മോദിയോട് ബഹുമാനമെന്ന് പിജെ കുര്യന്: പക്ഷെ ഞാന് ബിജെപിയില് പോകില്ല, ഇന്ത്യാ മുന്നണി വിജയിക്കണം
പത്തനംതിട്ട: ലോക്സഭ തിരഞ്ഞെടുപ്പില് ഇത്തവണയും കോണ്ഗ്രസിന് മികച്ച വിജയ സാധ്യതയാണ് സംസ്ഥാനത്തുള്ളതെന്ന് മുതിർന്ന് പാർട്ടി നേതാവ് പി ജെ കുര്യന്. കഴിഞ്ഞ തവണ 19 സീറ്റിലാണ് യു ഡി എഫ് ജയിച്ചതെങ്കില് ഇത്തവണ ഇരുപതില് ഇരുപത് സീറ്റും യു ഡി എഫ് നേടും. ദേശീയ തലത്തില് ഇന്ത്യാ മുന്നണി അധികാരത്തില് എത്തുമെന്നാണ് എന്റെ പ്രതീക്ഷ. അത് രാജ്യത്തിന്റെ ആവശ്യമാണെന്നും പി ജെ കുര്യന് പറയുന്നു.
വ്യക്തിപരമായി മോദിയോട് യാതൊരു അഭിപ്രായ വ്യത്യാസവുമില്ല. അദ്ദേഹത്തോട് ബഹുമാനമുണ്ട്. എന്നാല് അദ്ദേഹം എടുക്കുന്ന നടപടികള് ജനാധിപത്യത്തിന് വിരുദ്ധമാണ്. ഞാന് ബി ജെ പിയിലേക്ക് പോയെന്ന് പറഞ്ഞ് സമൂഹ മാധ്യമങ്ങളില് വലിയ തോതില് പ്രചരണമുണ്ടായിരുന്നു. എന്നാല് ഞാന് പോകില്ലെന്ന കാര്യം എനിക്ക് ഉറപ്പാണെന്നും മീഡിയ വണ് ചാനലിനോടായി പിജെ കൂര്യന് പറഞ്ഞു.
അടുത്തിടെയാണ് പി ജെ കുര്യന് ബി ജെ പിയിലേക്കെന്ന പ്രചരണം വീണ്ടും ശക്തമായത്. 'തന്നെ സംഘി ആക്കാൻ ഇറങ്ങുന്നവർക്ക് മറുപടി നൽകാൻ മലയാള ഭാഷയിൽ ചില വാക്കുകൾ ഉണ്ടെന്നും അത് തത്കാലം പറയുന്നില്ലെന്നുമാണ്' എന്നായിരുന്നു കഴിഞ്ഞയാഴ്ച കോണ്ഗ്രസ് നേതാവ് പറഞ്ഞത്.
2019 ലെ ലോക്സഭ തിരഞ്ഞെടുപ്പ് സമയത്ത് തന്നെ പി ജെ കുര്യന് ബി ജെ പിയിലേക്ക് പോകുമെന്ന തരത്തില് പ്രചരണമുണ്ടായിരുന്നു. കുര്യനെ പാർട്ടിയിലെത്തിച്ച് പത്തനംതിട്ടയില് സ്ഥാനാർത്ഥിയാക്കാനായിരുന്നു ബി ജെ പിയുടെ നീക്കം. എന്നാല് കോണ്ഗ്രസ് വിടാന് പി ജെ കുര്യന് തയ്യാറായില്ല. ബി ജെ പിയില് നിന്നും ക്ഷണം ലഭിച്ചതായി പി ജെ കുര്യന് തന്നെ പിന്നീട് തുറന്ന് പറഞ്ഞു.
പ്രധാനമന്ത്രി നരേന്ദ്ര മോദിയുമായി നല്ല ബന്ധമാണെന്നും തനിക്ക് ബി ജെ പി ഉപരാഷ്ട്രപതി സ്ഥാനം വാഗ്ദാനം ചെയ്തിരുന്നുവെന്നുമായിരുന്നു അദ്ദേഹത്തിന്റെ വെളിപ്പെടുത്തല്. ഇത്ര വലിയൊരു പദവി മുമ്പ് തന്നെ കിട്ടുമായിരുന്നിട്ടും താന് പോകാന് തയ്യാറായില്ല. പിന്നെ അത്തരമൊരു ഒരു ചിന്ത ഇനിയുണ്ടാകാന് പോകുന്നില്ലെന്നും കുര്യന് അന്ന് തന്നെ പറഞ്ഞിരുന്നു.
'രാജ്യസഭാ ഉപാധ്യക്ഷന് ആയിരിക്കെയാണ് കേന്ദ്ര മന്ത്രി മുക്താര് അബ്ബാസ് നഖ്വി തന്നെ കാണാനെത്തിയത്. അദ്ദേഹവുമായി രണ്ട് വട്ടം ചര്ച്ച നടത്തി. ഉപരാഷ്ട്രപതിയുടെ പദവിയിലേക്ക് തന്നെ പരിഗണിച്ചതില് പ്രധാനമന്ത്രിയെ കണ്ട് നന്ദി അറിയിക്കുകയും ചെയ്തു. താന് പദവി വേണ്ടി പാര്ട്ടി മാറുന്നയാളല്ല' എന്നായിരുന്നു പിജെ കുര്യന് അന്ന് പറഞ്ഞത്.
-
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
സ്വര്ണം തിരിച്ചുകയറി; എണ്ണ വീണു, ട്രംപിന്റെ ഒറ്റ പ്രഖ്യാപനത്തോടെ വിപണിയില് ട്വിസ്റ്റ്, ചര്ച്ചയില് പ്രതീക്ഷ -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
ശുക്രൻ തെളിയും വൈകാതെ; ഈ രാശിക്കാർ പുതിയ കാറും വീടും വാങ്ങും, സ്വത്ത് തർക്കങ്ങൾ പരിഹരിക്കും! -
പൊന്നും പണവും കൈയിലേക്ക്...; ഈ രാശിക്കാര്ക്കിനി രാജയോഗത്തിന് സമാനമായ നേട്ടം -
ഏപ്രില് 1 മുതല് ശമ്പള ഘടന മാറും..! കൈയില് കിട്ടുന്ന ശമ്പളം കുറയുമോ? അറിയേണ്ടതെല്ലാം -
ഹണി റോസിനെ വിട്ട് മൊണാലിസയെ എത്തിച്ച ബോച്ചെയുടെ തന്ത്രം ജയിച്ചു; എന്നാല് സര്ക്കാര് പെടുമോ? -
കേരളത്തിലെ ഈ ജില്ലയ്ക്ക് പറയാനുള്ളത് 'നാണക്കേടിന്റെ' തിരഞ്ഞെടുപ്പ് ചരിത്രം; ഇത്തവണ മാറുമോ -
അഖില് ഇന്ന് പറയുന്നത് നാളെ മാറ്റിപ്പറയും.. മറുപടി രണ്ട് വര്ഷം കഴിഞ്ഞ് തരാം; പരിഹസിച്ച് പിഷാരടി -
ജയിച്ച ആദ്യ സിനിമാക്കാരൻ എംഎൽഎ ആയില്ല- നിയമസഭയിലെ സിനിമാ വിശേഷങ്ങൾ
Click it and Unblock the Notifications
Sign in with Google