• search
  • Live TV
പത്തനംതിട്ട വാർത്തകൾക്ക്
നോട്ടിഫിക്കേഷൻ അനുവദിക്കൂ  

ആദിവാസി ഊരുകളില്‍ റേഷന്‍ സാധനങ്ങള്‍ നേരിട്ട് ലഭിക്കുന്നു: പൊതുവിതരണ രംഗത്ത് വിപ്ലവകരമായ മാറ്റം!

  • By Desk

പത്തനംതിട്ട: ആദിവാസി ഊരുകളില്‍ റേഷന്‍ സാധനങ്ങള്‍ നേരിട്ട് എത്തിക്കുന്ന പദ്ധതി ജില്ലയിലെ അട്ടത്തോട് കിഴക്ക്, അട്ടത്തോട് പടിഞ്ഞാറ് എന്നീ സ്ഥലങ്ങളില്‍ തുടങ്ങിയതായി ജില്ലാ സപ്ലൈ ഓഫീസര്‍ എംഎസ് ബീന അറിയിച്ചു. റേഷന്‍ കടകളില്‍ ഇല്ലാത്തതോ റേഷന്‍കടകളിലേക്ക് ദൂരക്കൂടുതലുള്ളതോ ആയ ആദിവാസി ഊരുകളില്‍ റേഷന്‍ കടയില്‍ നിന്നും നേരിട്ട് സാധനങ്ങള്‍ കൊണ്ടുപോയി വിതരണം നടത്തുന്ന പദ്ധതിയാണിത്.

വനംവകുപ്പും ട്രൈബല്‍ വികസനവകുപ്പും പദ്ധതിയുമായി സഹകരിക്കുന്നുണ്ട്. ജില്ലയില്‍ ആറ് താലൂക്കുകളിലായി 40 ആദിവാസി കോളനികളില്‍ ഉള്ളതില്‍ റാന്നി താലൂക്കിലും കോന്നി താലൂക്കിലുമായി ഒന്‍പത് ഊരുകളില്‍ കൂടി ഈ പദ്ധതി നടപ്പാക്കുന്നതിന് നടപടി തുടങ്ങി. റേഷന്‍ സാധനങ്ങള്‍(അരി, ഗോതമ്പ്, മണ്ണെണ്ണ)പട്ടികവര്‍ഗ കോളനികളോട് ഏറ്റവും അടുത്ത് സ്ഥിതി ചെയ്യുന്ന റേഷന്‍ കടകയില്‍ നിന്നും വാഹനത്തില്‍ കയറ്റി കോളനികളില്‍ നേരിട്ട് എത്തിച്ച് കാര്‍ഡുടമകള്‍ക്ക് വിതരണം ചെയ്യുന്നതിനാണ് ലക്ഷ്യമിടുന്നത്. ഇതിനാവശ്യമായ വാഹനസൗകര്യം വനം വികസന ഏജന്‍സി വഴി വനംവകുപ്പ് ലഭ്യമാക്കും. ഇ-പോസ് മെഷിന്‍ വഴിയാവും വിതരണം നടത്തുക.

റാന്നി താലൂക്കിലെ പെരുനാട് ഗ്രാമപഞ്ചായത്തിലെ റാന്നി ഫോറസ്റ്റ് ഡിവിഷനിലെ അട്ടത്തോട് ട്രൈബല്‍ കോളനിയില്‍ 2018 ആഗസ്റ്റ് 14ന് ഭക്ഷ്യ,പൊതുവിതരണ വകുപ്പുമന്ത്രി പി.തിലോത്തമന്‍ പദ്ധതിയുടെ ജില്ലാതല ഉദ്ഘാടനം നിര്‍വഹിച്ചിരുന്നു. കേരള സമൂഹത്തില്‍ നിന്നും പൂര്‍ണമായും വിശപ്പില്ലാതാക്കുകയെന്ന ആത്യന്തികലക്ഷ്യത്തോടെ വിശക്കുന്നവര്‍ക്ക് ഒരു നേരത്തെ പാകം ചെയ്ത ആഹാരം നല്‍കുന്നതിനായി സിവില്‍ സപ്ലൈസ് വകുപ്പ് ജില്ലാ ഭരണകൂടം വഴി നടപ്പാക്കാനുദ്ദേശിക്കുന്ന പദ്ധതിയാണ് വിശപ്പുരഹിത കേരളം അഥവാ സുഭിക്ഷാ പദ്ധതി. പ്രോജക്ട് പ്രപ്പോസല്‍ തയാറാക്കുന്നതിനും കമ്മിറ്റി രൂപീകരണത്തിനും മുന്നോടിയായി സന്നദ്ധ സംഘനടകളുടേയും പഞ്ചായത്ത് ഡെപ്യൂട്ടി ഡയറക്ടര്‍/മുനിസിപ്പല്‍/ബന്ധപ്പെട്ട ഉദ്യോഗസ്ഥരുടേയും യോഗം ചേര്‍ന്നിരുന്നു. ഭക്ഷണം തയാറാക്കുന്നതിനും അര്‍ഹരായവര്‍ക്ക് വിതരണം ചെയ്യുന്നതിനും തയാറുള്ളവരെ കണ്ടെത്തി പ്രോജക്ട് പ്രപ്പോസല്‍ തയാറാക്കുന്ന നടപടി നടന്നുവരുന്നു. ജില്ലാ ലീഗല്‍ സര്‍വീസ് അതോറിറ്റി പദ്ധതിയില്‍ മുന്‍കൈയ്യെടുക്കുന്നുണ്ട്. കളക്ട്രേറ്റില്‍ ഒരു യോഗം കൂടി ചേര്‍ന്ന ശേഷം വിശദമായ പ്രോജക്ട് പ്രപ്പോസല്‍ തയാറാക്കി സര്‍ക്കാരിലേക്ക് സമര്‍പ്പിക്കും.

ദേശീയ ഭക്ഷ്യഭദ്രതാ നിയമത്തിന്റെ നടത്തിപ്പിനോടനുബന്ധിച്ച് റേഷന്‍ കടകള്‍ക്ക് ആകര്‍ഷകമായ മുഖച്ഛായ നല്‍കുന്നതിനായി ഏകീകൃതമാതൃക തയാറാക്കി ഇത് നടപ്പാക്കുന്നതിന് സാമ്പത്തിക സഹായമായി ഒരു റേഷന്‍കടയ്ക്ക് 2500 രൂപ വീതം സര്‍ക്കാര്‍ അനുവദിച്ചു. ജില്ലയിലെ 807 റേഷന്‍കടകള്‍ക്ക് ആകെ 20,17,500 രൂപ നല്‍കി. ഇതിന്റെ സംസ്ഥാനതല ഉദ്ഘാടനം ഫെബ്രുവരി 20 ന് നടക്കും.

English summary
ration distribution for tribals in pathanamthitta
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more