പത്തനംതിട്ട ജില്ലയില് രണ്ടു ദുരിതാശ്വാസ ക്യാമ്പുകൾ തുറന്നു; യെല്ലോ അലര്ട്ട് 23 വരെ തുടരും, രണ്ട് ക്യാമ്പുകളിൽ 67 പേരടങ്ങുന്ന 18 കുടുംബങ്ങൾ!
തിരുവല്ല: ജില്ലയില് രണ്ടു ദുരിതാശ്വാസ ക്യാമ്പ് തുറന്നു. തിരുവല്ല താലൂക്കിലെ തിരുമൂലപുരം സെന്റ് തോമസ് എച്ച്എസ്എസിലും, മല്ലപ്പള്ളി താലൂക്കിലെ വെണ്ണിക്കുളം സെന്റ് ബെഹനാന്സ് എല്.പി സ്കൂളിലുമാണ് ദുരിതാശ്വാസ ക്യാമ്പുകള് പ്രവര്ത്തിക്കുന്നത്. രണ്ടു ക്യാമ്പുകളിലായി 67 പേര് അടങ്ങുന്ന 18 കുടുംബങ്ങളെയാണ് സുരക്ഷിതമായി പാര്പ്പിച്ചിട്ടുള്ളത്.
തിരുവല്ല കുറ്റപ്പുഴ വില്ലേജിലെ തിരുമൂലപുരം ഞവനാക്കുഴി കോളനിയിലെ വീടുകളില് വെള്ളം കയറിയതിനെ തുടര്ന്ന് കോളനി നിവാസികളെ തിരുമൂലപുരം സെന്റ് തോമസ് എച്ച്എസ്എസിലെ ക്യാമ്പിലേക്കു മാറ്റി. ദുരിതാശ്വാസ ക്യാമ്പ് പ്രവര്ത്തിക്കുന്ന തിരുമൂലപുരം സെന്റ് തോമസ് എച്ച്എസ്എസ് സ്കൂളിന് ഇന്ന് ജില്ലാ കളക്ടര് അവധി പ്രഖ്യാപിച്ചു. ദുരിതാശ്വാസ ക്യാമ്പുകളിലെ സ്ഥിതി ജില്ലാ കളക്ടര് പി.ബി നൂഹ് വിലയിരുത്തി. തിരുവല്ല തിരുമൂലപുരം സെന്റ് തോമസ് എച്ച്എസ്എസിലെ ദുരിതാശ്വാസ ക്യാമ്പ് ജില്ലാ കളക്ടര് സന്ദര്ശിച്ചു.
തിരുവല്ല നഗരസഭ ചെയര്മാന് ചെറിയാന് പോളച്ചിറയ്ക്കല്, നഗരസഭ സ്ഥിരം സമിതി അധ്യക്ഷന് ബിജു ലങ്കാഗിരി, റവന്യു വകുപ്പ് ഉദ്യോഗസ്ഥര് തുടങ്ങിയവര് കളക്ടര്ക്കൊപ്പമുണ്ടായിരുന്നു. തീവ്രത നേരിയ തോതില് കുറഞ്ഞെങ്കിലും ജിലയില് മഴ തുടരുന്നു. മഞ്ഞ അലര്ട്ട് 23 വരെ തുടരും. മഴയില് അടൂര് താലൂക്കിലെ കടമ്പനാട് വില്ലേജില് മൂന്നു വീടുകള്ക്കും പള്ളിക്കല് വില്ലേജിലെ ഒരു വീടിനും കോഴഞ്ചേരി താലൂക്കില് മതില് തകര്ന്ന് രണ്ടു വീടിനും റാന്നി പെരുനാട് വില്ലേജില് ഒരു വീടിനും ഭാഗിക നാശനഷ്ടം ഉണ്ടായി.
പമ്പ നദിയിലും കക്കാട്ട് ആറ്റിലും ജലനിരപ്പ് ഉയരാന് സാധ്യതയുള്ളതിനാല് ഇരുകരയിലും താമസിക്കുന്നവര് ജാഗ്രത പാലിക്കണമെന്ന് ജില്ലാ കളക്ടര് അറിയിച്ചു. പുഴകളിലും തോടുകളിലും ജല നിരപ്പ് ഉയരാന് സാധ്യതയുള്ളതിനാല് തോടുകളും പുഴയും മുറിച്ചു കടക്കുന്നത് ഒഴിവാക്കണം. കുട്ടികളെ വെള്ളക്കെട്ടില് ഇറങ്ങാന് അനുവദിക്കരുത്. നിലവിലെ പ്രത്യേക സാഹചര്യം കണക്കിലെടുത്ത് ജില്ലാ കണ്ട്രോള് റൂമിലും താലൂക്ക് കണ്ട്രോള് റൂമുകളിലും അധികമായി ഉദ്യോഗസ്ഥരെ കളക്ടര് നിയോഗിച്ചു.
എല്ലാ തഹസില്ദാര്മാര്ക്കും സുരക്ഷാ ക്രമീകരണങ്ങള് ഉറപ്പാക്കാന് കളക്ടര് നിര്ദേശം നല്കി. കളക്ടറേറ്റിലും ജില്ലയിലെ എല്ലാ താലൂക്ക് ഓഫീസുകളിലും 24 മണിക്കൂറും കണ്ട്രോള് റൂമുകള് പ്രവര്ത്തിക്കും. ഫോണ്: കളക്ട്രേറ്റ്- 0468 2322515/ 0468 2222515/ 8078808915, താലൂക്ക്ഓഫീസ്- തിരുവല്ല 0469 2601303, കോഴഞ്ചേരി- 04682222221, മല്ലപ്പളളി- 0469 2682293, അടൂര്- 04734 224826, റാന്നി- 04735 227442, കോന്നി- 0468 2240087.
-
ചുട്ടുപൊള്ളി കേരളം.. 12 ജില്ലകളില് യെല്ലോ അലര്ട്ട്, താപനില 40 ഡിഗ്രി സെല്ഷ്യസിലേക്ക്! -
ഇനി ഒരു മാസത്തേക്ക് തിരിഞ്ഞുനോക്കേണ്ട.. വിഷു വരെ ഈ രാശിക്കാര്ക്ക് നല്ലകാലം -
സ്വർണ നിക്ഷേപത്തിൽ ചൈനയ്ക്ക് വൻ ജാക്ക്പോട്ട്; കണ്ടെത്തിയത് 1100 ടണ് സ്വർണം,ഇനി ചൈനയെ പിടിച്ചാൽ കിട്ടില്ല -
സ്വർണ വിലയിൽ വൻ ഇടിവ്; പവന് കുറഞ്ഞത് 10,040 രൂപ..1 ലക്ഷത്തിന് താഴേക്ക് തന്നെ? -
സുനിച്ചനുമായി വേർപിരിഞ്ഞ് കഴിയുന്നതിനെ കുറിച്ച് തുറന്ന് പറഞ്ഞ് മഞ്ജു പത്രോസ്;'ഒരു രീതിയിലും ബന്ധമില്ല' -
ഉല്ലാസ് പന്തളത്തിന് 10,000 രൂപ നൽകി സഹായിച്ചു, പക്ഷെ വിളിച്ച് പറയുന്ന ആളല്ല ഞാനെന്ന് അഖിൽ മാരാർ; വൻ ട്രോൾ -
പൊതുഅവധി; വിദ്യാഭ്യാസ സ്ഥാപനങ്ങൾക്കും സർക്കാർ-സ്വകാര്യ സ്ഥാപനങ്ങൾക്കും അവധി ബാധകം -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
യുഎഇയിൽ ശക്തമായ മഴ വരുന്നു; പ്രവാസികൾ ജാഗ്രത പാലിക്കുക, സുരക്ഷാ നിർദ്ദേശങ്ങൾ ഇങ്ങനെ -
'മത്സരിക്കാന് രാഹുല് അനുവദിച്ചു.. എന്നിട്ടും അത് മുടക്കി, ആളെ എനിക്കറിയാം'; തുറന്നടിച്ച് സുധാകരന് -
'ശോഭാ സുരേന്ദ്രൻ എടിഎം പൊളിച്ച് പണമുണ്ടാക്കിയതല്ല, മകന് കോടികൾ ശമ്പളം കിട്ടുന്ന ജോലി പാടില്ലേ' -
ശമ്പളം വെട്ടിക്കുറച്ചു; ഉന്നത ഉദ്യോഗസ്ഥര്ക്കും പോലീസുകാര്ക്കും കടുംവെട്ട്, കടുത്ത പ്രതിസന്ധിയില് ഹിമാചല്
Click it and Unblock the Notifications
Sign in with Google