കൂളുകളിൽ ഒന്നു മുതൽ 10 വരെ ക്ലാസുകളിൽ 20675 കുട്ടികൾ ഉണ്ടായിരുന്നു. ഈ വർഷം അത് 21365 കുട്ടികളായി വർധിച്ചു. എയിഡഡ് സ്കൂളുകളിൽ 201718 അധ്യയന വർഷം 56056 കുട്ടികളാണുണ്ടായിരുന്നത്.
ഈ വർഷം 55541കുട്ടികളായി കുറഞ്ഞു. അൺഎയിഡഡ് സ്കൂളുകളിൽ കഴിഞ്ഞ വർഷം 9483 കുട്ടികളുണ്ടായിരുന്നത് ഈ വർഷം 8913ആയി കുറഞ്ഞു. ഒന്നാം ക്ലാസിൽ സർക്കാർ സ്കൂളുകളിൽ കൂടുതൽ കുട്ടികൾ പുതുതായി ചേർന്നത് പൂഴിക്കാട് ഗവൺമെന്റ് യുപിഎസിലും കലഞ്ഞൂർ ഗവൺമെന്റ് എൽപിഎസിലുമാണ്. എയ്ഡഡ് സ്കൂളുകളിൽ ഒന്നാം ക്ലാസിൽ കൂടുതൽ കുട്ടികൾ ചേർന്നത് എണ്ണൂറാംവയൽ സിഎംഎസ്എൽപിഎസാണ്. 52 പേർ. ആറാം പ്രവൃത്തിദിനത്തിലെ കണക്കെടുപ്പ് പ്രകാരമുള്ള വിവരങ്ങളാണ് ഇപ്പോൾ ലഭ്യമായിട്ടുള്ളത
Click it and Unblock the Notifications
Sign in with Google