കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

നിരക്ക് വര്‍ധനയ്ക്കിടെ പുതിയ ഓള്‍ ഇന്‍ വണ്‍ പ്ലാന്‍ പുറത്തിറക്കി റിലയന്‍സ് ജിയോ

Google Oneindia Malayalam News

ദില്ലി: ടെലികോം മേഖലയിലെ ഉയര്‍ന്ന താരിഫ് നിരക്കുകള്‍ക്കിടെ പുതിയ ഓള്‍-ഇന്‍-വണ്‍ പ്ലാനുകള്‍ പ്രഖ്യാപിച്ച് പ്രമുഖ മൊബൈല്‍ സേവന ദാതാക്കളായ റിലയന്‍സ് ജിയോ. 199 രൂപയാണ് ഏറ്റവും ചിലവ് കുറഞ്ഞ പ്ലാനിന് ജിയോ ഈടാക്കുന്നത്. അതേസമയം ഏറ്റവും വിലയേറിയ പ്ലാനിന് 2,199 രൂപ ചിലവ് വരും. പുതുക്കിയ പ്ലാനുകള്‍ 2019 ഡിസംബര്‍ 6 മുതല്‍ പ്രാബല്യത്തില്‍ വരും.

jio-15755432

അതായത് 28 ദിവസം കാലാവധിയുള്ള പ്ലാനുകള്‍ മുതല്‍ 365 ദിവസം കാലാവധിയുള്ള പ്ലാനുകള്‍ വരെ ജിയോ നല്‍കുന്നു. പഴയ പ്ലാനുകളുമായി താരതമ്യം ചെയ്യുമ്പോള്‍ പുതിയ പ്ലാനുകള്‍ക്കായി 40 ശതമാനം അധിക തുക നല്‍കേണ്ടി വരുമെങ്കിലും 300 ശതമാനം കൂടുതല്‍ ആനുകൂല്യങ്ങള്‍ നല്‍കുമെന്നാണ് കമ്പനി വാഗ്ദാനം.

199 രൂപയുടെ പ്ലാനിന് പ്രതിദിനം 1.5 ജിബി ഡാറ്റ, ജിയോയില്‍ നിന്നും ജിയോയിലേക്ക് പരിധിയില്ലാത്ത കോളുകള്‍, മറ്റുള്ള നെറ്റ് വര്‍ക്കിലേക്ക് 1000 മിനിറ്റ് സൗജന്യ കോളുകള്‍ എന്നിവ ലഭിക്കും. 28 ദിവസമാണ് ഈ പ്ലാനിന്റെ കാലാവധി. ദിവസേന 2 ജിബി സൗജന്യമായി നല്‍കുന്ന 249 രൂപയുടെ പ്ലാനും ദിവസേന 23 ജിബി നല്‍കുന്ന 349 രൂപയുടെ പ്ലാനും 28 ദിവസത്തെ കാലാവധിയില്‍ ലഭിക്കും.

2 മാസം കാലാവധി ലഭിക്കുന്ന പ്ലാനുകള്‍ 399 രൂപയ്ക്കാണ് ആരംഭിക്കുക. ഈ പ്ലാന്‍ പ്രകാരം പ്രതിദിനം 1.5 ജിബി, ജിയോയില്‍ നിന്നും ജിയോയിലേക്ക് പരിധിയില്ലാത്ത കോളുകള്‍, മറ്റു നെറ്റ് വര്‍ക്കുകളിലേക്ക് 2000 മിനിറ്റ് സൗജന്യ കോളുകള്‍ എന്നിവ കമ്പനി വാഗ്ദാനം ചെയ്യുന്നു. പ്രതിദിനം 2 ജിബിക്കൊപ്പം 339 രൂപയുടെ അതേ ആനുകൂല്യങ്ങള്‍ വാഗ്ദാനം ചെയ്യുന്ന 449 രൂപയുടെ പ്ലാനും ജിയോയിലുണ്ട്.

84 ദിവസത്തെ കാലാവധിയില്‍ 2 തരം ജിയോ ഓള്‍-ഇന്‍-വണ്‍ പ്ലാനുകള്‍ ലഭ്യമാണ്. ജിയോയില്‍ നിന്നും ജിയോയിലേക്ക് പരിധിയില്ലാത്ത കോളുകള്‍, ജിയോ ഇതര മൊബൈല്‍ നമ്പറുകളിലേക്ക് 3,000 സൗജന്യ കോളുകള്‍ എന്നിവ ഇതില്‍ ഉള്‍പ്പെടുന്നു. അതേസമയം 555 രൂപയുടെ പ്ലാന്‍ പ്രതിദിനം 1.5 ജിബി ഡാറ്റയും 599 രൂപയുടെ പ്ലാന്‍ പ്രതിദിനം 2 ജിബി ഡാറ്റയും വാഗ്ദാനം ചെയ്യുന്നു.

ജിയോയുടെ വാര്‍ഷിക പ്രീപെയ്ഡ് പ്ലാനിന് 2,199 രൂപയാണ് ഈടാക്കുന്നത്. ഈ പ്ലാനിന് 12 മാസത്തെ കാലാവധിയുണ്ട്. ദിവസവും 1.5 ജിബി ഡാറ്റ, പരിധിയില്ലാത്ത ജിയോ-ടു-ജിയോ കോളുകള്‍, ജിയോ ഇതര മൊബൈല്‍ നമ്പറുകളിലേക്ക് 12,000 സൗജന്യ കോളുകള്‍ എന്നിവ ഈ പ്ലാന്‍ വാഗ്ദാനം ചെയ്യുന്നു.

English summary
Reliance Jio releases new All-in-One plans
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X