ശബരിമല തീര്ത്ഥാടനം: 'ആത്മാര്ഥമായി സേവനമനുഷ്ഠിക്കാന് ഒരു നിത്യപ്രചോദനം'; കളക്ടറുടെ കുറിപ്പ് വൈറല്
തത്വമസിയില് അധിഷ്ഠിതമായ തീര്ത്ഥയാത്രക്കായി ഏകദേശം അമ്പതു ലക്ഷം ഭക്തര് ശബരിമലയിലേക്ക് ഒഴുകിയെത്തുന്നതിനു നാം സാക്ഷ്യം വഹിച്ചിരുന്നല്ലോ.
പത്തനംതിട്ട: ഇക്കൊല്ലത്തെ ശബരിമല തീര്ത്ഥാടനം ആസൂത്രണം ചെയ്യാന് സാധിച്ചത് ആയിരക്കണക്കിന് ജീവനക്കാരുടെ സമര്പ്പിതമായ പ്രവര്ത്തനങ്ങള് കൊണ്ടാണെന്ന് പത്തനംതിട്ട ജില്ലാ കളക്ടര് ദിവ്യ എസ് അയ്യര്. അറുപത്തിയേഴ് ദിനങ്ങള് രാവും പകലുമെന്നില്ലാതെ ആത്മാര്ത്ഥമായി അദ്ധ്വാനിച്ച എല്ലാ ജീവനക്കാരെയും അനുമോദിച്ചുകൊണ്ടു ദേവസ്വം വകുപ്പ് മന്ത്രി ഇന്ന് പമ്പയില് എത്തി വിവിധ വകുപ്പ് പ്രതിനിധികള്ക്ക് പുരസ്കാരം നല്കി സന്തോഷം പങ്കിട്ടെന്നും കളക്ടര് അറിയിച്ചു.
ഈ മധുരിതമായ നിമിഷങ്ങള് ഒരു അംഗീകാരമായല്ല, തുടര്ന്നും ആത്മാര്ഥമായി സേവനമനുഷ്ഠിക്കാന് ഒരു നിത്യപ്രചോദനം ആയിട്ടാണ് ഞങ്ങള് ഓരോരുത്തരം കാണുന്നതെന്നും കളക്ടര് ഫേസ്ബുക്കില് പങ്കുവച്ച കുറിപ്പില് പറഞ്ഞു. കളക്ടറുടെ വാക്കുകളിലേക്ക്..
ഞാനാണല്ലോ നീ, നീയാണല്ലോ ഞാന്
നാമാണല്ലോ നന്മ നിറഞ്ഞ പരിപൂര്ണ്ണത
പുരുഷസൂക്തം: കടമ്മനിട്ട രാമകൃഷ്ണന്
തത്വമസിയില് അധിഷ്ഠിതമായ തീര്ത്ഥയാത്രക്കായി ഏകദേശം അമ്പതു ലക്ഷം ഭക്തര് ശബരിമലയിലേക്ക് ഒഴുകിയെത്തുന്നതിനു നാം സാക്ഷ്യം വഹിച്ചിരുന്നല്ലോ. നന്മ നിറഞ്ഞ പരിപൂര്ണ്ണതയുടെ നിറവില് ശബരിമല തീര്ത്ഥാടനകാലം ആസൂത്രണം ചെയ്യാന് സാധിച്ചത് അന്പതോളം വകുപ്പുകളിലെ ആയിരക്കണക്കിന് ജീവനക്കാരുടെ സമര്പ്പിതമായ പ്രവര്ത്തനങ്ങള് കാരണമാണ്. അറുപത്തിയേഴ് ദിനങ്ങള് രാവും പകലുമെന്നില്ലാതെ ആത്മാര്ത്ഥമായി അദ്ധ്വാനിച്ച എല്ലാ ജീവനക്കാരെയും അനുമോദിച്ചുകൊണ്ടു നമ്മുടെ ആദരണീയനായ ദേവസ്വം വകുപ്പ് മന്ത്രി ഇന്ന് പമ്പയില് എത്തി വിവിധ വകുപ്പ് പ്രതിനിധികള്ക്ക് പുരസ്കാരം നല്കി സന്തോഷം പങ്കിട്ടു. ഈ മധുരിതമായ നിമിഷങ്ങള് ഒരു അംഗീകാരമായല്ല, തുടര്ന്നും ആത്മാര്ഥമായി സേവനമനുഷ്ഠിക്കാന് ഒരു നിത്യപ്രചോദനം ആയിട്ടാണ് ഞങ്ങള് ഓരോരുത്തരം കാണുന്നത്.
അതേസമയം, ശബരിമല മണ്ഡല മകരവിളക്ക് തീര്ഥാടനത്തിന്റെ വിജയത്തില് നിര്ണായക പങ്കുവഹിച്ച വകുപ്പുകളെ സംസ്ഥാന സര്ക്കാരിനു വേണ്ടി ദേവസ്വം വകുപ്പ് മന്ത്രി കെ. രാധാകൃഷ്ണന് കഴിഞ്ഞ ദിവസം ഫലകം നല്കി ആദരിച്ചിരുന്നു. പമ്പ ശ്രീരാമസാകേതം ഓഡിറ്റോറിയത്തില് നടന്ന ചടങ്ങില് ജില്ലാ ഭരണകൂടത്തിനുവേണ്ടി പത്തനംതിട്ട ജില്ലാ കളക്ടര് ഡോ. ദിവ്യ എസ് അയ്യര് ആദ്യ ആദരവ് ഏറ്റുവാങ്ങി. ഇന്ഫര്മേഷന് പബ്ലിക് റിലേഷന്സ് വകുപ്പിനു വേണ്ടി കോട്ടയം മേഖലാ ഡെപ്യുട്ടി ഡയറക്ടര് കെ.ആര്. പ്രമോദ് കുമാര് ആദരവ് ഏറ്റുവാങ്ങി.
ജില്ലാ ഭരണകൂടം കോട്ടയം, ജില്ലാഭരണകൂടം ഇടുക്കി, ജില്ലാ ഭരണകൂടം ആലപ്പുഴ, പോലീസ്, ഫോറസ്റ്റ്, ഫയര്ഫോഴ്സ്, കെഎസ്ആര്ടിസി, കെഎസ്ഇബി, കേരള വാട്ടര് അതോറിറ്റി, എക്സൈസ്, ഡയറക്ടറേറ്റ് ഓഫ് ഹെല്ത്ത് സര്വീസസ്, ഡയറക്ടറേറ്റ് ഓഫ് മെഡിക്കല് എഡ്യുക്കേഷന്(മെഡിക്കല് കോളജസ്), ഇന്ത്യന് സിസ്റ്റംസ് ഓഫ് മെഡിസിന്, ഹോമിയോപ്പതിക് മെഡിസിന്, ഇന്ത്യന് റെയില്വേസ്, ബിഎസ്എന്എല്, പൊതുമരാമത്ത് നിരത്തു വിഭാഗം, പൊതുമരാമത്ത് കെട്ടിട വിഭാഗം, പൊതുമരാമത്ത് എന്എച്ച് വിഭാഗം, പൊതുമരാമത്ത് ഇലക്ട്രിക്കല്, പൊതുമരാമത്ത് ഇലക്ട്രോണിക്സ്, മോട്ടോര് വാഹന വകുപ്പ്, റവന്യു വകുപ്പ്, ദുരന്തനിവാരണ വകുപ്പ്, ഐആന്ഡിപിആര്ഡി, ഭക്ഷ്യസുരക്ഷാ വകുപ്പ്, ഭക്ഷ്യപൊതുവിതരണ വകുപ്പ്, മൃഗസംരക്ഷണ വകുപ്പ്, ഭൂജലവകുപ്പ്, ലീഗല് മെട്രോളജി, ഇലക്ട്രിക്കല് ഇന്സ്പെക്ടറേറ്റ്, തദ്ദേശസ്വയംഭരണ വകുപ്പ്, മേജര് ഇറിഗേഷന് വകുപ്പ്, ടൂറിസം വകുപ്പ്, കെഎസ്ടിപി, മലിനീകരണ നിയന്ത്രണ ബോര്ഡ്, ശുചിത്വ മിഷന്, കുടുംബശ്രീ മിഷന്, അയ്യപ്പസേവാസംഘം, ശബരിമല സാനിറ്റേഷന് സൊസൈറ്റി, റാന്നി പെരുനാട് ഗ്രാമപഞ്ചായത്ത് എന്നിവയുടെ പ്രതിനിധികള് ദേവസ്വം വകുപ്പ് മന്ത്രിയില് നിന്നും ആദരവ് ഏറ്റുവാങ്ങി.
Click it and Unblock the Notifications
Sign in with Google