പത്തനംതിട്ട വാർത്തകൾക്ക്
നോട്ടിഫിക്കേഷൻ അനുവദിക്കൂ  
Oneindia App Download

ഏനാദിമംഗലം പഞ്ചായത്തിൽ സാറ്റലൈറ്റ് ഐടി പാർക്ക് വരുന്നു; മേൽനോട്ടം വഹിക്കുന്നത് പറക്കോട് പഞ്ചായത്ത്

  • By Desk
Google Oneindia Malayalam News

പത്തനംതിട്ട: ഏനാദിമംഗലം പഞ്ചായത്തിൽ വ്യവസായ ഐടി പാർക്ക്, ഇൻഡോർ സ്‌റ്റേഡിയം നിർമാണത്തിനായുള്ള ഭൂമി ഏറ്റെടുക്കൽ നടപടി പുരോഗമിക്കുന്നു. തിരുവനന്തപുരം, കൊച്ചി ഐടി പാർക്കുകളെ ബന്ധിപ്പിച്ചുകൊണ്ട് സാറ്റലൈറ്റ് ഐടി പാർക്കാണ് പദ്ധതിയുടെ പ്രധാന ആകർഷണം. പറക്കോട് പഞ്ചായത്തിന്റെ മേൽ നോട്ടത്തിലാണ് നടപടികൾ പുരോഗമിക്കുന്നത്.

പദ്ധതിയുടെ രൂപരേഖ തയ്യാറയതിന് ശേഷം ടെൻഡർ നടപടികൾ ആരംഭിക്കും. ഇളമണ്ണൂർ ഡിവിഷനിൽപ്പെട്ട പൂതങ്കരയിലാണ് ഐടിപാർക്കും ഇൻഡോർ സ്‌റ്റേഡിയവും നിർമ്മിക്കുന്നത്. ഇതിനായി ഏഴ് ഏക്കർ സ്ഥലം ഏറ്റെടുക്കാനുള്ള പ്രാരംഭ നടപടികൾക്കാണ് തുടക്കമായിരിക്കുന്നത്. കല്ലട ജലസേചന പദ്ധതിയുടെ ഡംബിങ്് യാർഡായി ഉപയോഗിച്ചിരുന്ന അഞ്ചേക്കർ സ്ഥലത്താണ് ഐടി പാർക്ക് സ്ഥാപിക്കുന്നത്.

Pathanamthitta map

പൂതങ്കര ജിപിഎം യു.പി സ്‌കൂളിന് കിഴക്ക് അങ്കണവാടിയോട് ചേർന്ന രണ്ടേക്കാർ സ്ഥലത്ത് ഇൻഡോർ സ്‌റ്റേഡിയവും നിർമ്മിക്കും. റവന്യു, കെ.ഐ.പി, സർവേ ഉദ്യോഗസ്ഥരാണ് സ്ഥലം അളന്ന് തിട്ടപ്പെടുത്തി സർക്കാരിന് റിപ്പോർട്ട് സമർപ്പിച്ചിരിക്കുന്നത്. സ്ഥലം വിട്ടുകിട്ടുന്നതിന് അനുസരിച്ച് ഐടി പാർക്കിനും സ്റ്റേഡിയത്തിനും വേണ്ടി പദ്ധതി തയ്യാറാക്കും. തുടർന്ന് ഫണ്ട് വകയിരുത്തുവാനുമാണ് ബ്ലോക്ക് പഞ്ചായത്തിന്റെ തീരുമാനം.

കൂടുതൽ പേർക്ക് ജോലിസാധ്യതയാണ് ലക്ഷ്യമിടുന്നത്. ഇൻഡോർ സ്‌റ്റേഡിയത്തിൽ കായിക ആരോഗ്യ കേന്ദ്രവും ആരോഗ്യസംരക്ഷണ പരിശീലനവും ഉണ്ടാകും. ഏഴ് ഏക്കർ സ്ഥലത്തിൽ രണ്ടേക്കറിൽ സ്റ്റേഡിയം, ഹെൽത്ത് ക്ലബ്ബ്, മൾട്ടിപർപസ് ഇൻഡോർ സ്‌റ്റേഡിയം എന്നിവ നിർമ്മിക്കും. ബാക്കി അഞ്ച് ഏക്കറിലായിരിക്കും സാറ്റലൈറ്റ് ഐടി പാർക്ക് നിർമ്മിക്കുക.

English summary
Pathanamthitta Local News about satelite IT park in Enathimangalam
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X