• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

വിദ്യാര്‍ത്ഥികളുടെ നൂതന ആശയങ്ങളുമായി 'പോളി ഹാക്ക്'; രാജ്യത്തിന് മാതൃകയെന്ന് ഡോ മോഹിത് ഗംഭീർ

  • By Desk

തൃശൂര്‍: പോളിടെക്‌നിക് മേഖലയില്‍ ആദ്യമായി നടന്ന ഹാക്കത്തോണ്‍- പോളി ഹാക്ക് 2020- രാജ്യത്തിന് തന്നെ മാതൃകയാണെന്ന് ഡോ മോഹിത് ഗംഭീര്‍. ദേശീയ ഇന്നൊവേഷന്‍ കൗണ്‍സില്‍ ഡയറക്ടറാണ് ഡോ മോഹിത് ഗംഭീര്‍. പോളിഹാക്ക് 2020 മത്സര വിജയികളെ അനുമോദിച്ച് സംസാരിക്കുകയായിരുന്നു അദ്ദേഹം.

സോഷ്യല്‍ റിസര്‍ച്ച് സൊസൈറ്റിയുടെ നേതൃത്വത്തില്‍ സാങ്കേതിക വിദ്യാഭ്യാസ വകുപ്പിന്റെ കീഴിലുള്ള കേരളത്തിലെ പോളിടെക്‌നിക് കോളേജുകളിലെ അവസാന സെമസ്റ്റര്‍ വിദ്യാര്‍ത്ഥികള്‍ക്കായി സര്‍ക്കാരിന്റെ വിവിധ ഏജന്‍സികള്‍ ചേര്‍ന്ന് തൃശൂര്‍ എറണാകുളത്തപ്പന്‍ കോളേജ് ഓഫ് എന്‍ജിനീയറിങ് ആന്‍ഡ് മാനേജ്‌മെന്റില്‍ ആണ് പോളി ഹാക്ക് 2020 എന്നപേരില്‍ രണ്ട് ദിവസമായി ഹാക്കത്തോണ്‍ സംഘടിപ്പിച്ചത്. ചടങ്ങില്‍ കോളേജ് ചെയര്‍മാന്‍ സോജന്‍ വി അവിറാച്ചന്‍ അധ്യക്ഷത വഹിച്ചു. കേരള ഗവണ്‍മെന്റ് സി-ആപ്റ്റ് മാനേജിങ് ഡയറക്ടര്‍ പ്രൊഫ. ഡോ എം അബ്ദുള്‍ റഹ്മാന്‍ സമാപന സന്ദേശം നല്‍കി. സാഗി സംസ്ഥാന നോഡല്‍ ഓഫീസര്‍ ഡോ അബ്ദുള്‍ ജബ്ബാര്‍ അഹമ്മദ് ഹാക്കത്തോണ്‍ പരിപാടിയെ വിലയിരുത്തി സംസാരിക്കുകയും സമ്മാനങ്ങള്‍ പ്രഖ്യാപിക്കുകയും ചെയ്തു. കോളേജ് പ്രിന്‍സിപ്പാള്‍ ഡോ നിര്‍മല്‍ രാജയും ചടങ്ങില്‍ സംബന്ധിച്ചു. സോഷ്യല്‍ റിസര്‍ച്ച് സൊസൈറ്റ് ചെയര്‍മാന്‍ ഡോ നിസാം റഹ്മാന്‍ സ്വാഗതവും പോളി ഹാക്ക് ഓര്‍ഗനൈസിങ് സെക്രട്ടറി രവി മോഹന്‍ നന്ദിയും പറഞ്ഞു.

കേരളത്തിലെ വിവിധ പോളിടെക്‌നിക് കോളേജുകളില്‍ നിന്നായി ആയിരത്തി അഞ്ഞൂറോളം ടീമുകളാണ് ആശയങ്ങള്‍ സമര്‍പ്പിച്ചത്. ഇതില്‍ നിന്ന് 100 ടീമുകളെ ആയിരുന്നു അഞ്ച് വിഭാഗങ്ങളിലായി വിദഗ്ധ ജൂറി ഹാക്കത്തോണ്‍ മത്സരങ്ങള്‍ക്കായി തിരഞ്ഞെടുത്തത്.

പോളിടെക്‌നിക് വിദ്യാര്‍ത്ഥികളുടെ നൂതനവും സാങ്കേതികും ആശയങ്ങളും അവതരണങ്ങളും ഹാക്കത്താേണില്‍ ശ്രദ്ധ നേടി. ഭിന്നശേഷിക്കാരെ സഹായിക്കാന്‍ ഉതകുന്ന ചെലവ് കുറഞ്ഞ നൂതന ഉപകരണങ്ങള്‍, ചലനശേഷി ഇല്ലാത്തവര്‍ക്ക് ശബ്ദം കൊണ്ട് ഇലക്ട്രിക്കല്‍ ഉപകരണങ്ങള്‍ നിയന്ത്രിക്കാനുള്ള സംവിധാനം, കുറഞ്ഞ ചെലവില്‍ വീട് നിര്‍മിക്കുന്നതിനുള്ള സാങ്കേതിക വിദ്യ, മാലിന്യങ്ങള്‍ റെക്‌സിനുമായി കലര്‍ത്തിയുള്ള ബണ്ട് നിര്‍മാണം, വെള്ളപ്പൊക്കത്തില്‍ നിന്ന് ധാന്യങ്ങള്‍ സംരക്ഷിക്കാനുള്ള ചെലവ് കുറഞ്ഞ സംവിധാനം, സ്ത്രീ സംരക്ഷണത്തിനുള്ള ഇലക്ട്രോണിക് സംവിധാനം, ദൈനംദിന ജീവിത വും സാധാരണ ജനങ്ങളുമായി ബന്ധപ്പെട്ട വിവിധ മൊബൈല്‍ ആപ്ലിക്കേഷനുകള്‍ തുടങ്ങി ഒട്ടേറെ വ്യത്യസ്ത ഉത്പന്നങ്ങളാണ് വിദ്യാര്‍ത്ഥികള്‍ സൃഷ്ടിച്ചത്.

പോളിഹാക്ക് 2020 വിജയികള്‍

ക്ലസ്റ്റര്‍ 1 :

1. ഗവണ്‍മെന്റ് വുമണ്‍സ് പോളിടെക്‌നിക് കോളേജ്, തൃശൂര്‍

2. വുമണ്‍സ് പോളിടെക്‌നിക് കോളേജ്, എറണാകുളം

3. ഗവണ്‍മെന്റ് പോളിടെക്‌നിക് കോളേജ്, കോട്ടയം.

ക്ലസ്റ്റര്‍ 2 :

1. എസ് സിഎംഎസ് കോളേജ് ഓഫ് പോളിടെക്‌നിക്ക്‌സ്, പെരുമ്പാവൂര്‍

2. ഗവണ്‍മെന്റ് പോളിടെക്‌നിക് കോളേജ്, പുനലൂര്‍

3. മലബാര്‍ പോളിടെക്‌നിക് കോളേജ്, ചെര്‍പ്പുളശ്ശേരി

ക്ലസ്റ്റര്‍ 3 :

1. ഗവണ്‍മെന്റ് പോളിടെക്‌നിക് കോളേജ്, പാലക്കാട

2. ഗവണ്‍മെന്റ് പോളിടെക്‌നിക് കോളേജ്, പാലക്കാട്

3. ഗവണ്‍മെന്റ് പോളിടെക്‌നിക് കോളേജ്, പാലക്കാട്

ക്ലസ്റ്റര്‍ 4 :

1. എച്ച്എച്ച്എം ജെഡിടി ഇസ്ലാം പോളിടെക്‌നിക് കോളേജ്, കോഴിക്കോട്

2. എസ്എസ്എം പോളിടെക്‌നിക് കോളേജ്, തിരൂര്‍

3. ഗവണ്‍മെന്റ് പോളിടെക്‌നിക് കോളേജ്, മേപ്പടി

ക്ലസ്റ്റര്‍ 5 :

1. ഗവണ്‍മെന്റ് പോളിടെക്‌നിക് കോളേജ്, പെരുമ്പാവൂര്‍

2. ഗവണ്‍മെന്റ് വുമണ്‍സ് പോളിടെക്‌നിക് കോളേജ്, കൈമനം, തിരുവനന്തപുരം

3. എകെഎന്‍എം ഗവണ്‍മെന്റ് പോളിടെക്‌നിക് കോളേജ്, തിരൂരങ്ങാടി, ചേളാരി.

English summary
Poly Hack 2020- Two Day Hackathon for Polytechnic Colleges in Kerala, conducted at Thrissur, Sree Ernakulathappan College of Engineering & Management
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X