Click it and Unblock the Notifications
Just In
Don't Miss
-
ഞാന് ഗെയിം കളിക്കുന്നില്ലേ? സിജോയോട ജാസ്മിന്; നാണം കെടുത്തി ബിഗ് ബോസും കൂകി വിളിച്ച് വീട്ടുകാരും -
IPL 2024: ഹാര്ദിക് അല്ല, ലോകകപ്പ് കളിക്കേണ്ടത് ശിവം ദൂബെ; താരത്തിന് പിന്നില് അണിചേര്ന്ന് ആരാധകര് -
വെറും 2.99 ലക്ഷം മാത്രം! വർക്കിലും ലുക്കിലും നിഞ്ചയെ തൂക്കും മാക് 2 പതിപ്പുമായി അൾട്രാവയലറ്റ് -
സ്ത്രീകൾക്ക് സാമ്പത്തിക സുരക്ഷിതത്വം ഉറപ്പാക്കാൻ 4 പോസ്റ്റ് ഓഫീസ് പദ്ധതികൾ -
കാപ്പി കുടിച്ചാല് മുടി കൊഴിയുമോ, കഫീന് മുടിയില് പുരട്ടിയാല് മുടി വളരുമോ? -
ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം -
തീ തുപ്പും തുപ്പാക്കി പോലെ ഉശിരന്മാർ! റിയൽമി നാർസോ 70x 5ജിയും നാർസോ 70 5ജിയും എത്തി
കേരളപ്പിറവി ദിനത്തില്‍ പോലീസ് രൂപവല്‍ക്കരണ ദിനാഘോഷവും
പത്തനംതിട്ട: കേരളാപോലീസ് രൂപവല്‍ക്കരണദിനം കേരളപ്പിറവിദിനത്തില്‍ ആഘോഷിക്കാന്‍ പോലീസ്. കോവിഡ് പ്രോട്ടോകോള്‍ നിര്‍ദേശങ്ങളെല്ലാം പാലിച്ചാണ് പരിപാടികള്‍ സംഘടിപ്പിക്കുന്നത്. സംസ്ഥാനതല പരേഡ് സംസ്ഥാന പോലീസ് ആസ്ഥാനത്ത് സംഘടിപ്പിക്കും. തുടര്‍ന്ന് പോലീസ് ഉദ്യോഗസ്ഥര്‍ക്കുള്ള മെഡലുകള്‍ വിതരണം ചെയ്യും. രാഷ്ട്രപതിയുടെ പോലീസ് മെഡലുകള്‍ സംസ്ഥാന പോലീസ് മേധാവി വിതരണം ചെയ്യും.
പത്തനംതിട്ട ജില്ലാപോലീസ് മേധാവി കെ.ജി. സൈമണും മെഡല്‍ എറ്റുവാങ്ങും. ഓണ്‍ലൈനില്‍ സന്നിഹിതനാകുന്ന മുഖ്യമന്ത്രി പിണറായി വിജയന്‍ സല്യൂട്ട് സ്വീകരിക്കുകയും, അഭിസംബോധന ചെയ്യുകയും ചെയ്യും. കേന്ദ്ര ആഭ്യന്തര മന്ത്രാലയത്തിന്റെ മെഡലുകളുടെ വിതരണവും തുടര്‍ന്നു നടക്കും. പത്തനംതിട്ട ജില്ലാപോലീസ് മേധാവിയും ജേതാവാണ്. പ്രശംസാപത്രങ്ങളുടെ വിതരണവും പുതിയ വീഡിയോ കോണ്‍ഫറന്‍സ് സംവിധാനത്തിന്റെ ഉദ്ഘാടനവും, മുഖ്യമന്ത്രിയുടെ പോലീസ് മേഡലുകളുടെ വിതരണവും തുടര്‍ന്നുനടക്കും.
പുതിയ പോലീസ് വീഡിയോ കോണ്‍ഫറന്‍സ് സംവിധാനത്തിന്റെ ഉദ്ഘാടന പരിപാടിയുടെ നടത്തിപ്പ് ഹെഡ് ക്വാര്‍ട്ടര്‍ ഐജിപിയെയും, പരേഡ് നടത്തിപ്പ് സായുധ ബറ്റാലിയന്‍ ഡിഐജിയെയും മറ്റുചടങ്ങുകള്‍ അഡ്മിനിസ്‌ട്രേഷന്‍ ഡിഐജി, ഹെഡ് ക്വാര്‍ട്ടര്‍ എസ്പി, ഹെഡ് ക്വാര്‍ട്ടര്‍ എഡിജിപി തുടങ്ങിയവരെയുമാണ് ചുമതലപ്പെടുത്തിയിട്ടുള്ളത്.
പൂര്‍ണമായും കോവിഡ് പ്രോട്ടോകോള്‍ പാലിച്ച് എല്ലാ യൂണിറ്റുകളിലും, പോലീസ് രൂപവല്‍ക്കരണ ദിനാചരണവുമായി ബന്ധപ്പെട്ട ചടങ്ങുകള്‍ നടത്താന്‍ നിര്‍ദേശിച്ചതായി ജില്ലാ പോലീസ് മേധാവി അറിയിച്ചു. വീഡിയോ കോണ്‍ഫറന്‍സിങ്ങിലൂടെ പരിപാടികള്‍ വീക്ഷിക്കാന്‍ എല്ലായൂണിറ്റിലും സൗകര്യമൊരുക്കി. ജില്ലാതലത്തില്‍ പോലീസ് ഉദ്യോഗസ്ഥര്‍ക്കുള്ള മുഖ്യമന്ത്രിയുടെ മെഡലുകള്‍ അതത് ജില്ലാപോലീസ് മേധാവികള്‍ വിതരണം ചെയ്യും. സംസ്ഥാന തല പരിപാടികളിലെ അവസാന ഇനമായി പത്തനംതിട്ട ഉള്‍പ്പെടെ സംസ്ഥാനത്തെ 15 സൈബര്‍ പോലീസ് സ്റ്റേഷനുകളുടെ ഉദ്ഘാടനം ഓണ്‍ലൈനില്‍ മുഖ്യമന്ത്രി നിര്‍വഹിക്കും.
